1 Dam: ba gyid' mae kyi" khyag' phau" na: khyo alhab' re ngo myid: qu" na: . Pyam" yhin" phau: mo, ngug byid thug' ko" qere: myain myhain" nae" su mana. Pyam" yhin" mo, deim" zag zo: kaid' ko" qere: myain yo byid: nae" yaug mathug'2 li". – Ai: mathao shid: lai: lo" va" mo, wa ana" daui: na mo, tho' je: nga: lho" ra"3 ein: ngo mho: ra". – Dang dang makhau shi" ru we' ba agyid' mae qobo mau" zaui" ru mamyao shi" yaug wa dao mae" shid'4 yaug tho' je: nga: lho" ra". – Dam: ngo wa byu qe yao: cao: apyag' asham" kaid' ra" juyi mau" we' ave, asam" aja: ja: re myid: qu" ra". Ai re: akeim aseim we' la5 re cao" khe' ru za: ngaid: . – Byu vhang: wa yao" lo, pyid' thag' to: mung: yao" sho:6 zo" na: ra". – Myain yo za: lo, dazhab' zo: the' zo" ru wa myid qug: myid khai: we' la cao" khe' au" shid' lo, mae byang" qo"7 ra" yaug tho' je: gai: ra". – Ngo xo' yang: ba gyid' mae akeim aseim mau" re myid:8 qu" na: . – Byu dayaug wa zam" cao: , myi: zo:, mao: nhaung: maqo" qere: yao" mau" matho' bin: ru we' yao" myo, jid' jo, nho" mae nhag' matho' dag. Ai mung: yao: wa ngo khag' qhid' mae" phin" qhao" na: ru we' phau yu phau khyaid' qhug' na nhaung i"? ga: myid' ra". Ai re: akeim aseim we' myaung: dug mau" ngaid: ra".9 Byu wa dayaug za: tho' shid' yaug wa je: gai: ra". Yao: tao wa yao: yao" mau" mathao gai: ra" aphug' qo" the' khae: yu10 nae". – Dayaug lang: lao" dayaug qo" bao" tau: yu nae". Dayaug za: na su lang" re kam" bao" yu nae" su maqo". Akyu"11 yeim" ra". – Shid' yaug daga" yab; re lam: ra". Dayaug yao: za: ngaid: re kam" wa12 khoru: gai: nyoe: nae". – Byu dayaug wa byu ate: re qo" aung: pye' ngaid: re shid' yaug wa yao: re dam: qo" aung zai va". Sam baung" zham" yang: nag: ra" taui: wa laui13 za: maqo" lao" phyid'. – Mho" shid' dao: makhae: yu, kao qi" byaug va" jhaung zug: avhang: tho' juyi bo: sho: jhin: ra" zoshao wa je: phug' de; ra".14 Ai: zoshao wa mang: din" khug sho: jhin: ru we' khau: lo qere: , yao: sho: jhin: kyam: mae" thug' yang: jhaung zug: boe"15 lo va". – Dam: yao: wa getau dayaug aya: gegu tau qo" vao: re ba agyid' tau daui mae" daui wa yao" thao bo: cao ko" ru re ngo the'16 myao: . – Ai: jhaung zug: ug: ra" byumyu" qe wa matho' nghe' myo" ra". Ai qere: yao" thao re na: li" mo, yao" akhyo mabo: ngaui ko". Dang dang ai re: akeim aseim we' la re cao" khe' ra" mau" za: ngaid: ra".