1
AsAng Mo"so: yang Moshe re xo' yang:2
mho: ra" amyin" dao: wa , – Nao sao qhid' khye' , sao qhid' ba re mo, byu qe zang" qham nae" seim zaung kaid' ca" nae". –3
Seim zaung akhug mae dao: thang" bain" re ke' to: mung: pin: lung" yang akhug4
mae" go: kyo" to: ca" nae". – Zogai" re re: ke' mung: zogai" dao mae kai" to: ja: alhab' jhab' kai" to: ca" nae". Myi: tao" re re: vhao" ke' to: mung: myi: kaug' jham5
theim" to: ca" nae". – Nae pyo" ja: ngaui" nae" hhang phain re sagso bain" qhid' au: mae to" to: mung: seim zaung kham: dung: go: to: nae" pin: kyo lung: re lao"6
khao" to: ca" nae". – Xeim: dau: ngaui" nae" phain re re: mo, byu zang" qham jao: kham: dung: qhid' mae to" to: ca" nae". –7
Thaung: lhao: re mo, byu zang" qham jao: seim zaung we' phain agyo: mae to" to: mung: thaung: lhao: mae qid ke' to: ca"8
nae". – Seim zaung lhang" gam: vang" re re: tau: yhe' mung: kham: dung: kyae"9
ra" pin: re lao" go: kyae" ca" nae". – Boe, ja: xau re yu mung: seim zaung mae jo; ra" ja: alhab' mae boe, yang: seim zaung we' seim zaung azai: akho alhab' re shao10
kyang" ca". – Xeim: dau: ngaui" nae" phain we' azai: akho alhab' re boe, mung: shao gyang" yang: ai: ngaui" phain wa gyai shao gyang" ra" phain boe" ca" nae". –11
Thaung: lhao: we' ai: khyid re re: gyaid12
mung: shao kyang" ca" nae". – Arun: we' yao: zo: qe re mo, byu zang" qham jao: kham: nhae khyo jhui" li" mung: gaung13
cid' ca" nae". – Arun wa nga" qhid' mae khin jaung mau" zaui: so: vin vo; nae" tau: shao gyang" ra" bau: vhe' byid: mung: xau14
boe, yang: shao kyang" yu ca". – Yao: zo: qe re: Nga" qhid' kheim: mae khin jaung mau" zaui: so: nae" tau: yao: bam re khai: jhui" li" mung: bau: vhe' byid: yang: yao: pho" re xau boe, byid' ru: yao: bam re xau15
boe, byid: ca". – Dang dang yao: bam xau gyain: min byid' ra" khyo wa zo: myid: aqae: qae: khonhae" re: AsAng Mo"so: khin jaung aya: ngaid nae" lhe" ga: , –16
AsAng Mo"so pin: to" we' dakhyo: Moshe: zaui: so" ra".17
Shid' zin ein: zin , sao qhid' lho" khye' , sao qhid' ba mae Moshe: seim18
zaung re kaid' ra". – AsAng Mo"so pin: to: va" we' dakhyo: khyid azhaung: jham re yao" jo, qo yao: to: mung: sag' pye: jham re zhaung: yhe' ke' yang: kyao" yao: jham re vhao" zaui: to: mung: zang19
jham re tau: yhe' ke' ra". – Seim zaung adao mae zaung mug' phye: ke' mung: ai zaung adao mae re apyae pyae dam:20
mug' to" ako". – AsAng Mo"so pin: to: va" we' dakhyo: sagso: khye' jham re bain" khug mae ke' to: mung: bain" akheim" jham mae dao kang ke' mung: bain" dao21
anghoe' nghoe' kai" ke' yang: , – Bain" re seim zaung khug vhao" mung: gug: gam ja: pin: kyo lung: re lao" khao: yang: sagso bain" re gug: gug: za: kaid' ca" ga: AsAng pin: to: va".22
AsAng Mo"so pin: to" we' dakhyo: zogai" re re: mo, byu zang" qham jao: seim zaung akhug qid meim shaid' anhae pin: kyo lung: taung gaung mae to:23
mung: , – zogai" dao mae AsAng Mo"so: qhid' kheim: cin main" re nyhang" to" ra".24
AsAng Mo"so pin: to" we' dakhyo: myi: tao" re re: mo, byu zang" qham jao: seim zaung khug qid bang: shaid' cin main"25
gai" tau" te' mae to" to: mung: , – AsAng Mo"so: qhid' kheim: mae myi: kaug' jham re theim" to" ra".26
AsAng Mo"so pin: to" we' dakhyo: hhang ngaui" phain re re: mo, byu zang" qham jao: seim zaung akhug pin: kyo27
lung: taung gaung mae to: mung: , – Ai phain dao mae nae pyo" ja: re ngha" nhae" wa ga: AsAng pyang: to: va".28
Seim zaung kham: dung: mae re: pin:29
kyo lung: re lao" khao" to" ra".– AsAng Mo"so pin: to" we' dakhyo: phaid' ngaui" phain re re: mo, byu zang" qham jao: seim zaung kham: dung: qhid' mae to: mung: ai: phain dao mae phaid' ngaui" xeim: re re: cin main" xeim: re re: ngaui"30
byid' ra". – Thaung: lhao: re re: mo, byu zang" qham jao: zaung we' ngaui" phain gyo: mae to: mung: cid' shao nae" qid re31
thaung: lhao: mae ke' ra". – AsAng Mo"so pin: to" we' dakhyo: Moshe re: , Arun: we' yao: zo: yaug gai qe re: ai mae khyid32
lo, cid' shao: ako". – Mo, byu zang" qham jao: akhug khyo vao nae" lao" re: phain khyo te' vao ye: nae" lao" re: yao: bam cid' shao ko" ra".33
Seim zaung we' ngaui" phain lhang" gam: vang" re tau: yhe' mung: vang" kham: dung: mae kyae" ra" pin: go lung: re lao" khao" to" ra". Ai re" khyo: Moshe seim zaung bin kyab' ra".34
Ailao" jham thaui: wa mo, byu zang" qham jao: seim zaung mae vao: ug: lo mung: AsAng Mo"so: phung bao seim zaung re ug: gam: ci35
ra". – Ai re" khyo: jham thaui: wa volo byu zang" qham jao: zaung adao mae thaui" jo, yang: Moshe: akhug maqo" vao ngaid: ra". AsAng Mo"so: phung bao wa seim zaung36
mae byang" ug: jo; ra". – Israel amyu" qe gyaung: su: khao: ngo" jham thaui: seim zaung dao mae" qui" lo" lao" gyaung: su" ako".37
Jham thaui: maqui" lo" lo" wa gyaung:38
masu: lo: na ko" ra". – Gyaung: su" ra" khao: ngo" mae Israel mo, byu alhab' bam: qhid' kheim: mae AsAng Mo"so: jham thaui: mo" wa na" re seim zaung mae ug: gam: jo, ra". Myi" re wa myi: dam zang boe" mung: bao byid' ra".