1 Yaku' we' daga" yao" yham byu qe Egutu mang: khyo joe" ye" ra" Israel qe: zo:2 dau qe: ngaid: . – Rubin: , Simun , Levi' ,3 Yuda , – Isakha , Zabulun: , Benyamin , –4 Dan , Nathali , Gaid' , Asha jham ngaid:5 ako". – Yaku' aung gyo" zo: qe alhab' re byu lam: nhaid' xe ngaid: ako". Yoseb kam" wa Egutu mang: mae no' mae" yejoe" na6 gau va". – Yoseb we' yao: mao: nhaung: qe re: ai: ta mae" mo, re: shid: gain: pye'7 thao – Israel byumyu" qe wa na: je" laug: lo mung: myo" laug: li" geyang: gyai qam: bo: ru we' damang" geim" mae na myi" lo" ako".8 Ai: ayo, Yoseb re mase" ra" jhaung zug:9 sag' tao" zaung: li" ra". – Ai: jhaung zug: wa yao" mang: byu qe re Israel byu qe wa myo" laug: ru we' ngonhaung" tho' je: phao"10 ako". – Li" ge, yao: bam mamyo" laug: lo vegeshao: we' gye boe" lo: re ngonhaung" gyevo shaid' khyo de, yang: ngonhaung" re se' pye' co' mung: ce: mang: mae" mathug' lo" veshao: juyi khyug' gelang: ga: mho:11 ra". – Ai mung: Egutu zug: qe wa mau" zo" khyo" yao: bam re yhin" nae" tau: yao: bam: adao mae au: she nha: to" ako". Yao: bam wa jo, nho" qaung" to: jao: Phithom12 we' Yamase vo te" ako". – Ai ngaid qere: airu: je: yhin" re je: myo" laug: lo: ra". Airu: mung: yao: bam Israel qe: mathao nhag'13 lam: laung: na: ako". – Egutu byu qe Israel14 byu qe re qam: ke' yhin" ko" ra". – Zho: thaung: we' zho: phaid' kaid' ra" mau" mae re: , yo thaung: zaui" ra" mau" zo" aja: ja: mae re: , aqug: akhai: nhao zo: mung: myaung: nhao: ako". Nhao: ra" ja: khao: ngo" mae re: aqug: aqae" khyo" nhao: ako".15 Egutu jhaung zug: wa Hebre myiqe: jham re zo: khau: bao" ra" Shiphara we' Pu16 A tao re re: – Nao tao Hebre myiqe: bam re zo: bao" khau mung: khau: ra" co' jao: mae lao" na yang: yaug gai ngaid: lao" se' pye' ge, . Myiqe: ngaid: lao" kam" nha: to:17 ge, ga: amyin" khyo" ra". – Zo: bao" khau: myiqe: tao wa AsAng re gyaug gemung: Egutu jhaung zug: ta" khyo" mazaui: . Yaug18 gai qe re kao daui nhao: to" ra". – Egutu jhaung zug: wa zo: bao" khau: myiqe: tao re khai mung: naotao yaug gai qe re kao daui nhao: to: ko" , cemau" wa khoru:19 kaid' ko"? ga: myid' ca: qu" ra". – Zo: khau: bao" ra" myiqe: tao wa Hebre myiqe: qe wa Egutu myiqe: qe ru: mangaid: . Yao: bam bun qam: bo geyang: zo: bao" khau mo, majoe" shi: mae" yaug gai nau" qe re qo" bin: khau: sho' yu veko" ga: zhao:20 kyo" ako". – Ai mung: Mo"so: yang zo: khau: bao" myiqe: tao re je ju byid' ra". Ai: byumyu" qe re: myo: za: je: myo" laug: li"21 ako". – Khau bao" myiqe: tao wa AsAng Mo"so re gyaug phug' gemung: yao: tao: yham byu qe re gam caung byid' ra". –22 Pharaoh jhaung zug: wa yao" mang byu qe re , Israel qe mae" khau: li" ra" yaug gai alhab' re qid mae ke' khyo" pye' ge, . Myiqe: qe re kam" wa kao daui nhao: to: ge, ga: amyin" khyo" to" ra".