1 Moshe re AsAng Mo"so dam: xo'2 mho: zhao: kyo" ru wa , – Qu" wa, Yuda nhae mae" Uri yao: zo: Hura yao: myid: , Bezlela re mang dau: thug' yang: nha: to:3 va". – Yao: wa hhang , ngaui , gyid: ba: be;4 ra" nyain: , – Laug ba: thung: ba: zaui" ra" mau" , sag' ba: kyaung" ra" nyain: we' ju5 yi acao jab' ba zaui: nae" khyo: , – Ju yi qi" ru we' tau" lag: phaid'nyain: aja: ja: re Ngo byid: mung: AsAng Mo"so: Solo Ngo6 pyang" byid: va". – Yao: we' daga" Dain: nhae Ahisamag yao: zo: Aholab re re: Ngo jaung: to: va". Ngo nao re pin: to: va" alhab' re nhag' myid ju yi ba mo, bin sho' ba: zaui: nae" khyo: yao: bam: kheim mae sang: mae ba jhao khyo Ngo ke' vhao" zaui: to:7 va". – Ai jham wa mo, byu qe zang" qham nae" jao: , dao: thang" bain" , bain" dao kai" nghoe' nae" apyid' , seim zaung mae8 ca" zai cao jab re re: , – Zogai" we' zogai" dao kai: nae" jham re re: , shao: ra" myi: tao" we' myi: tao" mae te' lhao: ca" zai acao9 re re: , – thaung: lhao: we' thaung: lhao:10 akhyid re re: , – khin jaung mau" vin: au: re" khin jaung mo" Arun" gyag: thao" ra" bau: qhang we' yao" yaug gai zo: qe ve,11 nae" bau: qhang re re: , – Gyaid nae" we' shao gyang" jao: mae ci nae" nae pyo" ra" ru: Ngo nao mae pin: to: va" we' dakhyo: kaid' ca" genae" ga: mho: ra".12 Xo' yang: AsAng Mo"so wa nao Israel mo, byu qe re zhao: kyo: nae" ru wa , –13 Ngo wa naonhaung" re shao kyang" yu: ra" apyaid ato: AsAng Mo"so ngaid: khyo re naonhaung" qo" ba nae" tau: Ngo we' naonhaung" zo: myid: aqae: qae: gyo: mae dao: so: boe" veshao: Nga" dug no: ba re14 dang dang cao" ca" genae". – Ai: dug no: ba re naonhaung" cao" ca" genae". Ai wa naonhaung" tau: mae" shao gyang" ra". Ai: ba re phyo' ra" yaug shid: ru qhug' nae". Ai: ba mau" zaui" ra" yaug shid: ru qhug' nae". Ai: ba mau" zaui" ra" yaug kam" wa yao: yao" amyu" mae" kao" phoe' pye' ru15 qhug' ca" nae". – Khyaug' ba lam: lam: mau" zaui: ca" . Nhaid' ba ein: ba wa AsAng Mo"so: shao gyang" ba mung: sae na nae" dug no: ba ngaid: . Dug no: ba mau" zaui" ra" yaug kam" wa dang dang16 shid: ru qhug' nae". – Airu: mung: Israel zo: myid: akai" azho, mae AsAng Mo"so: dao: thang" boe" veshao: dug no ba re17 malam: lai: cao" pyang" na ca" nae". – Ai re" ru: cao" ru wa Ngo we' Israel zo: myid: aqae: qae: mae apyaid ato: sagso: boe" na zai ngaid: . Khoru: ga" re AsAng Mo"so wa mug: gaung we' myid gaung re khyaug' ba: gu: mae phain" to: mung: nhaid' ba ein: ba mae sae za: na zo" qam: pyang" yu: ra" ga: Moshe re mho: ra".18 Ai re" khyo: apyaid ato: AsAng Mo"so wa Sina' bam dao mae Moshe we' bin: jho" jhau thao yao" lo, nyhug' yang tung" ra" sagso: dao: tung" te' to" laug the: shid' the: re byid' ke' ra".