1 Xo' yang: aqhang ngo" daung" , apyi ngo" daung" bo: ra" ajheim byid khyug vang" mung: ru phaid' ngaui" xeim: qhaug' phain re jam no; sag' yang kaid' ra". Myhao khyo re: sam daung" bo:2 ra". – Phain byid jheim adao mae khyug byid lam: re jam no; sag' yang kaid' mung:3 gyid' yang shain" thab' to" ra". – Ug' we' daga" ce' bao" , thaung: lhao: , sho: lhao: kyo' , Bain re: phain we' tin: ra" azai: akho4 jham re re: gyid' yang kaid' ra". – Gyid: khyang" kaid' mung: ngaui" phain phyid'5 cui: agaung: mae te' to" ra". – Dao kang vhao" to: nae" tau: khyang" byid jheim: geim" mae te' to: nae" gyid: byid kheim"6 re re: kaid' ra". – Jam no; sag' yang dao kang kaid' mung: gyid: yang shain" thab'7 to" ra". – Phain re dao nae" tau: athao thao khao: ngo" mae" akheim" mae dao kang vhao" zaui: to" ra".8 Mo, byu qe zang" qham jao: seim zaung kham: dung: mae qham phaung ko" myiqe: qe: gyid: bao tang" jham re yu mung: gyid: thaung: lhao: we' gyid: khyid re kaid' ra".9 Seim zaung kyae" nae" tau: aqhang dayo daung" bo: ra" pin: yaung" we' qid bang: shaid' kyae" nae" pin: lung: re kaid'10 ra". – Ai: pin lung: te' lhao: nae" zang shid' xe , zang khyid zhaung: shid' xe re gyid' yang kaid' mung: daung" zang nau" , kyao" yao: jham re ngaui: yang11 shain" thab' pye' ca". – Ai we' dakhyo: qid meim shaid' kyae" nae" tau: aqhang dayo daung" bo: ra" pin: lung: we' ngaui daung" zang nau" , ngaui sheim" te' to" kyao" yao: , gyid: zang shid' xe , gyid:12 khyid zhaung: shid' xe ngaid: . – Nhaung thao" shaid' kyae" nae" aqhang ngo" xe daung" bo: ra" pin: lung: we' zang daxe ,13 khyid azhaung: daxe ngaid; ra". – Qhid' kheim: shaid' re: ngo" xe daung" ngaid: . –14 Kham: mo" dung: dashaid' mae aqhang daxe: ngo" daung: bo: ra" pin: lung: we' zang sam zang , khyid zhaung: sam lam:15 ngaid: . – Dam: dashaid' mae" kham: re: ai we' dakhyo: aqhang daxe: ngo" daung" bo: ra" pin: lung: , zang sam zang , khyid zhaung sam lam" yang kyae" to" ra". –16 Vang" lhang" gam: re pin: yaung" lung"17 yang: kyae" lhang" to" ru ngaid: . – Zang jham mae gyid: khyid azhaung: , ngaui daung" zang nau" , ngaui kyao" yao: we' zang au: jham mae re: ngaui: yang sheim" thab' to" ru ngaid: vang" kyao" yao: alhab'18 wa ngaui kyao" yao: jham ngaid: . – Vang" kham: mo" lung: kyae" nae" anyhug pin: lung: , ano, pin: lung: , ane pin: lung: , pin: yaung" yang khu: qo; tung" to" pin: lung: ngaid: mung: aqhang shid' xe daung" amyhao ngo" daung" , vang" kyae" ra" pin: lung: we' yhoe' za" ru ngaid ra". –19 Vang" kham: mo" dung: zang byid zang bo mung: gyid: khyid zhaung byid lam: , ngaui daung" zang nau" , ngaui kyao" yao: jham , zang phyo: mae ngaui: yang sheim"20 thab' pye' ru ngaid: . – Seim zaung vang" gam: sho' mae" zang nau" be; zhaug' to: mung: ai: zang nau" alhab' gyid' yang kaid' ru ngaid.21 Ce: gu: wa Moshe: pyang: to" we' dakhyo: khin jaung mo" Arun" zo: Itama yang Levi' qe mau" zaui: nae" ra" jao: seim zaung re nghe' xam" to" ra" sagso: seim22 zaung japhin: ngaid: . – Moshe re AsAng Mo"so pin: to" jham alhab' re Yuda boe: ngaid: ra" Hura: zo: ang: , Uri: yao: zo:23 Bezalela wa kaid' su ngaid: . – Yao: re bao" thaug' yaug Dain: boe: Ahitamed' yao: zo: Aholab re: bo: bo: ra". Ai: yaug wa thung" kyao" mau" , mug' pho" lo, yin bo: lo, mau" , anyug pin: lung: , ano, pin: lung: , ane pin: lung: , pin: yaung" jham mae khu: ba: qo; ba: tung" ke' ra" yaug ngaid: . –24 Shao gyang" qe, tau: mae" gyo" gain: pye' hhang wa shao gyang" qe, jao mae" lag; re shid' yo: gug xe: nhaid' joe" yang25 sam kyin: ngaid: . – volo vo ceim" ke' ra" japhin: vao ngaui ein nae" wa kye' khyo" ga" re dataung: daxe nhaid' joe: nhaid'26 kyin" yang ngo" kye' ngaid: ra". – Japhin: vao: ra" shid' xe zin tho' mae" japhin: alhab' re khyaug' tid: sam taung: ngo" yo: ngo" xe ngaid: . Ai bam alhab' wa yao: yaug yao: shao gyang" qe, jao mae" tau" re dayaug dakye' loe" nae" agaung: dano" no"27 ceim" ke' ako". – Khyid azhaung: dalam: mae ngaui khug' daxe xe vao: ru mung: ngaui khug' dataung: yang seim zaung khyid zhaung: , akhug: pin: lung: khyid28 azhaung: dayo re sheim" yu: ra". – Dang: ra" ngaui khug' daxe: nhaid' joe: nhaid' kyin: yang ngo" kye' yang zang kyo' we' zang kyao" yao: jham re kaid' mung: zang29 phyo: jham re sheim" yu: ra". – Qhaug' ko" gyid: alhab' re khug' nhaid' yo: shid'30 xe: byid joe: ngaid: . – Ai: gyid yang mo, byu qham phaung seim zaung kham: mo" dung: khyid zhaung: , gyid: phain , gyid: khyang" , phain azai: akho alhab' re re: , –31 Vang" kyae" ra" zang khyid zhaung: , vang" kham: mo" dung: khyid zhaung: , seim zaung zang nau" , vang" lhang" gam: be; zhaug' to" zang nau" alhab' re re: kaid' ra".