1 Shao gyang" qe, tau mau" vao: zaui" au: ve, nae" bau: re re: , Arun: ve, nae" shao gyang" mai bau: re re: , AsAng Mo"so khyo" yang Moshe re pin: to: va" we' dakhyo: anyug pin: lung: , ano, pin: lung: , ane pin: lung: jham: yang kaid' ru2 ngaid: . – Kayhoe" qhang re re: hhang: yang anyug pin:lung: , ano, pin: lung: , ane pin: lung: , pin: yaung" yang kaid' ra". –3 Ai: hhang re be; pye" yu mung taui: nyhae" phyid' yu yang: anyug pin: lung: , ano, pin: lung: , ane pin: lung: , pin: yaung" jham we' lhag' yang: khu: ba: qo; mo, qo; tung"4 yu: ra". – Lao" khao" taui: shid' khe' re re: kaid' mung: kayhoe" qhang adao ayae cao" yang: thoeshaid' ceshaid' lao" khyo"5 te' to" ra". – AsAng Mo"so: yang Moshe re pin: to: va" we' dakhyo: kayhoe" qhang adao mae gekai: lai: qao bao" re re: kayhoe" qhang ru: hhang , anyug pin: lung: , ano, pin: lung: , ane, pin: lung: , pin: yaung" yang kaid' ra".6 Shaphain: laug shid' lam: re re: nyhang" so" yu yang: so:te' dao mae tung" te' to" ru: Israel qe: mang dau: jham re tung" yang: hhang laug ug' yae: mae7 ke' ra". – AsAng Mo"so khyo" Moshe re pyang: to: va" we' dakhyo: Israel qe re myid: beim" na nae" tau , ai: laug shid' lam: re kayhoe" qhang adao lang gao" taui: dao mae jin" te' to" ra".8 Kayhoe" qhang re kaid' ru we' dakhyo: hhang , anyhug , pin: lung: , ano, pin: lung: , ane pin: lung: , pin: yaung" yang9 qao nghoe' re gekai: lai kaid' ra". – Qao nghoe' re shid' pyae nhe' yang: aqhang dathu , apyi dahtu , byid khyug vang" za"10 ru ngaid: . – Ai: qao nghoe' mae phug' de; laug jham re byid jin khyo" yang: ke' to" ra". Sao qhid' jin mae laug ne , laug phyu11 qhi , laug mo, qhi ngaid: . – Shid' lam" jin mae ne bo" laug , laug qhi , laug mai:12 ngaid: . – Sam lam" jin mae wa laug mo, gyang" , ne sham laug , laug mai: gyang"13 we', – Byid lam" jin mae laug nyug gyang" bo" mo, laug , mhai: nyug laug jham ngaid: . Yao: lam: yao: kaid' yang: laug thung: ug' mae ke' zaui: to" ra". –14 Israel zo: myid: qe: aboe: daxe: shid' boe: ngaid ko" we' dakhyo: phug' de; laug jham re yao: bam: mang khyo" cao" yang: daxe: shid' lam: ngaid: . Dapye: tau khyaung" te' ru: lam: khao: ngo" mae mang te' mung: nhae daxe: shid' nhae: tau mae" nge, sho'15 ngaid: . – Qao nghoe' mae hhang laug16 ug' kaid' zaui: Ra". – Hhang laug ug' shid' lam: , hhang kheim" shid' lam: kaid' mung: ai: akheim" tau re qao nghoe' adao ajheim shid' lam: mae xo' ke' yang: , –17 Hhang: yang nag: to" taui: shid' khe' re qao nghoe' dao mae" akheim" shid' lam:18 khyo" vhao" mung: lhao" ke' ra". – Ai nag: to" hhang taui: athao thao re kayhoe" qhang: adao mae" laug ug' (Jhu) mae19 lhao" te' ke' ra". – Xo' yang: hhang shid' kheim" re kaid' mung: kayhoe" qhang o mae" qao nghoe' o ajheim shid' thao mae20 te' ra". – Getau hhang akheim" shid' lam: re re: kaid' mung: kayhoe" qhang qhid' kheim: shaid' phyid' dam: we' vang" gekai: lai: phyid' cui: dao , shid' shaid' xo' to" athao nhae , thoe shaid' mae te' ke' ra". –21 Qao nghoe' mae" hhang shid' kheim" re kayhoe" bau: qhang , hhang