1 1 Ni" mao: Arun: wa nga" qhid' mae jaung yin" mau" zaui: nae" tau: yao: we' daga" yao: zo: qe Nadab' , Abihu , Elaza , Tama jham re Israel byu qe mae" khyin: thug' yu mung: ni" o mae khyin: nha: to:2 2 wa,. – Ni" mao: Arun: mae phung bao: Ngo bao myhao" na nae" tau: shao gyang"3 3 ra" ve, mai bau: khyab' byid: ca". – Arun: wa Nga" qhid' mae" khin jaung mo" mau" re zaui: so: nae" qo vin jo, mung: yao: re shao kyang" nae" tau: Ngo byid' ra" nyain: re qo" ra" ju yi bo mo, ai: ve, mai bau: khyab'4 4 byid: ca" nae" khyo mho: to: wa,. – Khyab' ve, nae" mai bau: wa, qao bao" , kayhoe" qhang , adao: bau: qhang , khu: tung" to" bau: , au: thab' , phyid' cui: jham ngaid:. Ce re ni" mao: Arun we' yao: zo: qe Nga" qhid' mae" khin jaung mau" zaui: so: nae" tau: ve, nae" shao gyang" bau: kaid' byid: nae" jham ngaid:.5 6 Hhang we' anyug pin: lung: , ano, pin: lung: , ane pin: lung: , pin: yaung" re yu6 ca" nae". – Kayhoe" qhang re qhang: yang7 ge paung: kai: kaid' ca" nae". – Kayhoe" qhang re xo' nae" tau: thoeshaid' ceshaid' mae" athao shid' lam: xo' qham: ke' mung:8 khyab' ca" nae". – Kayhoe" qhang re adao lo, sin mae gepaung: kai: lao" qham: to: mung: airu re kayhoe" agaung ru: hhang: yang re: , anyug pin: lung: , ano, pin: lung: , ane pin: lung: , pin: yaung" jham: yang re:9 kaid' ca" nae". – Shaphain: laug shid' baui10 re yu mung: Israel da xe: shid' boe: , – Kao qi: ngai cao" yang: ai: laug shid' baui dao mae byu boe: mang khyaug' lam: lam: tung"11 te' to: ca" nae". – So xam: dao mae tung" te' ru: laug thung: ba: thung" mo, tung" ru we' dakhyo: Israel aboe: qe: mang re ai: laug shid' baui: adao mae thung: mung: hhang12 laug ug' mae ke' ca" nae". – Israel qe myid beim" na genae" tau: ai: laug baui shid' baui re kayhoe" qhang mae khyab' te' ca" nae". Ai wa Israel byu qe re beim: so" na nhao nae" tau: yao: bam: mang jham re Arun wa AsAng Mo"so: qhid' mae yao" lang zang: tau13 lhao" ve; ci ca" nae". – Laug ug' re hhang:14 yang kaid' ca". – Bau: thao mae te' nae" tau: shid' khe' re hhang gyang" yang nag mung: laug ug' mae lhao" te' ca" nae".15 Kayhoe" qhang re kaid' ru: tarha" khyo shid' ra" qao bao" re re: kaid' ca: nae". Ai re hhang , anyug pin: , ano, pin: , ane pin: , pin: yaung" jham: yang khyab' ca"16 nae". – Shid' nhe' khyug' mung: aqhang dathu , apyi dathu , nyang vang" za" ra"17 byid khyug ngaid ca". – Ai: qao bao" mae phug' de; laug byid jin jin yang: jao ca". Sao qhid' jin mae laug ne , laug phyu qhi ,18 laug no, qhi , – shid' lam" jin mae ne bo"19 laug , laug qhi , laug mai: , – sam lam" jin mae laug no, gyang" , ne, shain laug , laug20 mai: gyang" , – byid lam" jin mae laug nyug gyang" , bo" no, laug mhai: myhig laug , jham ngaid: mung: dalam: we' dalam: re21 hhang ug' jin zaui ca". – Israel daxe: shid' boe: bo: ru we' dakhyo: soxam: dao thung" te' to" we' dakhyo: ai: laug jham mae nhae daxe: shid' boe: ngaid: ko" mang jham re laug dalam: re mang da mang khyo" tung" ca" nae".22 Qao bao" adao mae" ajheim shid' lam:23 mae hhang shid' kheim" re re: , – Nag; yu: ra" hhang taui: shid' khe' re re: kaid'24 mung: , – Ai: ra" qhang kheim" mae vhin" yu yang: kayhoe" hhang lhao" khyo" to" taui: dao mae" laug ug' mae te' lhao" to: ca"25 nae". – Xo' yang: hhang