1 Xo' yang: nae pyo" phaid' ngaui" phain2 re jam no; sag' yang kaid' ca" nae". – Ai: phain wa aqhang dadaung" , apyi dada- ung" , byid jheim vang" za" ru ngaid mung: amyhao shid' daung" bo ca" nae". Khyug jham re re: jam no; sag' yang kaid'3 te' ca" nae". – Phain dao , ayae lhang" gam: khyug jham re hhang gyang" yang shain" pye' mung: adao lhang" gam: mae daung" nae" hhang re re: kaid' ca". –4 Daung" to" o , phain thoeshaid' ceshaid' jheim mae hhang kheim" shid' lam: kaid' mung: phain re dao nae" dao kang vhao"5 ke' jao: ngaid: . – Dao kang re jam no; sag' yang kaid' mung: hhang: yang sheim" pye'6 ca" nae". – Ngo nao we' jho" qhug' nae" jao: , dao: thao: ce' to" ra" bain" re kyo: lao" khao" to" pin: qhid' kheim: mae ai:7 phain re to: ca" nae". – Arun: ne, seim khao: ngo" myi: keim re nyhang" byid' au: ai: phain mae ne pyo" ra" ja: ngha" ca"8 nae" ngaid: . – Myi" re re: ai: myi: keim Arun: dam: te' ra" au: ai phain dao mae nae pyo" ja: ngha" nhae" ca" nae". Ai re" khyo: AsAng Mo"so: qhid' kheim: naon- haung" zo: myid: aqae: qae: mae zaui" na ca" nae pyo" ja: ngha" ngaui" nae" li9 ngaid: ra". – Ai: phain dao mae getau: nae pyo" ja: magai: ngha" nhae". Phaid' ngaui" xeim: re: magai qhaug' nae". Zo: pho: jhaung qhu" re: vhe' sheim: xeim: re:10 magai: kaid'. – Arun: wa dazin re dalhang qobo bain" ra" xeim: dau: sa: re yu mung: ai: phain: khug mae qobo khyaid' ra" ngaui lho" li re kaid' ca". Naonhaung" zo: myid: aqae: qae: dazin dalhang airu: kaid' ca" genae". Ai wa AsAng Mo"so: tau: mae" shao: thao" ra" phain ngaid: ra".11 Xo' yang: Moshe re AsAng Mo"so mho:12 kyo" dao: kheim: jham wa , – Israel byu qe re nghe' qu" qu" mung: yao: bam: japhin: yu: au: yao: bam: tau qam" majoe" shao: na: gu: alhab' bam yao: yaug yao: , yao" gaung yao: kao khyaid' nae" aphug' apyaid ato: AsAng Mo"so jhao" qhaug' ca" nae". –13 Nghe' qu" mung: japhin: vao: ra" mo, alhab' wa ngaui Shekela agaung: dano" no" AsAng Mo"so jhao" qhaug' ca" nae". Shek-14 ela dalam: wa shid' xe Gera ngaid: . – Kao shid' xe mae" dao alhab' wa japhin: vao va" mung: ai ja" jhaung: qhu" xeim: AsAng15 Mo"so jhao" qhaug' ca" nae". – Yao: yao" kao khyaid' yu nae" tau: AsAng Mo"so jhao" jhaung qhu" xeim: byid' au: ngaui qo" mo, getau maje , myaung mo, re: mayeim" lo: yaug nge, ngaui kye' agaung: dano" byid:16 ca" nae". – Israel qe:re tha" nae" ngaui re yu mung: yao: bam: kao khyaid' nae" tau: , apyaid ato: AsAng Mo"so: qhid' kheim: mae Israel byu qe: sagso: boe" nae" khyo: mo, byu zang" qham jao: seim zaung zaokho tau: mae" to" to: ca" nae" ga: mho: ra".17 Moshe re AsAng Mo"so dam: mho:18 ru wa , – Arun: we' yao" yaug gai zo: qe khyid lo, cid' nae" tau: gyid: khyid bo: ra" gyid: thaung: lhao: re kaid' mung: mo, byu qe zang" qham