1 Moshe bam dao mae gyai myao" sho' na: byaug: khyo re byu qe ba se" gelao" Arun jhao" zang" li" mung: to" wa, . Ngon- haung" qhid' mae jhui" lo" nae" mo"so re ngonhaung" tau: kaid' wa, . Ngonhaung" re Egutu mang: mae" jhui" byaung" lo: Moshe pe" boe" byaug va" laug nyhao: nhaung" maqo" ba lo: ga: mho: ako". –2 Arun re: naonhaung" myid: zo: qe: no: mae shaung: te' ci: hhang kheim" jham re kyang" pye' mung: Nga" jhao" yu: li" ge,3 ga: yao: bam re ta" ke' ra". – Mo, byu qe wa yao" no: khye' mae shaung: ci: hhang kheim" jham re yu mung: Arun: jao" yu:4 li" ako". – Arun: re: lham: khae: yu mung: deim" yang thug' ze yang: nung: nau" lho sheim" ra". Bin: kaid' lao" yao: bam wa Israel qe we" gyoe lho ce lam: wa Egutu mang: mae" nao re jhui" thug' lo: ra" ni"5 mo"so ngaid: ra" ga: mho: ko" ra". – Arun: re: ai re myao lao" ai: alho qhid' au: mae ngaui" phain re zhaug' mung: ne, mo" ba na wa AsAng Mo"so tau: mae" poe kaid'6 ca" ba na ngaid: ga: cao" hau" ra". – Thao: ne, yao: bam no' re" to" mung: phaid' ngaui" xeim: , zam" khug xeim: jham re ngaui" byid: bin thao zo: shaug' yang: zaung: bam: ako" thao re dam: go" nae" ga: to" ye, ako".7 AsAng Mo"so wa nao gyo" lo" se'. Egutu mae" nao jhui" byaung" lo: ni" byu8 -9 9 qe nghung" lo" veko". – Ngo pin: to" khyo mae" phyaid za: lai" lo" mung: nung: lho re sheim" yu veko". Ai: thao o" Israel qe we" ce: gyoe wa nao re Egutu mang: mae" jhui" thug' lo: ra" mo"so ngaid: lhe" ga: ta" zo" ai: alho qhid' kheim: mae kug' ngaui" nae" phain re zhaug' mung: ngaui"10 na veko" ga: mho: ra". – Ai mae" AsAng Mo"so wa Moshe re ce: byumyu" re Ngo11 qo" myao: ba va". – Lang zang: qao: ra" amyu" ngaid: ako". Airu: mung: Ngo nhag' lam: gyid' laung: na mung: yao: bam re Ngo jhaid' za: phyo' lhaui" pye' yang: Ngo yao: za: na: na naeva". Nao re kam" byumyu" qi: boe" nhao nae" ga: mho:12 ra". – Moshe khyo" re: apyaid ato: AsAng Mo"so we" , AsAng Mo"so: qam: mo" we' qi" thao" lo, mo" yang Egutu mae" nao jhui" she: lo: ra" ni" byumyu" qe re pe"13 ein: taung" yo" kyid' na: . – Egutu byu qe: yang AsAng Mo"so wa magai: tau" da khyo" yao: bam re seyo bam mae se' pye' mung: myid gaung: dao mae" sham" lhaui" pye' nae" ga: za: jhu" byaung" ru angaid: ga: ta" lao" magai: kaid' nae". Gyai yo: nug: nhag' myid yo: pye' byid: la,. Ni" byu qe mae ce ru" qobo byid nae" tau" yang: re: lhai" pye'14 byid: la . – AsAng wa naonhaung" amyu" aboe: jham re mug: gaung: kyi ru: Ngo myo: je: nhao nae". Ngo ta" qu" va" ce: myid gaung jo; ra" alhab' re naonhaung" amyu" aboe: re byid: yaug yao: bam wa khyao za: Ma khyo" qo" sang genae" ga: ni" gaung nao yao: jham tang" to" dao: re the' gyo: co' va" asang: jeim Abraham: , Isag' , Israel jham re myid beim: byid: shi: la ga: yao" asang apyaid ato: AsAng Mo"so15 jhao" mho' bain" ra". – AsAng Mo"so re: yao" mo, byu re re: qobo dae mo" byid: nae" nhag' jo yo: pye' ra".16 Moshe wa dao: thang" laug the: shid' pye: vo; lhang: lo" mung: bam dao mae" gyo" lo" ra". Ai: laug the: shid' pye: myo,17 nho mae tung" ce' de; ra". – Ai: laug the: wa AsAng Mo"so phain: so: to" laug the: tung" ce' re: AsAng Mo"so tung" kyaung"18 to" tung" ce' ngaid: ra". – Byu qe zag: hug' bau:" jhu: thoe Yoshu' the' gyo: lao" na jao: mae gye khe' thoe the' gyo" ra" ga:19 Moshe re