1 AsAng Mo"so re: Moshe re nao Pharaoh jhao" dam: vao mung: Nga" byu qe Ngo jhao" pa" kug' nae" tau: yao: bam re nhao:2 ke' wa, . – Yao: bam re manhao lo: axo'3 nha: re wa , – AsAng Mo"so: lo, mo" wa yodae mae na: ra" gug' nyhug' , myao: , lo gung: , ma dae myao: , yao , nung: jham: adao mae gyai qi" ra" qam" khyo" ke' li"4 nae". – Israel qe: gug' nyhug' we' Egutu qe: gug' nyhug' qe: gyo: mae AsAng Mo"so: yang kyo: dam: to" pye' byid: mung: Israel amyu" sang: ra" gug' nyhug' jham wa5 dadau: lao" shid nae" mangaid: . – Ne, mo" ba Egutu mang: mae ai: qam" AsAng Mo"so khyo" nae" ayo, dang: to" ava" ga: Hebre byu qe: AsAng Mo"so mho: ra" akhyo ta"6 kyo: wa, ga: Moshe re mho: ra". – Thao: ba AsAng Mo"so wa ai: mau" poe" ke' mung: Egutu byu qe: gug' nyhug' acao jab shid; byaug: ra". Israel qe: gug' nyhug' kam" wa7 dadau: lao" mashid ngaid: ra". – Pharaoh jhaung zug: wa byu nhao: ke' mung: qu" wa, Israel qe: gug' nyhug' dadau: lao" mashid: ra" akhyo ba: ra". Ai ngaid qere: Pharaoh jhaung zug: nhag' lam: qao: na: ru mung: Israel byu qe re manhao lo: dam: na: jo; ra".8 AsAng Mo"so wa Moshe we' Arun: tao re myi: khyeim" mae" myi:qe, dazhab' zhab' yu mung: Moshe wa Pharaoh qhid' kheim: mae mug: khyo pye' tao" ke' ca". –9 Ailao" ai: myi:qe, wa Egutu damang" geim" dao" myi" lo" mung: damang" geim" byu we' gug' nyhug' mae qae" lo: ra" shu: no10 boe" lo" li" nae" ga: mho: ra". – Yao: tao re: myi: khyeim" mae" myi:qe, yu mung: Pharaoh qhid' kheim: ye, zo" mae" Moshe wa mug: khyo pye' tao" sin" ke' ra". Ai: myiqe, wa byu we' gug' nyhug' qe mae11 qae" ce' ra" shu: no boe" lo" ra". – Ai: shu no wa vha" ju yi ba mo, mae re: , Egutu byu qe mae re: , no boe" lo: ra" ru mung: vha" ju yi bamo, wa Moshe: qhid' kheim: mae maqo" qhao" ye, jo; ko" ngaid: ra". –12 AsAng Mo"so yang Pharaoh jhaung zug' nhag' lam: re qao nhao: ru mung: Moshe re mho: to: ru we' dakhyo: yao: dao: re matae" gyo: sae za: na: na: ra".13 AsAng Mo"so Moshe re dam: mho: ru wa ne, kao no' re" to" mung: Pharaoh jhaung zug: qhid' kheim: mae ye; na wa, . Yao: re Hebre byu qe: AsAng Mo"so ce ru: ga: mho: ra" Ngo re li" pa" kug' genae" tau:14 Nga" byu qe re nhao: ke' wa, . – Manhao: ke' re ana" ce lhang wa ni" nhag' lam: mae re: , ni" jeim , ni" byu qe mae re: , Nga" qug: khai: aqam" jham khyo" zag: ke' nae". Myid gaung dagye, geim" mae Ngo qhi" ra" yaug getau mana lo" khyo nao qo" ba: yu:15 li" nae". – Nga" lo, qang: ke' mung: nao we' ni" byu qe re re: no aqam" we' dae qi: abyid' re kam" wa ce: myid gye, mae"16 nao re kyang" shao: pye' naeva". – Ngaid qere: Nga" phung bao nao mae qhu" nae" ein: yang: re: , Nga" kheim: so' myid gye, dalam" geim" mae hau" nhao" na veshao: ein: yang: re: nao re Ngo tau: yhe' to"17 ru ngaid: . – Nga" byu qe re manhao lo: za: yao: bam: adao nao ngaid so" na shi"18 i"?. – Qu" wa, Egutu mang: te" ra" ba mae" ana" joe" sho' khonhae" re: maqu: joe" qu" shi" gyai qi" ra" lag qu ne, mo" ba ce yo,19 re ngo khyo" ke' nae".