jao: seim zaung we' ngaui"19 phain gyo: mae to: ca" nae". – Yao: bam wa mo, byu zang" qham seim zaung khyo20 vao ye: qere: , – Mau" zaui: mung: AsAng Mo"so jhao" phaid' ngaui" xeim: ngaui" nae" tau: , ngaui" phain ayae khyo te' ye:21 qere: , – shid: ru maqhug' shao: yao: yao" khyid lo, re cid' ca" nae". Ai re" khyo: yao: bam we' yao: bam: zo: myid: aqae: qae: mae cao" ca" nae" khang" dao: ngaid: ra" ga: mho: ra".22 Apyaid ato: AsAng Mo"so Moshe re xo'23 yang: dam: mho: ru wa , – Gai: thao" ra" nae pyo" ja: mura xau Shekela ngo" yo kye' sag' cao: phyag' kaug' shid' yo: ngo" xe ,24 Khalamu shid' yo: ngo" xe , – Sag' cao: phyag' ngo" yo we' sain: lun: xau dahin" yu mung: ai we' gyaid nae" tau: shao gyang" xau kaid' nae" nae pyo" ja: ba: pau: yaug pau" re" khyo: nae pyo" xau nao pau" yu ca"25 nae". – Ai wa boe, nae" tau: shao gyang"26 ra" nae pyo" xau ngaid:. – Ai: xau: yang mo, byu zang" qham seim zaung mae re: ,27 dao: thang" bain" mae re: , – Zogai" we' gai" dao mae" cao jab mae re: , myi: tao" we' ai: mae" zai acao mae re: , nae pyo"28 ngaui" phain mae re:, – Phaid' ngaui" xeim: qhaug' ra" phain we' phain mae jo; ja: cao jab' mae re: , thaung: lhao: we' lhao: akhyid29 mae re: nao boe, mung: , – Ai jham: yang zao" ra" pe" ja: ngaid qere: shao gyang" ra"30 zai ngaid: ca" nae". – Arun we' yao" yaug gai zo: qe gyaid mung: yao: bam wa nga" qhid' kheim: khin jaung mau" zaui: so: genae" tau: khin jaung aya: tang" to: ca". –31 Israel mo, byu qe re mho: kyo: ca" nae" ru wa naonhaung" zo: myid: aqae: qae: mae ce: xau Nga" tau: mae" shao gyang" ra" boe,32 nae" xau ngaid ca" nae". – Byu: gaung mae magai: vhe' gyain: nae". Xau re pau" re" khyo: getau xau re magai: pau: nae". Shao gyang" ru mung: shao gyang" ra" ein: xam"33 yu ca" nae". – Ai: xau we' dau sho' pau" ra" yaug masin" ra" byu mae boe; ra" yaug kam" wa yao: yao" amyu" mae" phoe' pye' ru qhug' nae" ga: mho: ra".34 Xo' yang: AsAng Mo"so Moshe re dam: mho: ru wa nae pyo" ra" ja: ein nae" Natab gyid: , Unukha , Galabam: gyid: , nae pyo" ra" ja: we' gyang" ra" loban gyid: ai jham re35 dano" no" lag: yu mung: , – Nae pyo" ja: ba: pau: yaug pau" khyo: lhau: lhag' mung: shao gyang" ra" ngha" nhae" ja: re pau:36 ca" nae". – Damyo" re nau" sho' thaung" nhau" yang: Ngo nao we' jho" qhug' jao: mo, byu zang" qham seim zaung jao: dao: thang" to" to" qhid' kheim: mae to: ca" nae". Ai wa naonhaung" mae gyai shao37 gyang" ca" nae". – Ai: nae pyo" ja: pau" re" ru: getau: ra" ham" nhae" ja: re yao: yao: ci nae" tau: magai: pau: nae". Ai wa nao mae AsAng Mo"so tau: shao gyang" ra" ru ngaid38 nae". – Yao: yao: ngha" nae" tau: ai ham" nhae" ja: we' dau sho' dayaug yaug , pau" ra". Ai: yaug wa yao" amyu" mae" phoe' pye' ru qhug' nae" ga: mho: ra".