shid' kheim" re kaid' mung: kayhoe" o mae te' to" ra" qao nghoe' o ajheim shid' lam: mae te' ca". –26 Getau hhang kheim" shid' lam: re re: kaid'27 mung: , – Kayhoe" qhang qhid' kheim: o ayae mae" kayhoe" agaung: thoe shaid'28 ceshaid' mae te' to: ca" nae". – Qao bao" hhang kheim" shid' lam: re kayhoe" hhang kheim" shid' lam: re kayhoe" hhang kheim" shid' lam: we' zham" mung: anyug taui" yang daung" ca". Qao bao" re qao gao tau khyo" lhao" to" lang yang" adao mae lhao" te' to: mung: kayhoe" qhang we' magao:29 lo: khyao za: te' to: ca" nae". – Arun re: shao gyang" ra" jo, qo khyo vao: re Israel byu qe re apyaid ato: AsAng Mo"so khyao za: myid beim" na veshao: myo, myhung" qao bao" mae yao: bam: mang dau: jham re yao" kheim jhaung dao mae yao: te'30 lhao" ci ca" nae". – Myo, myhung" qao bao" akhug mae Orim we' Thumin: re ke' to: ca" nae". Arun: wa AsAng Mo"so: qhid' kheim: vao ye" ra" au: yao" kheim jhaung mae Orim we' Thumin: bo bo: ru mung: Israel qe: tau: AsAng Mo"so: qhid' kheim: mae khyao za: zaui" pyang" byid' na ca" nae" ru ngaid: ra".31 Kayhoe" qhang we' tin" ra" bau: qhang re pin: anyug: yang za: agai: khyab' nae". –32 Bau qhang mae au: lam: jhui: vhao" ke' nae" tau: lang gab: phung" mung: ai ma jaid; lin: lo" sho' gye bau: mae" jo, to' lang gab: ru: ai: ayae alhab' re qo; zho' to" pin"33 yang lang gab: daung" ca" nae". – Ai: bau: qhang athao lhang" gam: mae pin: anyhug , ano, ane: yang kaid ' ra" khyae thaug' shi: re re: , ai dace' kyo kyo mae hhang jhu re34 kaid' lhao" to: ca" nae". – Khyae thaug' shi we' hhang jhu re daja: dalam: kyo ajin35 taung" kaid' te' to: ca" nae". – Arun: mau" vin vo; zaui: so" na: au: yao: mae lhao" jin: te' to: ca" nae". Shao gyang" ra" qe, AsAng Mo"so: qhid' kheim: vao thug' kaid' ra" au: shid: ru maqhug' veshao: ai: myang thoe re the' gyo" na nae".36 Hhang gyang" yang dabu dalam: re re: kaid' yu mung: so xam: thung" kyaung" te' ru: AsAng Mo"so: qhid' mae" shao gyang" ra" ein: ai: mae tung" ce' tung" to: ca"37 nae". – Anyug: yang kaid' ra" taui" yang au: zhaung qhid' kheim: mae taui" te' to:38 ca" nae". – Ai wa Arun" nga: lao: mae lhao" to: mung: Israel byu qe: shao gyang" ra" aung lam we' tin" ra" shao gyang" ra" zai acao jab mae Arun" yang qobo vin byid' ru ngaid: ra". Yao: bam re AsAng Mo"so: yang khae: yu: ru qhug' nae" tau: ai re Arun" nga: lao: mae khyao za: lhao" to: ca"39 nae" ngaid: . – Pin: yaung" bau: re re: khu: tung" mung: kaid' ca" nae". Au: zhaung re re: pin: yaung" yang kaid' ca" nae".40 Arun: yao: zo: jham re: langa: phung bao bo nae" tau: bau: qhang , phyid' cui: , au: zhaung: jham re qo, byid: ca" nae". –41 Ai re" khyo: ni" mao: Arun: we' yao" yaug gai zo: qe re nao shaung vhe' byid: mung: nga" qhid' kheim: khin jaung mau" vin nae" tau: yao: bam re xau boe, byid: yang: aya: tang: byid' ru we' shao kyang" yu ca"42 nae". – Yao: bam: qho' taid' maze: thug' lo veshao: phyid' dam: mae" paung daung: joe" sho' pin" yang lho: daung: khyab' byid:43 ca" nae". – Arun: we' yao" yaug gai zo: qe mo, byu qham jao: seim zaung khug vao ye: qere: , shao gyang" jo, qo mae" phain nhae te' ye: qere: , qobo tin: te' yang: mashid veshao: ai re" khyo: khyab' ve, ca". Arun we' yao" byuxag' aqae: qae: mae cao" ca" khang" dao: ngaid: .