1 Gai: ra" myo, nho wa nae pyo" xau tho' je: phug' ra". Shid: ra" ba na re: khau2 myhung: li" ba tho' je: gai: ra". – Poe yham ye: nae" tho' mae mao gaung jo; ra" yham ye" re je: gai: ra". Pe" mung: ga" re byu alhab' bam: lo" thao" gau: ngaid: ru mung: daui: na shi" mo, myid beim"3 na genaeva". – Kaug' qhui: ru wa qi: ra" tho' je: gai: ra". Pe" mung: ga" re kaug' qui myo, yug yang: nhag' lam: gai lho" li"4 ra". – Juyi bo mo; nhag' lam: wa nghin: dam: jo; yham mae ngaid: . Kopyaid' qe: nhag' lam: kam" wa pyo" yhai: na: yham5 mae ngaid: . – Kopyaid' caung" ra" nghaui" thoe tae" gyo" ra" tho' juyi bo yaug: mho"6 shid' dao: tae" gyo" ru je: gai: ra". – Pe" mung: ga" re kopyaid' qi: ru wa yae: gyid' mae zau: gae nga" myang thoe we' dau: ra". Ai re: akeim aseim za: ngaid:7 ra". – Dang dang o: byid: ra" myid wa juyi bo yaug re ago boe" nhao: ra". Khug vag: zo" ra" gau: re: ba jhao myid phyo'8 qheim" pye' ra". – Mau" bin kyab' ru wa kaid' qhid: ra" tho' je: gai: ra". Zang: qhao" nhag' lam: wa ngaid so" nhag' lam: tho' je:9 gai: ra". – Nhag' yo: nae" qhi" nhag' lam: dalang". Nhag' yo" myid ga: ru wa kopyaid'10 aung khug mae bo ja: ngaid: . – Genhae" ta wa ana" ta tho' pe" mung: je: gai: ein: damyid: . Ai ru: ga: myid' ru wa juyi gau:11 khyo" myid' ru mangaid: . – Juyi ga: ru wa jao khae ru: gai: ra" ru mung: ba qo" the'12 myao mo, tau: phug' de; thao" va". – Pe" mung: ga" re ngaui wa gug: gam khyo byid' we' dakhyo: juyi re: gug: gam khyo byid' ra". Ai qere: ba jhao: ru wa pe" ru: phug' de; ra" ga" re ai qo" yaug wa juyi: yang yao"13 kao lhaug' zaung" ra". – Mo"so: mau" zo" re myid: qu" wa, . Yao: so" to: va" akaui14 jham re khag' qo" lao" din: nae". – Na gai: yo, re ngaui pyo" na wa, . Sho: jhin qhug' au: re myid: qu" na wa, . Dang dang byu ga: ru wa yao" thao mae pe" boe" nae" akhyo re maqo" tho' ba lo: sho' Mo"so: yang ai: na gai: khyo we' sho: jhin gau: shid' khe' byid' to" ra".15 Ngo akeim na: ra" ayo, gu: mae ce: akhyo ja: cao jab qo" the' myao: yu: . Dang main: yaug wa yao: yao" dang main: ru mae thao" byaug: ru re: azhaug' amhe' byu re: yao: yao" azhaug' amhe' gau: mae kao16 daui: na: ru re re: ngo the' myao: . – Dae xo sho' dataung" dang main: . Saung" lai sho' juyi daba beim: . Pe" mung: yao: yao" tau: mae" akyu" phyo' na: ra".17 Dae xo sho' magai: mau" anghang: dakaid' na. Ayo, majoe" shi" re pe" mung:18 shid nug: ra". – Ce: dao: kheim: gaug yu gai: . Dazai" nhao: pye'. Mo"so re gyaug phug' yaug wa ai jham alhab' aung myaug19 li" nae". – Juyi bo yaug wa juyi mathao: yang vo khug na: na: sulhe: daxe zo: tho'20 qam: je: bo: ra". – Dang dang myid gaung: dao dang main" ru we' gai: ra" mau" zaui:21 qere: mashaid' su dayaug lao" mana. – Su geje ta" mae" ta" daxam" to: . Xam" ngaid: re ni" jeim: yang nhang" ru qo" the' gyo" li"22 nae". – Ni" gaung yao: su geje re nhang" pye' ra" akhyo ni" aung khug myo: sho'23 lhang myid: beim" li" nae". – Ngo wa ai: akhyo alhab' re juyi khyo" ca: xeim: qu" va". Ngo juyi mae jab byang" va" ein qere: juyi wa ngo we' va" lin: jo; .24 Va" jo; ru we' no; thao" ru re khag'25 qo" qho: ca nae". – Juyi we' na mae" na qe: aqao: apain re: , tarha" maci: ru wa kopyaid' mau" , nhag' mabo: ru wa ako" asho: mau" ngaid: jo; ru re qo" ba sho' ein: ngo khyo khe' khao: ngo" ca: xeim yang: nga" nhag' lam: ai re qo" ba: kyao" nae" tau:26 ca: qu" na: . – Dam: zo: makhaung: we' geim myho ngaid mung: yao" lo, taui: we' dau: ra" myiqe" nhag' lam: wa shid no tho' je: qug' ra" khyo re ngo qo" the' myao: . Mo"so: yang myo, nho lu nhao yaug kam" wa ai: myiqe" lo, mae" qo" loe; lo" nae". Qobo qo" yaug kam" wa taui" jab; to: qhug'27 nae". – Tarha" mho" shid' yaug wa ai: akhyo ngo qo" the' myao va" ga: ta" ra". Ngo ca: qu" mung: mathe' myao shi" jham qo"28 ca: myao nae" tau: – Daja: bin daja: nyhoe yang: ca: qu" re yaug gai dataung mae yaug gai ein: gai: ta" nae" yaug gai dayaug za: athe' myao: . Myiqe: dataung mae kam" wa myiqe: ein: gai: ta" nae" dayaug lao" mathe'29 myao. – Qu" ge, ai: gau: dakhe' re za: ngo athe' myao: . Mo"so wa byu re dang main" khyo" phain" to: va" qere: yao: bam: nhag' lam: akaui khyo" za: cao" qho: na: ako".