1 Moshe we' Arun: tao re Egutu mang: mae AsAng Mo"so: yang mho: kyo" ru2 wa , – ce: lho" khye' wa naonhaung"tau: aqhid lho" khye' we' zin qug: mae" sao3 qhid' lho" khye' ngaid: . – Israel mo, byu qe re ce ru: ein: mho ge, . Ce: lho" daxe ba re naonhaung" alhab' bam yao" yham khaung yao: dayham re yao nau" dadau:4 yu: to: nae". – Yham byu nang: mung: yao nau" dadau: magain nae" lao" wa jhao" ra" yham kyo: cao: we' byu nghe' qhain" qu" yang: dadau: qo" gain: zo: nae" qae" tau"5 mung: yao dadau: yu ca" nae". – Yao nau" ngaid ngaid , caid' nau" ngaid ngaid naon- haung" yu nae" dau: wa no mabo maqeim: ru zin mabyang" shi" ra" alo: ngaid: ca"6 nae". – Ai lho" khye' daxe: byid ba joe" sho' naonhaung" ai re taung" to: mung: mug: caid' sham" ayo, re Israel amyu" mo,7 byu yao: zhain yao: se' ca" genae". – Yao nau" sho: zo" ra" yham khao: ngo" kham: baung shid' shaid' mae yao nau" sa: yu:8 gyaid to: ca" nae". – Ai: myi sho: re myi: mae kao mung: main" mabo: ra" cin main" yho' we' kho" ra" ja: xeim: vho' yu yang: zo: ca" nae".9 Sho: jam: re , jho' nyho' pye' va" ru re: magai: zo: . Au: , khyid , sang: , kheim jham we' daga" myi: mae phaid' yang: zo:10 ca" nae". – Sho: re thao: ne, kao joe" sho' magai: tang" to: mavai" mathao zo" tang"11 to" gu: myi: mae ngha" pye' ca". – Ai re khoru: zo: nae" ga" re phyid' cui: cui: tang: ci khyid zhaung: zhaung" to: , zaung: bao" re zaui" zag: ci mung: mye, mye, zo: ca" nae". Ai: wa AsAng Mo"so: yang lhai: lhoe'12 ke' ra" lai: loe, poe ngaid: ra". – Khoru: ga" re ai: myi re Egutu mang: mae Ngo jao" lai: lo" mung: byu mae" ru gug' nyhug' mae joe" sho' Egutu damang" geim" mae" zo:qhid' re se' pye' nae". Egutu mang mae" sulho jham re re: Ngo khyoe' pye' nae" Ngo13 wa apyaid ato: AsAng Mo"so ngaid: . – Ai: sa: wa naonhaung" yham mae naonhaung" ve, lho aso: ngaid: na shao: , ai: yao nau" sa: re myao lao" Ngo naonhaung" re lai: lhoe' to: co' nae". Ai: khyo: Egutu mang: re Ngo khyo" mung phyo' paui" qeim" re naonhaung" mae wa mazao" majoe"14 nae". – Ai: ba na re naonhaung" beim" na ca" genae". Ai: ba AsAng Mo"so: qhid' mae" poe kaid' na ge, . Ce wa pyaid dae du mae" khang" dao: ngaid: mung: ai: poe re daqae:15 xo' kaid' na ca" nae". – Nhaid' ba lam: lam: main" mabo: cin main" zo: ca" nae". Sao qhid' ba mae" yao: main" re yham mae" vha: pye' ca" nae". Aqhid ba mae" nhaid' ba byang" sho' mae main" re zo" ra" yaug kam" wa Israel myu" mae" phoe' pye' ru qhug'16 nae". – Aqhid: ba re re: , nhaid' ba: akhug mae re: , shao gyang" mo, qham phaung kaid' ca" nae". Ai: ba aqho" gu: mae zo yhaung" zo" ra" mae" je yang: getau mau"17 magai: zaui: . – Ai: Azuma poe re naon- haung" beim" na ca" genae". Khoru: ga" re ai: ba mae naonhaung" mo, mo" thaui: re Ngo Egutu mang: mae" jhui" thaid' thug' lo: ru ngaid: