Loe, Byaung:-37

(SHAO GYANG" JHAM: PAUG' )

切换到福音影视网-新版圣经

  • 1 Bezalela wa aqhang shid' daung" dathu , apyi dadaung" dathu , ano, dadaung" dathu bo: ra" bain" re jam no; sag' yang kaid' ra". –
  • 2 Bain" akhug adao re hhang: yang shain" pye' ra". Bain" adao lhang" gam: mae daung"
  • 3 nae" hhang re re: kaid' ra". – Hhang byid kheim" re kaid' mung: bain" byid khyug mae
  • 4 damyo nho shid' lam: lam: te' ra". – Jam no; sag' dao kang re re: kaid' mung: hhang:
  • 5 yang thab' pye' ra". – Bain" dao nae" tau: cethao thoethao hhang kheim" mae vhao"
  • 6 ke' to" ra". – Aqhang shid' daung" dathu , apyi dadaung" dathu bo: ra" bain" nghoe' re
  • 7 re: hhang gyang" yang kaid' ra". – Hhang Kherubim: shid' lam: re re: bain" anghoe' dao mae aqhang khyo" cethao thoethao
  • 8 mae kaid' te' to" ra". – Ai re" khyo: Kheru- bim: shid' dau: re bain" nghoe' dao thoethao
  • 9 cethao dalam: kaid' te' to" ra". – Ai: Kheru- bim: shid' dau: myo, khung: jho" qang nhao: to: mung: bain" nghoe' dao qu" qu" yang: bain" dao mae re: yao: yao" daung re lao" phye: nghoe' to" ako".
  • 10 Aqhang shid' daung" , apyi dadaung" , amyhao dadaung" dathu bo: ra" zo: gai" re re: jam no; sag' yang kaid' mung: hhang:
  • 11 yang shain" pye' ra". – Zogai" adao lhang" gam: mae daung" nae" hhang re re: kaid'
  • 12 ra". – Apyi lo, nghoe' bo: ra" phyid' cui: re re: , phyid' cui: ayae lhang" gam: mae
  • 13 daung" nae" hhang re re: kaid' ra". – Hhang byid kheim" re re: kaid' yu mung: khyid byid lam" adao zogai" byid khyug ajheim mae te'
  • 14 ra". – Ai: hhang kheim" jham wa phyid' cui: adao mae te' to: mung: zogai" dao nae" dao
  • 15 kang vhao" jao: ngaid: . – Zogai" dao nae" dao kang re jam no; sag' yang kaid' mung: hhang: yang shain" thab' pye' ru ngaid:. –
  • 16 Zogai" azai: akho jham ein nae" ra" zo: bo" , gaung: nau" , thaung: lhao: , sheim: keim jham re re: hhang gyang" yang kaid' ra".
  • 17 Myi: tao" re re: hhang: yang kaid' mung: myi: tao" zang re: kaid' ra". Ai: mae alo, jham , khug' jham , abu" jham , qid maui: bin: jham re re: daxo' dajao za: kaid'
  • 18 te' to" ra". – Myi: tao" zang thoeshaid' ceshaid' alo, sam lam: lam: thug' mung:
  • 19 alo, khyaug' lo, bo: ra". – Myi: tao" zang mae" thug' ra" alo, sam lam" geim" mae abu" , qid maui: bin: we' daga" Batan: shi: ru" ru khug' sam lam: re: lo, khao ngo"
  • 20 mae de; ra". – Myi: tao" zang mae re: abu" , qid maui: bin: we' daga" ba:tin: shi:
  • 21 ru" ru khug' byid lam: de; ra". – Myi: tao" zang mae" mung: alo, khyaug' lo, thug' alo, shid' lo, o mae abu" lang" dalam: lam:
  • 22 de; ra". – Abu" jham: alo, jham re dalam: khyo" za: kaid' mung: myi: tao" dalam" geim" re hhang gyang" yang kaid' to"
  • 23 ra". – Myi: kaug' nhaid' lam: , nye, zai" we' nyhae" zaui nae" khug' jham re re:
  • 24 hhang gyang" yang kaid' ra". – Myi: tao" we' myi: tao" azai: akho jham re hhang gyang" daxe khug' yang kaid' te' to" ru ngaid: .
  • 25 Nae pyo" ja: ngaui" nae" phain re jam no; sag' yang kaid' ra". Ai: phain wa aqhang dadaung", apyi dadaung" byid khyug vang" za" ru ngaid: mung: myhao khyo shid' daung" bo: ra". Ai mae khyug re re: jam no;
  • 26 sag' yang kaid' ru ngaid: . – Phain adao , nae zeim" , khyug jham re hhang gyang" yang shain" te' pye' mung: adao lhang" gam: mae daung" nae" hhang re re: kaid'
  • 27 ra". – Hhang: yang shain" thab' to" phain: o mae thoeshaid' ceshaid' ajheim mae hhang kheim" shid' lam: re kaid' te' to" ra". Ai wa phain re dao nae" dao kang vhao" nae" tau:
  • 28 mae" ngaid: . – Dao kang re re: jam no; sag' yang kaid' mung: hhang: yang shain"
  • 29 thab' to" ru ngaid: . – Nae pyo" ja: ba: lhag' yaug lhag' to" ru boe, nae" tau: shao gyang" ra" xau re: gyang" ra" nae pyo" ja: re re: lhag' ra".
回到本卷目录 回到本版本目录 回到首页