1 Moshe: wa Israel mo, byu qe re jhui" qham phaung mung: ce: dao: jham wa naonhaung" cao" pyang" nae" ra" AsAng Mo"so: pyang lo dao: kheim: thoe ngaid: . –2 Khyaug' ba: geim" nao mau" zaui: ca" nae". Nhaid' ba ein: ba wa naonhaung" mae shao gyang" ra" ba , AsAng Mo"so: qhid' mae" yo yo za: na nae" ra" dug no: ba ngaid: . Ai: ba re mau" zaui" ra" yaug kam" wa shid: ru qhug' nae".3 Naonhaung" na: ra" jao: mae so: ne, dug no: ba re myi: magai: maid nae" ga: zhao: kyo" ra".4 Moshe xo' yang: Israel mo, phaung gaung: mae kyo" ra" dao: kheim: ce wa AsAng Mo"so pin: ke' ra" dao: kheim:5 ngaid: . – Naonhaung" AsAng Mo"so: tau: mae" aung lam nyhang" ge, . Byid: nug ra" myid we' byid' ra" mo, yaug nge, hhang ,6 ngaui , gyid: , – Anyhug pin: lung: , ano, pin: lung: , ane pin: lung: , pin: yaung" ,7 caid' mug' , – ane xug' ra" yao qid , Taha-8 sha sho: qid , jam no; sag' , – Boe, ja: xau lhag' nae" ja: , phaid' ngaui" nae" tau: nae pyo" ja: , myi: theim: nae" xau , –9 Shaphain laug , khin jaung mo" kayhoe" qhang , qao bao" mae shaung nae" laug aja: ja: re AsAng Mo"so jhao" qhaug' nae" aung lam yu: li" ge, .10 Naonhaung" mae" nhag' myid ju yi bo: ra" mo, khag' ngaid qere: AsAng11 Mo"so pin: to: va" we' dakhyo: , – Seim zaung we' seim zaung nghoe' , hhang khyaung: , sag' pye: , kyao" yao: , zang ,12 khyid zhaung: jham re re: , – Bain" we' dao kang , bain" nghoe' , kyo: to: nae"13 pin: lung: re re: . – Zogai" we' dao kang ai mae bo ca" ja: acao: jab we' qhu" kai"14 to: nae" cin main" re re: , – Myi: theim: nae" tau: myi: tao" we' ai: mae ca" qo: ja: , myi: kaug' , myi: theim: nae" xau re15 re: , – Nae pyo" ngha" nhae" nae" phain we' dao kang re boe, nae" xau , nae pyo" ja: , seim zaung kham: dung: , kyae" go:16 to: nae" akyo re re: , – Phaid' ngaui" xeim: qhaug' nae" phain we' gyid: khyang" , dao kang , qo ca" zai cao jab' , thaung: lhao:17 we' akhyid re re: , – Seim zaung vang" kyae" nae" ja: , zang khyid zhaung: , vang" kham: dung: kyae" nae" tau: pin: kyo18 lung: re re: , – Seim zaung tau: daung" zang , vang" kyae" daung" zang , tau:19 jham re re: , – Shao gyang" qe, mae mau" zaui" au: ve, nae" bau: , khin jaung mau" zaui" au: khin jaung mo" Arun: we' yao: zo: yaug gai nau" qe ve, nae" shao gyang" mai bau: re re: , AsAng Mo"so pyang: to: va" we' dakhyo: kaid' ca" genae" ga: zhao: kyo" ra".20 Israel mo, byu qe wa Moshe mae"21 thug' lo" mung: , – yao: yao" myid mae qo" myid; thug' ra" mo, , byid: nug: kao bau: myid we' byid: nug: ra" mo, damyo" wa volo byu zang" qham seim zaung tau: mae re: , ai: khug mae ci yhung" ca" ja: re re: , shao gyang" bau: mae: re: AsAng: qhid' mae" ga: jhaung qhu" xeim: yu: li"22 ako". – Byid: gae nug: nhag' myid bo: ra" yaug gai myiqe: qe wa lo, thang: , no: to' , lo, pin: , nho xaui: kheim" , hhang zai jham re yu: li" mung: AsAng Mo"so re hhang jhaung qhu" qhaug' nae" mo, li"23 lo: ako". – Anyhug pin: lung: , ano, pin: lung: , ane pin: lung: , pin: yaung" , caid' mug' , ane xug' to" yao qid , hhae qid qo"24 mo, re: yu: li" ako". – Ngaui we' gyid: jhaung qhu" byid: mo, re: AsAng Mo"so jhao" ai: jhaung qhu" li" qhaug' ko" ra". Mau" vin mo, we' tin" ra" jham jam no;25 sag' qo" mo, re: yu: li" ako". – Qo, gin: ba: qo; ra" myiqe: qe , yao: yaug yao: qo, mung: anyug pin: lung: , ano, pin: lung: , ane pin: lung: , pin: yaung" jham re qo; ci:26 li" ko" ra". – Yao: yao" ba jhao myid nhug' peim: qhug' myiqe: qe re: caid' mug' re27 qo; ako". – Ade, qe re: Shaphain: laug , khin jaung mo" kayhoe" qhang we' qao bao" mae jin: zaui nae" laug jham re re: , –28 Myi: theim: nae" ja: , boe, nae" xau , ngha" nhae" nam , nae pyo" ja: we' xau re re: yu:29 li" ako". – Ai re" ru: AsAng Mo"so khyo" Moshe re pin: to" ra" ja: mau" alhab' tau: mae" Israel mo, byu qe mae" byid: nug: ra" kao bau: myid bo ko" myiqe: yaug gai qe wa AsAng Mo"so jhao" kao bau: taung" za: qhaug' byid' ako".30 Xo' yang: Moshe wa tae" gyo: ge, AsAng Mo"so wa Yuda boe: Hura: yao: zo: ngaid: ra" Uri: zo: Bezalela re mang thug'31 yang: khyin: jaung: to: va". – Yao: wa hhang , ngaui, gyid: jham ba: sheim" ra" ju yi , laug re ba: thung" zho' ra" ju yi , sag' ba: thung" ra" ju yi we' aja: ja: ba: kaid'32 mung: , – Ba: nyain" ra" ju yi , ba: phaid' lag se" ra" ju yi , aja: ja: re byid: mung: , –33 Gekai: lai: ju yi ba shao: ga: AsAng Mo"so34 Solo yao: re byang" vin" byid' ava". – Yao: we' dam: boe" nae" Ahitamed' yao: zo: Aholab wa su re ba: mho" byid nae" ju yi re35 byid' to" ava". – Ai tao wa kyang: ba: ra" mau" , myhao: ra" lo, yin bo: ju yi mau" , anyug pin: lung: , ano, pin: lung: , ane pin: lung: , pin: yaung" re khu: ba: tung" ra" mau" , ba: qo; zho' ra" mau" , ju yi khyo aja: ja: we' tin" ra" mau" , gepaung: kai: ba: lag: tau" ra" ju yi khyo acao jab ba: kaid' nae" tau: ju yi aja: ja: byang" jab; ra" tao ngaid: ra".