1 AsAng Mo"so re: nao Pharaoh jhao" vao ye: mung: Nga" byu qe Ngo jhao" pa" kug' nae" tau: yao: bam re nhao: ke' byid:2 la, . – Manhao: ke' lao" ni" mang: damang: geim" mae Polhag' khyo" qam" dae byid:3 nae". – Qid Gyaung: wa Polhag' myo: sho' myhung: je" ke' mung: ai: Polhag' jham ni" yham mae" re: , yab qe, mae re: , yab jao: mae re: , ni" jeim qe: yham mae re: , ni" byu qe: adao mae re: , ni" zoyhaung" yham mae re: , cin main" gyag: khug' mae re: do;4 lo nae". – Nao we' ni" byu qe , ni" jeim alhab' mo; adao mae do; lo: li" genae" ein: AsAng Mo"so mho: ke' ra" akhyo re zhao:5 kyo: wa, ga: Moshe re mho: ra". – Dam: dalhang AsAng Mo"so Moshe re mho: ru wa Arun: re Egutu mang: mae" Polhag' to' ke' nae" tau: qid lao , qid gyaung: jham: adao mae zaung: bao" ci mung: lo, qang:6 ke' wa, ein: ta" wa, ga: mho: ra". – Arun: wa Egutu mang: mae jo; ra" qid dao mae lo, re qang: ke' lao" po: jham do, lo mung: Egutu damang" geim" byang" ug' lo" ra". –7 Vha" ju yi bo: mo, re: yao: bam: ba jhao ju yi yang ai we' dakhyo: kaid' mung: Polhag' jham re Egutu mang: khug khyo8 vha" to' yu: ako". – Ai mae" Pharaoh wa Moshe we' Arun: re khai mung: AsAng Mo"so Polhag' jham re ngo we' nga" byu qe mae" yu: vha: pye' byid: veshao: mho' bain: byid: la, Israel byu qe AsAng Mo"so jhao" xeim: qhaug' nae" akhang" ngo byid:9 naeva" ga: ta" ra". – Ailao" Moshe wa nao we' ni" yham mae" Polhag' jham vha: pye' byid: mung: qid gyaung: mae za: na: byaug sho' nao we' ni" jeim qe: tau: , ni" byumyu" tau: ngo mho' bain: byid: nae" ayo, re nao yao: khyug' ke' byid: la, ga: Pharaoh re10 mho: ra". – Yao: wa ne, kao yao: ngaid: shao: ga: ta" ra". Moshe re: ngo tao: AsAng Mo"so ru" ru getau AsAng Mo"so mana lo" khyo nao qo" ba nae" tau: ni" dao: dang11 veshao: . – Po: lhag' jham wa nao we' ni" yham jham , jeim jham , mang: byu qe mae" baui" lo" mung: ai: qid gyaung: mae za: ana lo: nae" ga: Moshe mho: ra". –12 Moshe we' Arun: tao re: Pharaoh mae" thug' lo" mung: Pharaoh jhaung zug: jhao" AsAng Mo"so vhao" nha: to" ra" Polhag' jham: mathao mae Moshe mho' vhao"13 ra". – AsAng Mo"so re: Moshe mho' vhao" ru we' dakhyo: gyo: byid: mung: Polhag' jham wa yham , vogaung: , yo dae jham14 mae shid: thao" pye' ra". – Po: shid mao jham re gaug: bam: to: gemung: damang" geim" sheim nae: myi" byaug: ra". –15 Pharaoh jhaung zug: khyo" re: ayaug; yo: byaug va" ru myao lao" AsAng Mo"so mho: to: va" we' dakhyo: nhag' lam: qao mung: yao: tao: dao: matae" gyo: lo: ngham za: dam: na: jo; ra".16 AsAng Mo"so khyo" Moshe re dam: mho: ru wa Arun: re zaung: bao" qang: ke' mung: Egutu damang" geim" mae" phaui: lhug pyab' zha" boe" lo" veshao: , ai: phaui: lhug mae be; ke' wa ein: ta" wa,17 ga: mho: ra". – Mho: ru we' dakhyo: Arun: wa zaung: bao" yang phaui: lhug' mae be; ke' ra". Ailao" Phaui: lhug wa byu mae re , gug' nyhug' mae re: Egutu damang" geim" mae pyab' zha" to, jhaid' boe" byaug: ra". Egutu damang" geim" mae" phaui: lhug18 wa pyab' zha" boe" ra".