ta" ra". – Ngo the' gyo" ra" thoe wa aung mung: hug' ra" bau" jhu" thoe mangaid: , seim" yang: ngug: yao" thoe re: mangaid: , caung: nghaui" ra" thoe angaid: ra" ga: Moshe dam: phaug' ta"20 ra". – Qham: na ko" jao: joe" lao" nung: nau" re re: , go" jhu" na ko" ru re re: myao lao" Moshe nhag' mo" yo: yang: laug the: re bam qao: mae yao" lo, mae" vo;21 khyo" mhain" pye' ra". – Yao: bam kaid' ra" nung: nau" lho re re: yu mung: xaug' qang" pye' ra". Nau" nau" mhain" pye' va" ru qid mae lhag' yang: Israel byu qe re jhaug' ra".22 Arun: re re: khai: yu mung: nao yao: bam we' ce qhi" qi" ra" qobo zao" kaid' shao: ga: yao: bam nao re khoru: li"23 kaid' ako" ga: myid' ra". – Ailao" Arun: wa asang nhag' mo" dayo wa, . Ce bam magai: ra" tau" yaung bo gau ngaid: ru re24 nao ba gau angaid: . – Yao: bam wa ngon- haung" qhid' mae" au she yaug jhui" lo" nae" mo"so jham re ngonhaung" tau: mae" kaid' wa, . Ngonhaung" re Egutu mang: mae" jhui" byaung" lo su Moshe khoru: ngaid: byaug va" laug: ngonhaung" maqo"25 ba lo: ga: ngo re li" ta" ko". – Ailao" ngo wa hhang qo" ra" yaug khyaid' li" lo wa, ein: mho: ke' ru we' dakhyo: yao: bam byid: ko" hhang re ngo myi: mae ke' ke' re ce: nung: nau" thug' lo: ra" ga: dam: zhao: kyo" ra".26 Ai re" khyo: mo, byu qe phai shi phai khao: sin" lo" mung: gyevo qhid' kheim: mae gaui de, ma qaung: boe" yang: Arun: phao: sin: nhao: ru Moshe myao lao". –27 Zang" na ko" kham: dung: mae ye, zo" mae" AsAng Mo"so: thao khag' de, shi" genae". AsAng: thao de, nae" mo, nga" jhao" lo ge, ga: mho lao" Levi' boe: qe alhab' yao: mae zang" qham: lo: ako". –28 Ailao" Moshe wa Israel AsAng Mo"so ceru: ga: mho: ra" , naonhaung" gaung dau: nge, yao: yao" shae vin: ci yang: zang" na: ra" kham: dathao mae" thoe" dathao joe" su: mung: yao: yao" mao: nhaung: , zam" cao: , yham kyo: jham re se' pye' ge, ga:29 mho: ra" ga: ta" hau" ke' ra". – Moshe mho ke' we' dakhyo: Levi' yaug gai zo: qe zaui: so: mung: ai: ba byu lam: sam taung30 kao shid: pye' ra". – Xo' yang: Moshe wa ana" ba apyaid ato: AsAng Mo"so min byid: veshao: khag' re: khag' yao" yaug gai nau" , mao: nhaung: re gye kaid' mung: naonhaung" yao" gaung re AsAng Mo"so: tau: mae" gethaung: sain myhao: to' to:31 ge, ga: mho: ra". – Thao: ba re Moshe wa mo, byu qe re naonhaung" qobo qi: zao" kaid' veko". Ana" AsAng Mo"so jhao" ngo do, lo" mung: naonhaung" qobo qo" mho' khyaid' re mho' khyaid' nae" ga: byu qe32 re zhao: kyo: yang: , – AsAng Mo"so jhao" do, lo" mung: apyaid ato: AsAng Mo"so we" ce: byu qe shaid' nghung" ra" qobo gyai qi" ra". Yao: bam: tau: mae" hhang33 gyoe lho kaid' aveko". – Ai ngaid qere: yao: bam qobo lhoe' nae" tau: asang o: ngaui: ngaid: re khyaid' byid: la, . Airu: mangaid: lao" re: asang xam" to" japhin: mae" nga" mang re re: phyaug' pye' byid:34 la, ga: mho' bain" ra". – AsAng Mo"so kam" wa khoyaug lam: Ngo re shaid' re yao" mang dau: re yao: Nga" japhin: mae"35 she: pye' nae". – Ngo nao re pin: to: va" jo, qo khyo ana" ye: dai" shi: wa, . Nga" mug: logyo: ni: qhid' au: mae ye" lo" li" nae". Ai ngaid qere: Ngo kam: ein: li" lo: ra" ba na mae yao: bam: qobo yao: bam re byid: nae" tau: Ngo joe" li" nae" ngaid:36 ga: mho: ke' ra". – Arun: we' mo, byu qe wa nung: nau" kaid' yu: ga: mung: AsAng Mo"so yao: bam re dae byid' ra".