1 AsAng Mo"so: yang Moshe re Pharaoh we' Egutu mang: adao mae qug' khai: qam" daja: Ngo poe" ke' shi: nae". Ai mae" za: naonhaung" re nhao: ke' li" nae". Nhao: re lao" gai gai: yao: naonhaung" re dalhang:2 dae keim" nhao: ke' li" nae". – Israel yaug gai qe wa yham kyo: yaug gai jhao" , myiqe: qe wa yham kyo: myiqe jhao" ngaui zai , hhang zai , ve, mai bau: xug' khye' jham mho' yu veshao: , byu qe re zhao: kyo" to:3 wa, ga: mho: ra". – Yao: bam mho' ru we' dakhyo: byid' nug: ra" nhag' lam: Egutu byu qe re AsAng Mo"so poe" byid: ke' nae". Moshe re Egutu mang mae Pharaoh jeim jham , byu jham qhid' kheim: mae nga: je: lho" lo: ra".4 Moshe wa AsAng Mo"so ce ru: ga: mho: ra". Gae gaung: myi: re Egutu mang:5 khug khyo Ngo vao: li" nae". – Ailao" tao" zaung: ra" Pharaoh zo:qhid' mae" ru laug lhang yae zaung: na: jeim myhi" zo:qhid' mae joe" Egutu damang" geim" mae" zo:qhid' we' gug' nyhug' zoqhid' alhab'6 shid: byaug nae". – Egutu damang" geim" mae khonhae" re: maboe" qu" thao phyao: re: maboe" lo: nae" ra" kaug' myain" ngug7 thoe amo" laha: boe" li" nae". – Ngaid: qe re Egutu byu qe we' Israel byu qe re AsAng Mo"so khoru: kho' kyo: to" ru re naon- haung" qo" ba geshao: Israel zo: qe dayaug re re: , lakha: dadau: lao" ein: ga: makyid'8 lo: nae". – Aru: mung: ce ni" jeim qe Nga" jhao" li" yang: goe, pa" zo" thug' lo" ge, . Nao we' nao mae bo: nhaui: li" ko" alhab' bam: we' thug' lo" ge, ga: lao" za: she' Ngo athug' lo" nae" ga: ta" yang: nhag' yo: zo" Pharaoh qhid' kheim: mae" lao" thaung" thug' lo" ra".9 AsAng Mo"so re: Egutu mang: mae Nga" mug: pho" mau" myo: laug lo shao: Pharaoh jhaung zug: wa naotao: dao: gyo: zai mangaid: ga: Moshe re mho: ra". –10 Moshe we' Arun: tao wa ce: mug pho" ve, lho mau" zo" jham Pharaoh qhid' kheim: mae zaui" qhu" va" qere: AsAng Mo"so: yang Pharaoh nhag' lam: zai" qao byid' ru mung: Israel byumyu" qe re yao" mang: din" mae" thug' lo" nae" akhang" ma byid: lo: ngham za: na: jo; ra".