1 AsAng Mo"so: yang Moshe re xo' yang: mho: ra". Sao qhid' re" laug pye: shid' pye: we' dau: ra" laug pye: shid' pye: re kho' wa, . Nao khyug' mhain" pye' va" sao qhid' laug pye: mae tung" to" dao: kheim: we' dakhyo: thao: re" laug the: mae Ngo2 tung" to: nae". – Ne, kao ne, seim nao jin" jin" kaid' ci yang: Sina' bam dao khyo do, mung: bam phyo: tau Nga" qhid' mae3 gaung li" qhu" wa, . – Nao we' daga" khag' re: magai: bo: do, nae". Bam dabam: geim" mae byu dathug' li" nhao. Bam qao: tau yao , nung: jham re magai: zho" lhae" to:4 nhao nae" ga: mho: ra".– AsAng Mo"so pin: to: va" we' dakhyo: sao qhid' re" laug pye: we' dau sho' laug pye: shid' pye: re kyaung" yu thao Moshe wa ne, seim no' no' to" mung: ai: laug pye: shid' pye: ci yang: Sina'5 bam dao khyo do, lo" ra". – Apyaid ato: AsAng Mo"so wa jham thaui: khyo" gyo" li" mung: ai: jo, qo Moshe na: ra" nhae mae ye, yang: AsAng Mo"so: mang kheim:6 re myhao" byid' ra". – AsAng Mo"so wa Moshe: qhid' au: khyo" su" lo" zo" AsAng Mo"so , AsAng Mo"so , nhag' myain: nhag' khyag' ra" jhid' myid we' jab byang" mung: nhag' lam: qhang: ru , je ju kaid' ru , dao:7 so: zaung: ru we' byang" jab; ra". – Byu atid atug re nhag' myain" ra" myid ci: qhu" yang: shaid' nghung" ru , tarha" lhoe" ru , qobo khyaid' pye' byid: qere: aje akeim qobo khyaid' pye' byid' khyo mangaid: lo: byu bang: sam qae: byid qae: joe" sho' yao pho" qe: qobo zo: myid: qe mae joe" byid' na: ra" apyaid ato: AsAng Mo"so ngaid: ga:8 ta" ra". – Moshe re: phyaid za: gam" goe,9 mung: pa" kug' zo" , – AsAng we" ngo ni" qhid' kheim: mae myo, nho qo" ngaid: re: nga" AsAng ngonhaung" we' daga" ye" lo" gelang: . Ngo mho' bain" ra". Ce: byumyu" qe lang zang: qao: amyu" ngaid qere: ngon- haung" shaid' ra" qobo jham re lhoe' byid: mung: ngonhaung" re AsAng Ni" Ma jao khae: khyo" jhui" lo" byid: la, ga: mho' ra".10 Ailao" apyaid ato: AsAng Mo"so wa qu" wa, Ngo dao: thang" to" to" ra" myid gye, dalam" geim" mae" myid gaung byu qe mae khonhae" re: mapoe" qhu" qu" shi" mug' pho: re ni" byumyu" alhab' bam: qhid' kheim: mae Ngo poe" ke' nae". Naohaung" mae Ngo kaid' qhu" nae" jham wa gyaug mug' pho: ngaid: ra" khyo re nao we' daga" na ko" ni" byu qe alhab' bam: qo" the' myao11 genae".– Ana" ba Ngo pin: to: va" dao: thang: re zaui: so: wa, . Ni" qhid' kheim: mae Amori byu , Khanani byu , Hiti byu , Pherezi byu , Hivi byu , Yebuti byu jham12 re Ngo khe' thug' nae". – Nao ana" joe" lo" nae" mang: mae" byu jham we' lo" na: la" pye' mung: nao tha" lang: jao: maboe"13 shao: lha" wa, . – Yao: bam: phain jham re phyo' pye' ca" nae". Yao: bam: so lho jham re khyug' mhain" pye' ca" nae". Yao: bam: Ashera gae jham re thau: pye' ca" nae". –14 Getau: mo"so re nao magai: pa" nae". Ngo wa qhaung: ra" apyaid ato: AsAng Mo"so:15 ngaid: ra". – Nao ai: mang din" byu qe we' dao: thang" to: yang: yao: bam wa yao: bam: mo"so we' shaid' nghung" mau" zaui: gemung: ai: mo"so jham re phain ngaui" byid: ko" au: nao re bo: khai mung: nao wa ai: phain qab; xeim: re bo: zao" zo: nae"16 ru re: , – Nao yao: bam: myiqe: nau" jham re ye: yu yang: ni" byu jham we' jho" byid: zho: mung: ai: myiqe: nau" qe yao: bam: mo"so we' shaid' ra" mau" kaid' yang: ni" zo: yaug gai jham re ai: mo"so jham