shid' kheim" we' pau: mung: anyug taui" yang: taui" ra". AsAng Mo"so: yang Moshe re pin: to: va" we' dakhyo: qao nghoe' wa gekai: lai: phyid' cui: adao khyo" yang kayhoe" qhang we' magao: lo: te' to" ra".22 Ai: tho' mae dalam: anyug pin: lung: qo, yang kayhoe" qhang we' tin" ra" bau: mo" re ai ra" pin" yang za: kaid' ra". –23 Bau: mo" mae lang gab: bo mung: lang gab majaid: lo nae" tau: gye bau: lang gab; bo mung: lang gab: daung" pye' ra". –24 Anyhug pin: lung: , ano, pin: lung: , ane pin: lung: , pin: yaung" yang kaid'25 ra" khaung: ace' jham re re: , – Hhang gyang" yang jhu nau" re re: , bau:" mo"26 athao lhang" gam: mae , – Khaung: ce' dalam: , hhang jhu nau" dalam: kyo yang: yang: te' jao: to: mung: AsAng Mo"so khyo" Moshe re pyang: to" we' dakhyo: mau" zaui: vin vo; yo, ve, nae" bau: mo" re khyab' yu: ra".27 Xo' yang: AsAng Mo"so wa Moshe re pyang: to" we' dakhyo: Arun: we' yao: zo: qe: tau: pin: yaung" qo; ra" bau: re re: , –28 pin: yaung" dabu re re: , dau nyang: ra" pin: yang maug jham re re: , pin: yaung"29 lho: lang" jham re re: , – Khu: ba: tung" mo, qo; ra" pin: yaung" , pin: anyug , pin: ano, , pin: ane yang kaid' ra" phyid' cui: re: kaid' ra".30 Moshe re AsAng Mo"so pyang: to: va" we' dakhyo: shao gyang" ra" da bu pye: re re: hhang gyang" yang kaid' mung: sote' dao mae tung" ru: apyaid ato: AsAng Mo"so: tau: shao gyang" ra" ga: ai mae31 tung" te' yang: , – anyug taui" yang au: zhaung adao mae taui" te' to" ra".32 Airu: Moshe re AsAng Mo"so pin: to" we' dakhyo: Israel mo, byu qe zaui: so: mung: volo byu zang" qham jao: seim33 zaung mau" re qo" zaui" kyab' va". – Ai: au: Israel qe wa seim zaung we' pin: yham , hhang khyaung: sag' pye: , kyao" yao: , zang , khyid zhaung jham ngaid: ra" seim zaung azai: akho alhab' re re: , –34 Ane xug' to" yao qid anghoe' , hhae qid anghoe' , go: kyo nae" akhug mae" pin:35 lung: re re: , – Sag so: bain" we' dao36 kang , ai: mae" anghoe' re re: , – zogai" we' zogai" azai: akho re re: , ai mae tae"37 qhu" to" cin main" re re: , – Shao gyang" myi: tao" , nyhang" to" myi: kaug' jham , myi: tao" azai: akho jham we' myi: theim:38 nae" xau re re: , – Hhang ngaui" phain , boe, ja" xau , ngaui" nhae" nae" nae pyo" ja: , seim zaung kham: mo" dung: kyae"39 nae" pin: kyo lung: re re: , – Gyid: ngaui" phain , gyid: khyang" , phain dao kang , thaung: lhao: we' ai mae" akhyid jham re40 re: , – Vang" pin: kyo lung: , vang" zang , khyid zhaung: , vang" kham: mo" dung: kyae" nae" tau: jham , zang nau" re re: , seim zaung akhug tau mau" zaui: jao: mae ca" ra" azai: akho we' mo, byu zang" qham jao: seim zaung azai: akho alhab' re41 re: , – Shao gyang" qe, mae mau" zaui" au: ca" ra"ve, mai bau: , khin jaung mau" vin: au: khin jaung mo" Arun: ve, nae" shao gyang" bau: , yao: zo: qe ve, nae"42 bau: jham re re: , – AsAng Mo"so: yang Moshe re pin: to: va" we' dakhyo: bin sho' kaid' mung: Moshe: jhao" yu: li" ako". –43 AsAng Mo"so pin: to: va" we' dakhyo: mau" alhab' bin kyab' ru Moshe myao lao" yao: bam re min mhin" byid' ra".