1 Ai: thao Moshe we' Arun: wa Pharaoh jhao" vao mung: Israel qe AsAng Mo"so ceru: ga: mho: ra" , Nga" byu qe seyo mae Nga" tau: poe yekaid' veshao: , yao: bam re nhao: ke' wa, ga: ta" ru ye: zhao: ako". –2 Pharaoh jhaung zug: wa AsAng Mo"so: dao: tae" gyo: mung: Israel amyu" re ngo nhao: ke' nae" qhi" ra" AsAng Mo"so wa khag' ngaid: . AsAng Mo"so re ngo maba , Israel qe re ngo maqo" nhao: ke' ga: mho: ra". –3 Yao: tao khyo" re: Hebre byu qe AsAng Mo"so wa ngonhauung" we' qhug' va". Sam ba ye" ra" seyo khyo ye: mung: ngon- haung" AsAng Mo"so re xeim: yeqhaug' byid: nae" akhang" byid: la, . Airu: manhao lao" no qam" , shae: yang the' zao" mung: ra" qug: khai: no dae nyhao: nhaung" re4 byid' li" nae" ga: zhao: kyo" ako". – Egutu jhaung zug: wa Moshe we' Arun: we" naotao ce: byu jham re pe" mung: mau" zai" nhaung" byid' ako". Nao tao re: mau"5 yezaui: ge, ga: mho: ra". – Qu" ge, ce: byumyu" wa ce" mang: mae gyai na: laug: na veko" ru mung: naotao wa yao: bam re yao: bam: mau" mae" jao" nhao: na ko" i"?6 ga: Pharaoh jhaung zug: mho: ra". – Ai: ba re yao" ug: gam au: she ade, qe re khai:7 yu mung: , – zho: phaid' kaid' nae" khofo re genhae" byid' ru: ana" dabyid: lo: ge, . Yao: bam kaid' nae" khofo yao: bam qho:8 yu geshao: . – Zho: phaid' re kam" genhae" kaid' ra" nho" yao: kaid' ca" nae". Ai mae" danang" lo" nhao ge, . Yao: bam noe" ko". Ai mung: ngonhaung" AsAng Mo"so re xeim: ye: qhaug' nae" ga: zag: hug' na ako" ra". –9 Airu: mung: tang koe, yao: kaid' nhao ge, . Myaung: sho' nhao ge, . Byu vhang: qe: dao: re datae" gyo: nhao ge, ga: mho: ra".10 Mau" au: she qe wa thug' ye: mung: Pharaoh jhaung zug: wa khofo mabyid:11 lo: . – Khofo re khai: mae" ngaid qere: jo; ra" mae" qho: ci ge,. Ai ngaid qere: zaui: ang: ra" mau" zo" wa geau: re" ru: yao: zaui: ca" genae" ga: amyin" byid' to" khyo12 jham ye: zhao: kyo" ako". – Airu: mung: ai: amyu" qe wa khofo kaid' nae" tau: khofo ngaid re Egutu damang" geim" ngae sho'13 cao" qho: ako". – Mau" au: she re: khofo lhaung" byid' au: zaui" ru: mayeim" lo: qo"14 zaui: sho' nhao: ako". – Pharaoh mau" au: she qe wa Israel byumyu" ade, qe re lai: lo va" yo, lhaung" kaid' ru aye" nhe' re: , ana" nhe, re: bin sho' pe" mung: mazaui: ko"15 ga: ca: qu" ru we' be; ako".– Ailao" Israel amyu" au: she qe wa Pharaoh jhao" ye: mung: jhaung zug: we" ni" jeim qe re pe"16 mung: ce ru pyam" yhin" na: . – Ni" jeim: qe re khofo re: mabyid: , mau" au: she ug: gam mo, re: zho: thaung: kaid' ge, ga: mho mung: be, ko" ra". AsAng: byu qe mae je: qobo bo ko" ra" ga: hug' yao: ako". –17 Pharaoh jhaung zug: wa naonhaung" noe" ko" ra". Aru: mung: ngonhaung" AsAng Mo"so re xeim: ye qhaug' gelang: ga:18 naonhaung" mho: ako". – Amung: ana" lo" zaui: ge, . Khofo magai: byid' . Ai ngaid qere: zho: thaung: wa gene, dai" byid: ru: mayeim" lo: byid: ca" genae" ga: mho: ra".19 Ne, qug: airu: zho: phaid' re mayeim" sho' zaui: ca" ga" amyin" mathao: yang Israel amyu" au: she qe wa yao: bam: adao mau" nhaung" daja: joe" va" ga: beim"20 ako". – Pharaoh mae" thug' lo: re khyo le; mae lao" na: ra" Moshe we' Arun: re the'21 myao: ako". – AsAng Mo"so wa naotao re qu" yang: tarha" pyam" veshao: . Pe" mung: ga" re Pharaoh we' yao" mau" vin ug: gam qe wa ngonhaung" re qu" nghang: sho' re: , se' pye' nae" akhang" qo" nae" khyo: re: naotao zaui: vegenhaung i"? ga: mho:22 ako". – Moshe re: AsAng Mo"so jhao" ye: mung: AsAng Mo"so we" , AsAng wa ce byu qe re pe" mung: yhin" na: i"? ngo re pe"23 mung: ba: nhao: ke' i"?. – AsAng: akhang" khyo" ngo Pharaoh jhao" vao: ta" ra" ba mae" yao: wa ce: byumyu" qe re je: pyam" yhin" ava". AsAng we" Nao ni" byu qe re makhyaid' yu ngaid: ra" ga: zhao: ako".