– Airu: mung: ana" nhao: ke' mung: yo dae: mae na: ra" ni" gug' nyhug' qe we' nao qo" ra" gu: keim" zhag' yu wa, . Yham khyo ma zhang" yu yo: dae: mae na: ra" byu we' gug' nyhug' adao mae lag qu gyo" mung: yao: bam shid: gain: byaug zai va" khyo ta" wa, ga: Moshe20 re mho: ra". – AsAng Mo"so: mung dao: re gyaug ko" ra" Pharaoh daui mung jeim qe yao: yao" jeim we' gug' nyhug' qe re keim" zhang" yu: ako".21 AsAng Mo"so: mung dao: re pe" dao" manghae" ra" mo, kam" wa yao: yao" jeim , gug' nyhug' qe re yo dae: mae nha:22 to: ko" ra". – AsAng Mo"so yang re: Egutu damang" geim" mae" byu qe: adao mae re: , gug' nyhug' qe: adao mae re: , yodae yo myi: mae jo; ra" sag' gae qe mae re: lag qu gyo" li" veshao: ni" lo, mug: khyo qang:23 ke' wa, ga: Moshe re mho: ra". – Moshe wa yao" zaung: bao" re mug: khyo qang: ke' lao" AsAng Mo"so: yang lhe' caid' we' lag qu ce' re poe" ke' ra". Myi: re: myid gaung khyo qu: gyo" lo: ra". Ai re" khyo: AsAng Mo"so wa Egutu mang: mae lag qu24 khyo" poe" ke' ra". – Egutu mang: te" ba mae" dalhang re: maboe" qu" ra" lag qu myi: we' lhau: lhag' ra" mug: ce' gyai: thin:25 ru poe" ke' ra". – Egutu damang" geim" mae , yo dae mae na: jo; ra" byu we' gug' nyhug' jham , myo, gae , sag' gae jham re26 lag qu: yang be; nhaug' pye' ra". – Ai ngaid qere: Israel amyu" qe na: ra" Goshen: mug: mae lag qu: majoe" ngaid: ra".27 Ailao" Pharaoh jhaung zug: byu nhao: ke' mung: Moshe we' Arun: re khai: yu yang: ce: mau" zo" mae ngo shaid' va". AsAng Mo"so wa dang main: ra". Ngo we' nga" byu qe wa qobo gyai qo" mo,28 ngaid: . – Ga" shi: va" , qam: bo: ra" lhe' caid' we' lag qu tam" pye' byid: nae" tau: mae AsAng Mo"so jhao" mho' bain: byid: gela, . Naonhaung" re ngo matam" to: lo: mye, za: nhao naeva" ga: mho: ra". –29 Moshe re: vomo" mae" ngo thug' lo" mung: AsAng Mo"so mae nga" lo, qang: yheim" ke' nae". AsAng Mo"so wa myid gye, re ug: gam yaug ngaid: khyo nao qo" ba nae" tau: lhe' caid' mug: dam: thang: lo" mung: lag30 qu re: makhyo" lo: nae". – Ai ngaid qere: nao we' ni" jeim qe wa AsAng Mo"so re gyaug genae" mangaid: shi: ko" ru ngo ba:31 ga: ta" ra". – Ai: ayo, lham" sug we' laung: jham re lag qu: yang be; pye' ra". Laung: re: mhang" va". Lham" sug' re: qao" va"32 ayo, ngaid: . – Saung so we' gaug nyhao: kam" wa ma taid' shi: mung: mazao" ngaid:33 ra". – Moshe Pharaoh mae" thug' lo" mung: voyae joe" lao" AsAng Mo"so: qhid' kheim mae yao" lo, qang: ke' ra". Ailao" mug: dam: dam" ru we' lag qu tae" lo" ra". Mug: re: myid: gaung mae maqu lo: . –34 Mug: maqu lo: lag qu we' mug: dam: dam" ru tae" lo" ru Pharaoh myao lao" yao: qobo dam: xo' kaid' mung: yao" daui mung jeim qe we' daga" nhag' lam: dam: qao: byaug:35 ra". – AsAng Mo"so: yang Moshe re ta" to: va" we' dakhyo: Pharaoh jhaung zug' nhag' lam: qao mung: Israel byu qe re: manhao lo: ngham za: dam: na: jo; ra".