1 AsAng Mo"so khyo" re: Ngo Pharaoh jhaung zug: re khoru: zaui: so: nae" ru ana" nao ba: li" nae". Yao: wa qi" thao" Nga" phung bao the' myao mung: Nga" byu qe re nhao: ke' li" nae". Qi" ra" phung bao the' myao mung: ai: byu qe re yao" mang: mae" khe' thug' li" nae" ga: Moshe re mho: ra".2 Moshe re AsAng Mo"so dam: mho: ru wa Ngo wa apyaid ato: Mo"songaid: . –3 Abraham: , Isag' , Yaku' jham re mathao" magain: phung bao Yehova: mang kheim: khyo" bao: qhu" va" qere: AsAng Mo"so: mang kheim: khyo" yang yao: bam Ngo4 re maba ko" ngaid: ra". – Yao: bam jo, qo qho: lae" qin" mung: bang" vo yeboe" qu" va" mang: , Khanain: mang: re yao: bam re byid: nae" tau: mae" yao: bam we' Ngo5 dao: thang" to: va". – Egutu byu qe jeim toe' na: Israel amyu" qe qug: khai: ngug yao" na thoe Ngo the' gyo: va". Nga" dao:6 thang" re re: Ngo myid beim" ra". – Aru: mung: Israel amyu" qe re ceru: ein: ta" wa, Ngo wa apyaid ato: AsAng Mo"so ngaid: . Ngo wa naonhaung" re jeim toe' na: ra" Egutu byu qe: lo, mae" lhoe, yu mung: yao: bam pyam" yhin" na ko" ru mae" khyaid' yu nae". Lo, yheim" ke' mung: qug: khai: dae qi: byid' ra" khyo" yang naonhaung" re Ngo7 she: yu nae". – Nga" byumyu" boe" nae" tau: naonhaung" re Ngo sham" yu nae". Ngo re: naonhaung" AsAng Mo"so boe" nae". Ngo wa naonhaung" re Egutu byu qe: lo, mae" lhoe' yu: ra" naonhaung" AsAng ngaid: ra" khyo re naonhaung" re: ba: li"8 genae". – Ngo re: Abraham: , Isag' , Yaku' jham re byid: nae" ein: dang: to: va" mang: khyo dai" byid: mung: ai re ma khyo" byid' pye' nae". Ngo wa apyaid ato: AsAng Mo"so9 ngaid: ga: mho: ke' ra".– Moshe wa Israel amyu" qe re airu: dam: zhao: kyo" ra". Ai ngaid qere: myid: myaung" ngau" ru we' dum: so: zag pyam" yin" ko" mathao: yang Moshe: dao: matae" gyo: ko".10 AsAng Mo"so wa Egutu jhaung zug:11 Pharaoh jhao" dam: vao mung: . – Israel amyu" qe re nao yao" mang: mae" nao yao: nhao: ke' ca" akhyo ta" wa, ga: Moshe re12 mho: ra". – Moshe re: Israel amyu" qe wa ngo ta" ra" dao: matae" gyo: gemung: shoqid nyaug lhai" phyid' makhae: yu: ra" nhaid' yang mho: ra" nga" dao: re Pharaoh jhaung zug: wa khoru: ba: tae" gyo: byid:13 nae" yha" ga: AsAng Mo"so re ta" ra". – Ai ngaid qere: Moshe we' Arun: wa Israel amyu" qe re Egutu mang: mae" jhui" khyaid' yu nae" tau: AsAng Mo"so yao: tao re khai: yu mung: Israel amyu" jhao" re: Egutu jhaung zug: Pharaoh jhao" re: ye: nae" tau: nhao: to" ra".14 Israel amyu" nhae khao ngo" mae" byuxag ' ajhaung ein nae" ru wa Israel zo:qhid' Rubin: yao: zo: Hanug , Pha Lu , Heseron , Kami jham ngaid: . Ce bam15 wa Rubin: boe: ngaid: . – Simun yao: zo: qe wa Yemula , Yamin , Ohad , Yakhin: , Zo"Ha , Khanain: myiqe: mae" Shola jham ngaid: . Ce bam wa Simun boe: qe16 ngaid: ako". – Levi' boe: ein: nae" ru wa Gerasun , Kohad' , Merari jham ngaid: . Levi: kao wa dayo: sam xe: nhaid' zin17 ngaid: . – Gershon: yao: zo: qe wa Libani18 we' Shini tao ngaid: ako". – Kohad: yao: zo: qe wa Amaran , Izaha , Hebrun , Ozela bam ngaid: . Kohad: kao wa dayo:19 sam xe: sam zin ngaid: . – Merari zo: wa Mahali we' Mushi tao ngaid: . Ce wa Levi'20 boe: qe ngaid: ra". – Amaram wa yao: na Yokhebed' we' zam" na mung: Arun , Moshe we' yao: bai: Miriam: re khau: ra". Amaram kao wa dayo: sam xe: nhaid' zin21 ngaid: . – Izhara: zo: wa Kora , Nephad ,22 Zakharia bam ngaid: . – Ozela zo:qe wa Mishela , Elizaphan , Titari jham ngaid:23 ra". – Arun: wa Aminadab' myiqe: zo: , Nashon yao: nhaung: Elishaba we' zam" na mung: yao: wa Nadab , Abihu , Eliaza ,24 Itama jham re khau myhung: ra". – Kora yao: zo: wa ATiya , Elakana , Abratad bam ngaid: . Ce bam wa Kora: boe: qe ngaid:25 ako". – Arun yao: zo: Eliaza wa Phutila yao: zo: myiqe: nau" re yu mung: Phinin- had' re khau: ra". Ce gu: wa Levi' boe: qe:26 nhae ajhaung jham mang ngaid: . – AsAng Mo"so: yang Israel amyu" mo, thaui: mo" qere Egutu mang: mae" jhui" thug' yu wa,27 ga" dao: the' gyo" khae: yu: ra" tao , – Israel amyu" qe re Egutu mang: mae" jhui" thug': yu nae" ga: , Egutu jhaung zug: Pharaoh jhao" vao ye: mung: zhao: kyo" ra" tao wa Arun: we' Moshe tao ngaid: ra".28 Egutu mang: mae AsAng Mo"so Moshe29 re khai: ta" kyo" ra" ba na mae re: , – Ngo wa apyaid ato: AsAng Mo"so ngaid: . Ngo pin: to" dao: jham re Egutu jhaung zug: Pharaoh jhao" zhao: kyo: wa , ga: Moshe re30 AsAng Mo"so mho: ra". – Moshe khyo" re: ngo wa shoqid nyaug malhai" ci: ra" nhaid' ngaid: ru mung: Pharaoh jhaung zug: nga" dao: re khoru: ba: tae" gyo: byid: nae" yha" ga: AsAng Mo"so re dam: zhao: kyo" ra".