mung: ai: ba re apyaid ato: tau: byid' to" khang" dao: we' dakhyo: aqae: qae: mae naonhaung" cao" pyang"18 na ca" genae". – Aqhid: lho" khye' daxe: byid ba myi" thao: dau mae" ai: khye' shid' xe: daba myi" thao: dau joe" sho' main" mabo: cin main" naonhaung" zo" na ca"19 nae". – Nhaid' ba lam: lam: naonhaung" yham mae main" magai: jo; nae". Main" bo: ra" cin main" zo" ra" yaug kam" wa lhau" bang" na su ngaid qere: , ai: mang: din" byu ngaid qere: Israel amyu" mae" phoe' pye'20 ru qhug' nae". – Naonhaung" na ko" jo, qo khao: ngo" mae bai" phaui: bo: cin main" re magai: zo: . Bai" phaui: mabo: cin main" re za: agai: zo: nae" ga: mho: ra".21 Ailao" Moshe wa Israel ade, qe re khai: qham: yu mung: naonhaung" yao: yaug yao" yham khaung qhid' mae" yao nau"22 yu mung: lai: loe, poe: tau: se' ge, . – Fin" bau:" kyao dadang: yu mung: thaung: lhao: mae ke' to" ra" sa: mae" jam: yu yang: shid' shaid' kham: baung tau gyaid: to: ge,. Ai mae" wa thao: ne, kao joe" sho' yao" yham kham: dung: taung gaung khyo khag' re:23 magai: thug' ye: nae". – Khoru: ga" re AsAng Mo"so: yang Egutu byu qe re aqam" khyo" mung: lai: jao" lo" nae". Shid' shaid' kham: baung mae" sa: myao lao" AsAng Mo"so wa kham: re lhai: to: co' nae". Pyam" yhin" nae" su naonhaung" re phyo' qheim" nae" tau: yham khug khyo vao nae"24 akhang" byid: nae" mangaid: . – Ai wa nao we' ni" zo: myid: qe mae to" to" ra" khang" dao: ngaid mung: ce: mau" re khonhae" re:25 cao" na ca" genae". – Dao: so: to" to: va" we' dakhyo: AsAng Mo"so: yang byid: nae" ra" mang: khyo naonhaung" joe" lao" ce:26 li re cao" na ge, .– Naonhaung" zo: qe ce: li agin wa pe" re ta" nug: ru ngaid: i"? ga:27 myid' lo ko" re – Naonhaung" wa AsAng Mo"so Egutu byu qe re qug: khai: aqam" byid' ra" au: nyhao: nhaung" yham jham re lai lhoe' to: co' au: re , Egutu mang: mae Israel byumyu" jham yham re lhai co' ra". AsAng Mo"so: lai: loe, poe xeim: ngaid: ra" ein: yao: bam re ta" kyo: ca" nae" ga: ta" ra". Airu: bin: ta" kyo: lao" yao: bam wa28 gam" goe; pa" ako". – Ai re" ru: Moshe we' Arun: tao re AsAng Mo"so pyang: to: va" we' dakhyo: Israel byumyu" qe kaid' cao" na: ako".29 Gae gaung: myi: ayo, re AsAng Mo"so wa tao" zaung: ra" Pharaoh zo:qhid' mae" ru kyam: lhaung" to: qhug' ra" yaug: zo: mae joe" sho' Egutu mang: mae zo:qhid' alhab' re re: , gug' nyhug' mae" zoqhid'30 alhab' re re: se' pye' ra". – Ai: myi re Pharaoh we' yao" jeim qe re: Egutu byu bin sho' mo, re to" mung: sushid mao malang" jo; ra" yham dayham re: majo, lo: ngaid: ra". Ai mung: Egutu mang: mae kaug' myain" mo" phau veko".31 Ai: myi yao: Moshe we' Arun: re khai: yu mung: nao we' daga" Israel byu qe to" mung: nga" byu qe mae" thug' lo" ge, . Nao tao mho' ru we' dakhyo: AsAng Mo"so32 jhao" ye: pa" kug' ge, . – Nao tao mho' ko" we' dakhyo: