1 Ni" zo: vae re qid mae khyo" ke' wa, . Khomyhao" makyo re ai re dam: myao nae".2 Byu nhaid' yaug za: mangaid:, she' yaug re gae byid: wa, . Myid gaung: dao magai: ru pe" boe" nae" nao maqo"3 ba. – Jham thaui: wa qid byang" lao" myid gaung khyo qu: khyo" ke' ra". Sag' gae wa mug: am: shaid' khyo gyang qere: , qid bang: khyo gyang qere: lang: lo" ru mae4 lo" jo; jo; ra". – La re tae" gyo: yaug wa qhovo: magai: sin: . Jham thaui: re qu" yaug5 re: gaug magai: yaid . – La hug' lo: gau: we' gaung laui: li" myiqe" vae: dug: khug shoqug khoru: boe" lo: ru: nao matho' ba: ru: alhab' re so: to" ra" Mo"so: lo, mau" re6 nao maqo" ba. – Ne, seim no' no' qhovo: sin: wa, . Myi" thao re: masin: lo: dana: pye'. Pe" mung: ga" re kholam: yaug nae" mayaug nae". Shid' lam" geim" daqi" yaug:7 li" nae" la, nao maba. – Dang dang bo" bao wa cug: ra". Myo, jid' wa ba bao myao8 lao" pyo: nae" ru boe" ra". – Ai qere: byu wa myao" sho' kao daui: na mung: ai: gu: alhab' tau yao: ngaui pyo" na qere: joe" lo nae" mug: caid' re beim" na shi: veshao: . Ai: ba na wa myo" ra". Joe" lo nae" jham re: akeim jham za: ngaid: .9 Zolau: pho" we" ni" zoqae: bang: re ngaui pyo" na wa, . Zoqae: bang: ni" nhag' lam: pyo" na mung: ni" myid kao bau: ru we' myo, jid' ceim" shid' gau: khyo cao" ye: wa, . Ai qere: ai jham alhab' tau: mae" Mo"so nao re tarha" pyam" zai ngaid: beim:10 so" na wa, . – Ai: mathao ni" nhag' lam: khug ni" kaug' qui khyo re ni" gaung khyao mae" mazhao: mayao: ru vha: pye' wa, . Zoqae: bang: we' xae no, wa akeim aseim ngaid: ra".