1 Xo' yang: AsAng Mo"so wa nao Pharaoh jhao" vao ye: wa, . Ngo AsAng Mo"so ngaid: ra" akhyo re naonhaung" qo" ba nae" tau: , Egutu mang: mae Ngo zaui" qhu" mau" zo" we' yao: bam re Ngo poe" qhu" va" Nga"2 mug' pho" ve, lho re , – ni" myid: qere ta" kyo" na nae" tau: Pharaoh we' yao" jeim qe: qhid' kheim: mae ce: Nga" mug' pho" ve, lho qo" qhu" sho' yao" nhag' lam: re re: , yao" byu qe: nhag' lam: re re: Ngo qao nhao3 nae" ga: Moshe re mho: ra". – Moshe we' Arun: tao wa Pharaoh jhao" vao ye: mung: Hebre byu qe: AsAng Mo"so wa nao Nga" qhid' kheim: mae nhag' lam: makhyo" lo: khomyhao" joe" sho' na: na nae" ? Nga" byu qe re Ngo jhao" pa" kug' nae" tau:4 mae" ye: nae" akhang" byid: wa, . – Nga" byu qe re manhao lo: ana: jo; re , qu" wa, ne, mo" ba ni" mang: mae khyag' phaung"5 nha: ke' nae". – Ai jham wa myid zhai: maqo" the' myao lo: sho' byang" ug: li" nae". Naonhaung" mae lag qu: yang mazai" qeim" pye' lo: dang: jo: jham alhab' re re: , naonhaung" tau: myid mae yaug: thug' lo: agae jham re re: zo" kain" pye' li" nae". –6 Ni" phug' kai: aqae: qae: myid gaung mae na: li" ba mae" ana" joe" sho' ma myao: qu" shi" ai: khyag' phaung" jham ni" yham , ni" jeim qe yham jham , Egutu damang" geim" mae" mo; yham mae byang" to, na: li" nae" ga: mho co' mung: Pharaoh jhaung zug:7 mae" lhang: thug' lo" ra". – Pharaoh jeim daui mung qe re: , khomyhao" joe" sho' ce: byu ngonhgaung" re nhaung" khoe' na shi: nae" laug . Yao: bam re yao: bam yao" AsAng Mo"so jhao" pa" kug' nae" nhao: ke' wa, . Egutu damang" geim" qeim: byaug va" ru re maba shi: i"? ga: zhao: ako".8 Moshe we' Arun: tao re Pharaoh jhao" dam: vhao" yu mung: naonhaung" AsAng Mo"so jhao" pa" kug' nae" tau: ye: ge, wa, . Ai ngaid qere: ye: nae" khag' khag' ngaid9 genae" ga: myid' ra". – Moshe wa ngon- haung" wa zoshao phug' mao: , phyid' mao: , yaug gai nau" , myiqe: nau" , yao , nung: jham bo: ye: nae". Pe" mung: ga" re AsAng Mo"so: qhid" kheim: mae ngon- haung" poe ye: kaid' ca" ra" ga: mho: ra". –10 Pharaoh jhaung zug: re: ngo naonhaung" we' naonhaung" zoshao qe re nhao: ke' ru we' dakhyo: AsAng Mo"so naonhaung" we' daga" ngaid: na shao: . Lha" na ge, . Naon- haung" nhag' lam: akaui ke' ci genhaung. –11 Airu: gai: boe" zai mangaid: . Naonhaung" mho' qu" veko" we' dakhyo: qam: bo yaug gai qe za: ye: mung: AsAng Mo"so jhao" ye: pa" kug' ge, ga: mho yang: yao: tao re khe' thug' ke' ako".12 AsAng Mo"so Moshe re khyag' phaung" jham Egutu mang: mae joe" mung: ai: mang: mae" agae qhovo: alhab' we' lag qu: yang tang" to" gu: alhab' jham re zo" kain" pye' veshao: , Egutu mang: adao mae ni" lo, qang: ke' wa, ga: mho: ra". –13 Ai we' dakhyo: Moshe yao" zaung: bao" re Egutu mang: adao mae qang: ke' ru mung: ai: ba we' ai: myi damyi khyeim AsAng Mo"so: yang ba thug' shaid' la hug' nhao: ke' mung: thao: ba re ai: la: yang khyag' phaung" jham re jhui" qain" tin" lo:14 ra". – Ai: khyag' phaung" jham wa Egutu damang" geim" re nghoe' ug: pye' mung: Egutu mug: kyo: gam: sho' jhaid to, byang" ug: jo; ra". Airu" khyag' phaung" jham lai: lo va" ta re maboe" qu" , thao re re: maboe"15 lo: nae". – Myid dadae: geim" tang: no, lo" sho' byang" ug: jo; mung: damang" geim" mae" myo, agae jo, mae" jo, we' lag qu: yang tang" to: ra" qho vo: myo, gae nyug:16 ra" ja: daja: lao" majo, lo: . – Ailao" Pharaoh jhaung zug: wa Moshe we' Arun: re mye, mye, khai: yu mung: naonhaung" AsAng Mo"so re re: , naonhaung" re re: ngo shaid' va". Aru: mung: ce: lhang kholao" nga"17 qobo re lhoe' khyaid: shi: ge, . – Naon- haung" AsAng Mo"so wa ce: shid: gain: lo" ja" qam" celhang za: wa ngo mae" vha: pye' byid: veshao: mho' bain: byid: la, ga:18 ta" ra".– Moshe re: Pharaoh mae" thug' lo" mung: AsAng Mo"so re mho' bain" ra". –19 AsAng Mo"so re: gyai thin: ra" ba vao shaid' la hug' nhao: ke' mung: ai: la wa khyag' phaung" jham re jhui" sham" lo" yang:20 qid ne tham: mae khyo" pye' ra". – Egutu mang: geim" mae khyag' phaung" dadau: lao" mana lo: . Ai ngaid qere: AsAng Mo"so wa Pharaoh nhag' lam: re qao nhao mung: Israel amyu" qe re manhao lo: ngham za: dam: na: jo; ra".21 AsAng Mo"so Moshe re dam: mho: ru wa mavai" mathao za" caid' no, mangaid: qo" zao" soe' dae" lhau nae" qhi" ra" caid' no, Egutu mang: mae caid' nhao nae", ni" lo, mug: khyo qang: ke' wa ga: mho: ra". –22 Ailao" Moshe yao" lo, mug: khyo qang: ke' mung: Egutu damang: geim" mae cag' cag' no; ra" caid' no, sam ba lam: lam: boe"23 jo; ra". – Aru: mung: dayaug we' dayaug maqo" the' myao lo: sam ba lam: lam: khag' re: yao: yao" jo, qo mae" maqo" qui: lo: ngaid: ra". Ai ngaid qere: Israel amyu" zo: qe na: ra" mae kam" wa bo" bao qo"24 yu: ako". – Ailao" Pharaoh wa Moshe we' Arun: tao re khai: yu mung: AsAng Mo"so re pa" kug' nae" tau: mae" ye: ge, . Ai ngaid qere: yao , nung: jham re kam" wa nha: to: co'ge,. Zoshao qe re kam" jhui ge, ga: mho: ra".25 Moshe wa ngonhaung" AsAng Mo"so jhao" ngaui" byid: nae" xeim: dau: jham , phaid' ngaui" xeim: jham re nao lao" byid:26 ke' ca" shi: nae". – Ngonhaung" gug' nyhug' jham dadau: lao" matang" to: keim" ye: ca" nae". Pe" mung: ga" re ai: gu mae" ngonhaung" AsAng Mo"so jhao" qhaug' nae" khyin: yu ca". AsAng Mo"so jhao" pe" ru" adau" yang qhaug' nae" ru ai: jo, qo ma joe" ye" re wa maqo" ba ga: ta" ra". –27 AsAng Mo"so: yang Pharaoh jhaung zug: nhag' lam: qao byid' ru mung: yao: Israel28 qe re manug: nhao ngaid: ra". – Moshe re re: ngo mae" thug' lo" wa, . Thao re nga" myo, khung: mathe' myao sho' lha" na wa, nga" myo, khung: the' myao: ra" ba kam"29 wa shid' nae" ga: mho: ra". – Moshe re: ni" dao: ang: ava". Ana" thao re ni" myo, khung: ngo mathe' myao: lo nae" ga: ta" ra".