1 Ai re" ru: AsAng Mo"so pin to: va" we' dakhyo: shao gyang" jao: mae mau" zaui: nae" tau: re: , aja: ja" mau" ba: kaid' nae" ju yi re apyaid ato: AsAng Mo"so byid' to" ba: tau" lag: nyain: jab byang" ra" Bezalela , Aholab tao mau" zaui" li" genae" ga: Israel2 mo, byu qe re zhao: kyo" ra". – Xo' yang: Moshe wa Bezalela , Aholab tao re re:, AsAng Mo"so byid' ra nyain: re qo" mung: mau" zaui: nug: ra" kao bau: byu ju yi bo3 mo, re re: khai: yu mung: , – Shao gyang" jao: we' mau" zaui: nae" mo, khyung re kaid' nae" tau: Israel qe qhaug' ra" aung lam alhab' re ai jham wa Moshe: lo, mae" khae: yu: ako". Kao bau: taung" qhaug' ra" aung lam re ne, qug: yu: li" na ko" ra". –4 Juyi bo mung: shao gyang" jao: mae" mau" re zaui" ra" mo, re: dayaug we' dayaug yao: yaug yao: kaid' ra" mau" mae" thug'5 li" mung: , – AsAng Mo"so pin: to: va" we' dakhyo: qo ca" ra" tho' mae" je sho' yu: li" aveko" ga: Moshe: re ta" kyo" ako". –6 Ailao" Moshe wa shao gyang" ra" jao: tau: mae qhaug' ra" ga: kaid' na mo, yaug gai myiqe: khag' ngaid qere: da xo' kaid' lo ge, ga: ta" tam" ke' mung: davo: geim" hau" nhao" ke' yang: byu qe qhaug' nae" ja: jham7 re tam" pye' ako". – Qo" khae: yu: ra" zai alhab' yang mau" alhab' bin kyab' sho' ngaid: thao gyai lo" je shi".8 Shao gyang" ra" qe, mae mau" zaui" ra" mo, mae ju yi ba su wa pin: yaung" , anyug pin: lung: , ano, pin: lung: , ane pin: lung: yang" Kherubim: alho tung" pye' mung: pin: yaung" daxe lung" yang9 kaid' ako". – Pin: lung: wa aqhang shid' xe: she' daung" , apyi byid daung" bo mung: , pin: lung: cao: aqhang apyi jho"10 vang" ra". – Pin: lung: ngo" lam: re daxo'11 za: kaid' mung: khyab' xo' pye' ra". – Pin: lung: dalam: taung gaung shaid' ayae jho" xo' ra" tau kheim" lhang" jham re anyug pin" yang kaid' mung: getau: pin: lung: taung gaung shaid' pin: lung: ayae xo' to"12 mae re: ai we' dakhyo: kaid' ra". – Pin: lung: dakhye' mae akheim" ngo" xe re re: , getau: ayae cao" yang: pin: lung: jho" xo' ra" mae re: akheim" ngo" xe re re: kaid' mung: akheim" yao: cao: jho" vang"13 nhao: ra". – Hhang langhoe: ngo" xe lam: re re: kaid' mung: ai: hhang nghoe" yang: pin: lung: jham jho" kyin" nghoe" to: yang: seim zaung dalam: khyo" poe" ke' ra".14 Seim zaung nghoe' nae" tau: getau: pin: lung: daxe khye' re caid' mug' yang:15 kaid' ra". – Pin lung: wa aqhang samxe daung" , apyi byid daung" bo mung: pin: lung: daxe: dakhye' geim" wa aqhang apyi16 alhab' jho" vang" ra". – Pin: lung: ngo" lung: dalam: khyo" xo' mung: , khyaug' lung: re dalam: khyo" khyab' xo' ra". –17 Pin: lung: jho" xo' to" mae taung gaung shaid' mae" pin: lung: dakhye' ayae mae akheim" ngo" xe re re: , xo' te' to" getau: pin: lung: ayae mae akheim" ngo" xe re re:18 kaid' ra". – Gyid: nghoe: ngo" xe lam: re re: kaid' mung: seim zaung adao dakhyae: we' dakhyae: re jho" xo' yang: seim zaung19 dalam: za: khyo" boe" ra". – Ai: seim zaung mug' nghoe' nae" tau: ane xug' to" yao qid re re: , ai: yao qid adao mae hhae qid re re: kaid' ra".20 Seim zaung khyae zhaung: to: nae"21 jam no; sag' pye: re re: kaid' ra". – Sag' pye: wa aqhang daxe daung" , apyi dada-22 ung" dathu bo: ra". – Ai sag' pye: alhab' mae khyid shid' lam: lam: dajao za: boe"23 nae" khyo: kaid' ra". – Seim zaung qid bang: shaid' kyae" nae" sag' pye: shid'24 xe re kaid' mung: , – Ai sag' pye: shid' xe tau dapye: we' dapye: o mae" akhyid shid' lam: lam: mae zhaung: nae" ngaui khyid azaung: byid xe re re: kaid' ra". –25 Ai: we' dakhyo: seim zaung: qid meim shaid' mae kyae" nae" sag' pye: shid' xe26 re re: kaid' mung: , – Ai: sag' pye: mae re: ngaui khyid zhaung: byid xe , dapye: mae27 shid' lam: lam: kaid' ra". – Seim zaung nhaung thao" shaid' kyae" nae" sag' pye:28 khyaug' lung: re re: , – Ajheim thoethao cethao mae kyae" nae" sag' shid' lam: re29 re: kaid' ra". – Atho' mae re: , o mae re: , akheim" re te' mung: zho' zaui: ke' yang:30 ajheim shid' lam: re kaid' pin" ra". – Sag' pye: she' pye: , ngaui khyid zhaung: daxe: khyaug' lam: dalung: mae shid' lam: lam: te' ra".31 Seim zaung mae kyae" nae" sag' pye: re vhao" zaui: yu nae" jam no; sag' kyao" yao: jham re dashaid' ngo" yao: khyo"32 kaid' ra". – Seim zaung nhaung thao" mae kyae" nae" sag' pye: re vhao" zaui nae" kyao" yao: ngo" lam: re re: kaid' ra". –33 Agaung: tau mae" kyao" yao: re athao thao ajheim mae kyao" zaui: pin" ke' ra". –34 Sag' pye: jham re hhang: yang thab' pye' ru ngaid: . Kyao" yao: vhao" nae" hhang kheim" re re: kaid' mung: kyao" yao: jham re hhang: yang sheim" pye' ru ngaid: .35 Xo' yang: anyug pin: lung: , ano, pin: lung: , ane pin: lung: , pin: yaung" yang lao" kyo pin: lung: re kaid' ra". Ai re Kher- ubim: alho tung" yhaung" to" ru ngaid: . –36 Ai: ra" pin: lung: tau mae" hhang sheim" te' to" jam no; sag' zang re re: kaid' ra". Ai: zang jham mae hhang daung" zang nau" re: bo: bo: ra". Ngaui khyid zhaung: byid37 lam: re re: sheim" yu: ra". – Seim zaung kham: dung: mae kyae" nae" anyug pin: lung: , ano, pin: lung: , ane pin: lung: , pin: yaung" yang khu: te' pye' mung: pin:38 kyo lung: dakhye' re re: kaid' ra". – Ai: qhid' mae" zang ngo" zang we' ai mae daung" zang nau" re re: kaid' mung: zang thao we' kyao" yao: jham re hhang: yang sheim" pye' ra". Gyid: khyid zhaung: ngo" lam: re: bo: ra".