yao , nung: jham re keim" ye" lo" ge, . Ngo re re: min byid: co' ge, ga: ta"33 ra". – Egutu byu qe re: ngonhaung" alhab' bam sushid' jhaid' ngaid: byaug va" wo" ga: mho gemung: Egutu mang: mae" Israel byu qe re mye, mye, thug' lo" geshao: khe'34 zhain" na: ako". – Ai: byumyu" wa bai" phaui: malhag' shi" cin main" jam: re yu mung: cin main" gyid: ra" lhao: re re: pin:35 cug' yang thab' yang: vo, ko" ra". – Moshe mho: to: va" we' dakhyo: Israel byu qe wa ngaui zai , hhang zai , mai bau: xug' khye' jham re Egutu byu qe mae" mho' ako". –36 Mho' ko" we' dakhyo: byid: nug: ra" kao bau: myid Egutu byu qe mae AsAng Mo"so zhain" to" ru mung: Egutu byu qe: jo, nho" jhaid' za: mho' yu: lo" ako".37 Israel byu qe Ramase vo mae" Su Kug' khyo byaung: veko". Zoshao qe re mabo: nghe' yaug gai qao" qe za: khyaug' tid , kho38 ngaid: ra". – Aja: ja" byu qe wa yao , caid' , gug' nyhug' myo: sho' we' daga" bo cao"39 lo" ako". – Egutu mang mae" hin zo: ladain nhao: thug' ke' geyang: zao: kho gelho: maqo" kaid' vin ko" ngaid: ra". Bai" phaui malhag' lo: Egutu mang: mae" yu: lo ko" cin main" jam: yu mung: bai" phaui: mabo: cin40 main" phaid' zo" ako". – Israel byumyu" qe Egutu mang: mae ye lhaung" na ko" ru zin41 lam: byid yo: sam xe zin ngaid: ra". – Zin na byid yo: sam xe lam: lam: byang" ra" ba re yao: AsAng Mo"so: mo, mo" thaui: qe Egutu mang: mae" thug' lo" ako". –42 Egutu mang: mae" jhui" thaid' thug' lo: ra" mathao ai: myi wa AsAng Mo"so: re je yang: myid beim: gai: ra" myi ngaid: ra". Ai: myi wa Israel zo: myid: aqae: qae: myid: beim: cao" na nae" ra" AsAng Mo"so: myi ngaid: ra".43 Dam: dalhang AsAng Mo"so Moshe we' Arun: tao re mho: ru wa- lai loe, poe akhyo: ein nae" ru wa getau taung bug amyu" qe44 magai: zo: . – Ai ngaid qere: ngaui: yang vai: yu va" jeim kam" wa nyaug phyid' li45 khae: yu mung: gai: zo" ra". – Li bo: khug: na yaug we' aphug' zo" ra" byuboe: jham46 wa magai: zo: . – Dayham bao: dadau: zo: ca" nae". Sho: re taung gaung magai: yu: thug' lo". Sho: qug: re: magai: zai" khyug'47 nae". – Israel mo, mo"thaui qe ai poe re48 kaid' ca" genae". – Getau: byumyu" nao mae li" bo: bang" na su re: AsAng Mo"so: tau: lai" loe, poe kaid' nug: ngaid: re wa yao: mae na: ra" yaug gai qe nyaug phyid' li khae: yu ca" nae". Ailao" za: ai: yaug wa ai: mang: mae co' phyid' ra" yaug boe" mung: te' ye: yang: ai: poe vao shao: . Nyaug maphyid' shi" yaug kam" wa ai: poe magai:49 vao zo: nae". – Amyu" aqao: mae re: , naonhaung" mae lo" bo: bang" na: ra" yaug mae re: ce: tarha" wa dakhyo: za: ngaid: nae" ein: ta" ge, ga: Moshe we' Arun: tao re50 mho: to: ra". – Moshe we' Arun: re AsAng Mo"so mho: to: va" we' dakhyo: Israel qe51 zaui" cao" ako". – Ai: ba re yao: AsAng Mo"so Israel mo, mo" thaui: qe re Egutu mang: mae" jhui" thug' lo: ra".