1 AsAng Mo"so xo' yang: mho: ru wa nao we' daga" Egutu mang: mae nao jhui" byaung" lo: ra" byu qe ce: jo, qo mae" thug' mung: ni" byumyu" re byid: nae" ein: Abra- ham: , Isag' , Yaku' we' Ngo kheim: ke' jho" nhang" to" ra" mang: khyo lo" ge, . –2 Mug: logyo: re naonhaung" qhid' mae Ngo nhao: ke' mung: yao: wa Khanani byu , Amori byu , Hiti byu , Pherezi byu , Hivi byu , Yebuti byu jham re bo khe' thug' pye'3 byid: nae". – Ai mung: nug' we' byo: yhid yug: ra" mang: khyo naonhaung" re jhui" lo" li" nae". Naonhaung" we' daga" Ngo yao: wa macao nae". Naonhaung" au: qao ra" byumyu" ngaid gemung: khyo mae su" lo" na zo" mae naonhaung" re Ngo phyo' pye' nae" re lha" ca" ra" ga: Moshe re mho:4 ra". – Ai: magai: lau dao: byu qe the' gyo: gelao" nhag' kaug' nhag' ngai: ru we' khag' re: khyo su: byin maseim" ko" ngaid: ra". –5 Pe" mung: ga" re AsAng Mo"so: yang nao Israel qe re mho: kyo: nae" ru wa naon- haung" lang zang: qao: ra" amyu" qe ngaid: ako". Naonhaung" mo, phaung gaung: mae Ngo nyag we' ke' thug' li" mung: phyo' qheim" nae". Ai mung: naonhaung" re Ngo khoru: kaid' nae" re Ngo ba nae" tau: naon- haung" khyung jham re khyaid' pye' ge, ga:6 Moshe re mho: ke' ra". – Israel mo, byu qe wa Horeb bam qao: mae yao: yao" khyung jham re khyaid' ko" ra".7 Moshe wa seim zaung re yu mung: vo yae va" ra" tau bin: kaid' thao mo, byu zang" qham jao: seim zaung ga: mhang" ra". AsAng Mo"so re qho: ra" mo, alhab' vo yae mae jo; ra" mo, byu zang" qham jao: seim zaung khyo thug' ye" ako".8 Moshe: seim zaung khyo thug' ye" lo" au: byu alhab' bam to" ye, mung: khag' re: khag' yao: yao" seim zaung kham: dung: mae ye, na; zo" seim zaung khug khyo Moshe vao: lo" sho' qu" zhaug' na: bam:9 ako". – Moshe: seim zaung vao: lo" lao" jao" jham zang mo" gyo" li" mung: seim zaung kham: dung: mae ye, yang AsAng10 Mo"so Moshe we' jho" jhau: ra". – Seim zaung kham: dung: mae jham zang mo" ye; jo; ru re myao lao" byu qe to" mung: khag' re: khag' yao: yaug yao" seim zaung kham:11 dung: mae pa" kug' ko" ra". – Apyaid ato: AsAng Mo"so wa ba nam yao: cao: lhaung" jho" qhug' jhau: ru: Moshe: we' myo, khung: zam" zhaung jho" qhug' jhau: ra". Moshe seim zaung khug dam: vao: lo" lao" yao" bao" thaug' su Nung" yao: zo: Yoshu' mang yaug zolau: wa seim zaung mae" mathug' lo: na: jo; ra".12 Moshe wa ce: byu jham re jhui" lo" wa, ga: AsAng Nao mho: ra". Are ngo we' daga" khoyaug re bo: nhao: ke' nae" ru ngo maba. Ai ngaid qere: AsAng wa nao re ni" mang kheim: khyo" Ngo ba: ra". Nao wa Nga" qhid' au: mae myo, nho qo" ava" ga:13 ngo re mho: ava". – Aru: mung: ngo ni" qhid' kheim: mae myo, nho qo" ngaid: re myo, nho qo" ra" akhyo ngo qo" ba nae" khyo: AsAng Ni" akhyo re qhu" la, . Ce: byumyu" AsAng Ni" byu qe ngaid: khyo re beim: byid: la, ngo mho' bain" ra" ga:14 AsAng Mo"so jhao" mho' ra". – Ngo yao: ye: mung: myain yo cae: tae" khyo byid:15 nae" ga: AsAng Mo"so jhao" mho: ra". – Xo' yang: Moshe wa AsAng Nao yao: mabo: bo nae" ngaid: re ce: jo, qo mae" dajhui" thug'16 lo" lo: . – Ngo we' AsAng: byu qe Ni" qhid' kheim: myo, nho qo" ra" ga" khyo khoru: myhao" qhu" nae". Ngohaung" we' daga" bo: bo ra" khyo" yang za: qo" gai: myao: ru: mangaid i"? Ai re" khyo: ngo we' AsAng: byu qe myid gaung: dao mae" byu alhab' mo, tho' gepaung: kai: ngaid: re daga" jhui" su" lo" lao" za: qo" the' ba nae" mangaid: i"? ga: ta" ra".17 AsAng Mo"so re: nao mho' ru Ngo cao" byid: nae". Nao wa Nga" qhid' au: mae myo nho qo" va". Nao re ni" mang dau: khyo" Ngo qo" ba va" ga: Moshe re18 mho: ra". – Moshe khyo" re: AsAng we" ni" phung bao ngo re qhu" la ga: mho' ra". –19 Apyaid ato: AsAng Mo"so wa Nga" gai shab: khyo phung bao alhab' re ni" qhid' kheim: khyo" Ngo myhao" thug' ke' nae". Nhag' myain: nug yaug re nhag' myain: nae" AsAng Mo"so: mang kheim: re re: ni" qhid' kheim: mae zag: hug' nae". Ngo je ju kaid' nug yaug mae je ju kaid' byid: nae". –20 Ai ngaid qere: nao Nga" myo, khung: re wa the' myao nae" mangaid: . Nga" myo, khung: the' myao mo, kao qo" daui: na:21 byu mabo. – Qu" wa, Nga" nhae mae jo, qo dalam: jo; ra". Nao laug dao mae ye, jo,22 ca" nae". – Nga" phung bao su" lai: lo" lao" nao re laug jhe' gyo: mae Ngo vhao" to: mung: Ngo su" lo" ra" ayo, nao re nga" lo;23 yang nghoe' to: nae". – Nga" lo, dam: qab: she: yu: au: Nga" dao gaung: re za: aqo" the' myao nae". Nga" myo, khung: re wa maqo" the' myao nae" ga: mho: ra".