we' shaid' nghung" khyo zai" boe" nae" ru re17 gaung yug ca" ra". – Nao ni" qhid' mae sheim" yu: ra" mo"so re magai: kaid' yu nae".18 Nao Abi lho" khye' mae Egutu mang: mae" thug' lo: ru mung: Ngo khang" to" we' dakhyo: Abi lho" khye' re nhaid' ba lam: lam: main" phaui: mabo: cin main" zo: mung: Azuma poe kaid' ca" nae". –19 Zoqhid' alhab' geim" Nga" re" jo, nho" ngaid: . Ni" gug' nyhug' qe mae re: nung: , yao au: khaui: qhid' alhab' wa Nga" jo, nho" ngaid: . Ai ngaid qere: sao qhid' khau: ra" myao: nau" re yao nau" we' jho" tha" yu20 ca" . – Manug: tha" yu lao" wa lau gung: nau" lang zang: re lao" khyug' ca" nae". Ni" zoqhid' yaug gai nau" alhab' re tha" yu ca" nae". Nga" qhid' kheim: mae khag' re: lo, keim magai: li".21 Khyaug' ba lam: lam: mau" zaui: ca" nae". Nhaid' ba ein: ba mae wa yaug yo za: dug no: ca" nae". Yo thaung: kaid' ra" yo, , qhovo: yaid: jham" yu: ra" yo, ngaid qere: nhaid' ba: ba re wa yo yo za: dug no:22 ca" nae". – Saung so yaid: qhid yo, dug no: nhaid' lam: poe re re: , zin lobyang" ayo, qaung: to" poe re re: kaid' ca" nae". –23 Dazin re sam lhang naonhaung" amyu" yaug gai nau" qe Israel Mo"so ngaid: ra" apyaid ato: AsAng Mo"so jhao" thug' qhu"24 ca" nae". – Su mo, je: byumyu" re naon- haung" qhid' au:mae" Ngo khe' pye' mung: naonhaung" na jao: jo, qo re Ngo lae: ce" ke' byid: nae". Ni" Mo"so apyaid ato: AsAng Mo"so: qhid' kheim: mae dazin re sam lhang myo, khung: ye qhu" ra" au: ni" myid gaung khag' re: maqo" li" jhin: nae".25 Nga" xeim: dau: sa: re bai" phaui: lhag' yang: magai: ngaui" nae". Lai: loe, poe xeim: dau: re ne, seim joe" sho' magai: to:26 nae". – Ni" myid gaung mae sao qhid' zaui" ra" qhovo: qhoshi: gai: thao" ja: ni" AsAng Mo"so apyaid ato: AsAng Mo"so: yham khug khyo yu: vhao" ca" nae". Caid' nau" re yao myhi" nug' qang: we' magai: kyug' nae".27 Ce dao: kheim: jham re tung" to: wa, . Ce: dao: kheim: pin: to: va" we' dakhyo: nao we' Israel byumyu" qe mae Ngo dao: thang: thang" to: va" ga: AsAng Moshe re28 mho: ra". – Ai: jo, qo mae Moshe wa zo mazo: , qid mashaug' lo: ba na byid xe ba lam: lam: AsAng Mo"so jhao" mae bo: na: na ra". Laug pye: dao mae dao: thang: we' khang" dao: daxe re tung" te' to" ra".29 Moshe sagso: laug pye: shid' lam: ci yang Sina' bam dao mae" gyo" lo: au: yao: we' AsAng Mo"so jho" qhug' jhau: ra" mathao yao" myo, khung: bao qhi: ru re30 yao" gaung yao: maba ngaid: ra". – Arun: we' Israel byu qe Moshe re myao ko" au: yao" myo, khung: bao qhi: ra" mathao yao: bam mavae" qui" ye: ko" ngaid: ra". –31 Moshe yao: bam re khai mung: Arun: we' mo, phaung lau: de, qe te' li" gelao"32 Moshe lham: jhau: ra". – Ai: thao Israel qe alhab' bam te' li" yang: Sina' bam dao mae AsAng Mo"so pin: to: va" jham re yao: bam jhao" zhao: kyo" ra".33 Moshe yao: bam re ta" hau" na azo" yao" myo, khung: re myo, nghoe' yang34 nghoe' pye' ra". – AsAng Mo"so: qhid' kheim: vao ra" au: Moshe wa dam: thug' lo sho' yao" myo, nghoe' khyaid' to" ra". Ai mung: dam: thug' lo yang: yao: re pin: ke' ra" jham re Israel mo, byu qe re zhao:35 kyo" ra". – Yao" myo, khung: bao qhi: ra" khyo re Israel byu qe the' myao gelao" AsAng Mo"so we' jho" jhau: nae" seim zaung khug khyo vao: ra" ayo, joe" sho' yao" myo, nghoe' Moshe: nghoe' to: to: kaid' ra".