1 Ai: ayo, Levi' yaug gai dayaug wa Levi' myiqe: we' ug' khug' vai" ra".2 Myiqe: ai yaug gaung la" li" mung: yaug gai zo: khau myhung: ra". Ai: zo: nau" yaung" ru yao: myhi" myao lao" lho" sam3 khye' nyham" to" ra". – Magai: nyham: lo: thao ke' to: jao gyain kaid' yang: qab gyid: we' sag' gyid: gyaid mung: zoshao re ke' mung: qid tham: yae thao" paung" mae4 yeto" to" ra". – Zoshao: yao: bai: re: khoru: boe" laug qu" na nae" tau: va: mae" qu" na:5 ra". – Pharaoh zomyi: zo: gaung cid' nae" ga: seim" li" lo: mung: jeim myhi" jham we' qid yae mae su" qin" ko" re thao" jam" mae" gyain re myao mung: yeyu nae" tau: yao" jeim: myhi" dayaug re nhao: ke' ra". –6 Ai gyain phung" qu" ko" re ngug: na: ra" zoshao re myao: ra". Yao: nhag' qu" myain: mung: ce wa Hebre zo nau" ngaid: nae" ga:7 mho: ra". – Zonau" yao: bai: wa asang we" ni" tau: zoshao jhui: o: kaung Hebre jeim myhi" lo" khai byid: nae" lhe"ga: Pharaoh8 zomyi: zo: re myid' ra". – Pharaoh myiqe: zo: lo" khai: lo ri: ga: akhang" byid: lao" ai: myiqe: zo: lo" mung: zoshao: yao: myhi" re9 lo" khai: jhui" li" ra". – Pharaoh myiqe: zo: wa ce: zoshao jhui" lo" mung: nga" tau: lo" jhui" qhi: wa, . Jhui: phug' ngo byid: nae" ga: mho lao" ai: myiqe: wa zoshao jhui" lo"10 mung: khau: ra". – Zoshao qi" lo mung: Pharaoh myiqe: zo: jhao" ye dai" byid' ra". Myiqe: zo: wa yao: zo: aya: mae nha mung: Moshe ga: mhang" yu: ra". Ai: lase" wa qid mae" ngo xoe: yu: ga" ru ngaid: .11 Ana" Moshe qi: thao yao" byumyu" cao: qe zaui" ra" mau" qola: re ye the' myao: ra". Egutu byu dayaug wa yao" amyu" cao: dayaug re se' da: be, khyaid' kaid' ru myao12 lao"- – A vai: ayae lhang: qu" re khoyaug lhao" mana ko" ru myao lao" Egutu byu re se' mung: ma bam mae nyhab' pye' ra". –13 Thao: ba dam: thug' su" qin" re , Hebre byu shid' yaug yao: cao: jho" de; yu: na ko" ru myao lao" nao wa ni" zam" cao: re14 pe" mung: be; na: ga: myid' ra". – Ai: yaug wa nao re ngo-nhaung" adao mae au: she tarha" zug: khyo" khoyaug nha: to"? Egutu byu re se' ru: ngo re re: se' nug: i"? ga: dam: phaug' tau" ra". Ai lao" Moshe wa yao: zaui" ra" mau" zo" the' ba veko" ga: mung:15 gyaug: na: ra". – Ai: lau dao: Pharaoh jhaung zug: the' gyo: lao" Moshe re se' pye' nae" ga: qho: ra". Moshe re: Pharaoh mae" phao: lo" zo" Midian: mang: yejoe" mung: qid thaung: nhae mae yezaung: no" na: ra".16 Ana" Midian: mang: Sayin" myiqe: zo: qe nhaid' yaug wa yao: pho" yao , caid' jham re qid khae jhaug' nae" ga: qid lhao:17 mae qid khae: zaui: ako". – Yao zam: mo, daqhae: thug' li" mung: yao , caid' jham re li" khe' sin" pye' ako". Ai lao" Moshe to" mung: ai: myiqe: zo: qe: thao de, mung:18 yao , caid' jham qid khae jhaug' ra". – Ai tao ho' wa yao: pho" Shuila jhao" joe" lo" lao" yao: pho" wa ana" myi pe" mung: no'19 re" joe" lo ko" ga: myid' ra".– Yao: bam wa Egutu byu dayaug ngonhae ho' re yao zam: mo; lo, mae" va: yu mung: qid bo: khae byid' ru we' yao , caid' jham re qid khae: jhaug' bao" yu: ga: ta" kyo" ako". –20 Yao: pho" wa are yao: khai: mae na: . Pe" mung: yao: re nha: to: co' ko". Zo zho: nae" tau: yao: re yekhai: lo ge, ga: mho: ra". –21 Moshe wa ai yaug jhao" bo: na: nhag' de; byaug mung: yao: zo: Zipora we' Moshe re22 ug' khug' vai" byid' ra". – Ai myiqe: khau: ra" zo: re Gerashom ga: mhang" ra". Ai: lase" wa ngo su mang: mae bang" vo boe" qin" va" ga" ru ngaid: ra".23 Yo, dau gyai myao" lo" thao Egutu jhaung zug: kao bain" byaug va". Israel byu qe re: jeim boe" na gemung: kyi" khyag' ngug: yao" na: ako". Airu: jeim doe, zo" ngug yao" na ko" thoe AsAng Mo"so mae24 joe" kyao" lo" ra". – Yao: bam: ngang" ngug: na thoe Mo"so the' gyo: byid' ru mung: Abraham: , Isag' , Yaku' we' to" ra"25 dao: so: re myid beim" ke' ra". – Mo"so wa Israel byu qe re qu" mung: yao: bam: mau" zo" re myid: na: ra".