– Vha" ju yi ba mo, wa pyab' zha" boe" li" sho' yao: bam: ju yi: yang maqo" poe" ke' ko" ngaid: ra". Aru: mung: byu mae re: , gug' nyhug' mae re: pyab' zha" to, jhaid ngaid: byaug: ra".–19 Ailao" vha" ju yi bo mo, wa ce mau" zo" wa AsAng Mo"so: phung bao khyo" yang boe" ru ngaid: ga: Pharaoh re zhao: kyo" ako". Ai ngaid qere: AsAng Mo"so mho: to" va" we' dakhyo: Pharaoh jhaung zug' nhag' lam: qao mung: yao" tao: dao: matae" gyo: ngham za: dam: na: pye' ra".20 AsAng Mo"so: yang Moshe re dam: mho: ru wa ne, kao no' mae" to" mung: qid gyaung: khyo thug' li" ra" Pharaoh qhid' au: ye, yang: AsAng Mo"so ce ru: ga: mho: ra". Nga" byumyu" qe Ngo re qo" pa" kug' veshao: yao: bam re nhao: ke' wa, . –21 Manhao: ke' lo: xo' na: jo; re nao we' ni" jeim , byu , yham jham khyo mho' jham re Ngo nhao: ke' mung: Egutu byu qe na: ra" yham ye; jo; myid gaung re mho' za: to,22 mung: li" nae". – Ngo myid gye, agaung: mae AsAng Mo"so ngaid: ra" khyo nao ba nae" tau: nga" byu qe na ko" Goshen mug: wa ai: ba re kho' kyo: to: mung: ai: mug:23 mae kam" wa mho' mana nae". – Ai re" ru: nga" byu qe we' ni" byu qe re Ngo kyo: dam: to" pye' nae". Ai: ve, lho ne, mo" ba boe" thug' li" nae" lhe" ein: ta" wa, ga:24 Moshe re mho: ra". – AsAng Mo"so: yang airu: poe" ke' mung: Pharaoh jhaung zug: yham , yao" jeim qe: yham , Egutu mang: damang" geim" byang" sheim: lo mung: Egutu damang" geim" wa ai: mho' jham: yang byo, lo" naeva".25 Ailao" Pharaoh jhaung zug: Moshe we' Arun: re khai: yu yang: ce: mang: mae naonhaung" AsAng Mo"so re xeim:26 ye qhaug' byid: ge, ga: ta" ra". – Moshe wa airu: gai zai mangaid: . Pe" mung: ga" re Egutu byu qe ca' ko" ja: ngonhaung" AsAng Mo"so re qhaug' byid: ca" ra". Egutu byu qe ca' ko" ja: yao: bam: qhid' kheim: mae qhaug' byid' na: re wa yao: bam ngon- haung" re laug baui: yang ceim" pye' gezai27 mangaid: i"? – Airu: mung: sam ba seyo khyo ye: mung: ngonhaung" AsAng Mo"so ta" to" we' dakhyo: xeim: ye qhaug' byid:28 nae" ga: mho: ra". – Ailao" Pharaoh jhaung zug: wa naonhaung" AsAng Mo"so jhao" seyo mae xeim: ye qhaug' ge, ngo nhao nae". Ai ngaid qere: va: khyo magai: ye: nae". Nga" qhid' mae" re: bo: mho' byid:29 ge, ga: mho: ra". – Moshe re: qu" wa, nao mae" ngo thug' lo" mung: Pharaoh we' yao" jeim , byu qe mae" ne, mo" ba mho' jham baui" gain: byaug sho' AsAng Mo"so mae mho' vhao" byid: nae". Ai ngaid qere: Israel byu qe AsAng Mo"so re xeim: ye qhaug' nae" akhyo dao: dadam: lai: lo: lhe" ga:30 mho co' ra". – Moshe Pharaoh jhaung zug: mae" thug' lo" mung: AsAng Mo"so jhao"31 mho' bain" ra". – AsAng Mo"so re: Moshe dao: kheim: we' dakhyo: zaui: so: byid: mung: ai: mho' jham re Pharaoh we' yao" jeim qe , byu qe mae" dadau: lao" madang32 sho' khyang" pye' byid' ra". – Ai: au: rere: Pharaoh jhaung zug: wa nhag' lam: dam: qao: li" mung: Israel amyu" qe re manhao lo: ngham za: dam: na: jo; ra".