1 Aqhang ngo" daung" , apyi ngo" daung" bo: mung: byid khyug dau nyang za" phain re jam no; sag' yang kaid' ca" nae". Amyhao2 sam daung" ngaid ca". – Phain byid khyug ajheim dao mae khyug byid lam: re jam no, sag' yang kaid' mung: gyid; yang sheim"3 yhaung" pye' ca". – Myi mhab khae jao: ug' we' daga" ce' bao" , thaung: lhao: , sho: lhao: kyo' , bain , phain we' tin" ra"4 zai cao jab re gyid: yang kaid' ca". – Gyid: zai re re: , ai: zai byid jheim: adao mae re:5 gyid: byid kheim" re kaid' mung: , – Phain:6 cui: o agaung: tau: to: ca" nae". – Phain re vo; nae" tau: jam no; sag' dao kang re kaid' mung: gyid: yang shaung yhaung" ca"7 nae". – Phain re dao nae" thoethao cethao akheim" jham mae vhao" to: ca" nae" . –8 Bam dao mae nao re qhu" va" we' dakhyo: ai: phain re gyao: lao vin" ngaid nae" tau: sag' the" yang kaid' ca" nae".9 Seim zaung vang" kyae" nae" tau: aqhang dayo daung" bo: ra" pin: yaung" lung: we' qid bang: shaid' mae pin lung:10 lao" khao: zai kaid' ca" nae". – Ai: pin: lung: lao" khao" te' nae" zang shid' xe , zang khyid azhaung: shid' xe re re: gyig' yang kaid' mung: kyo' ngai , kang kaid' nae" ru mae" ngaui: yang shaung: thab'11 pye' ca". – Ai we' dakhyo: qid meim shaid' kyae" nae" aqhang daung" dayo bo: ra" pin: lung: we' ; ngaui kyo' , ngaui kang yao: bo: ra" gyid: zang shid' xe , gyid: khyid12 azhaung: shid' xe kaid' ca" nae". – Vang" nhaung thao" shaid' apyi khyo" kyae" nae" tau: aqhang ngo" xe daung" bo: ra" pin: lung: we' daga" zang daxe , khyid13 azhaung: daxe bo ca" nae". – Vang" qhid' kheim mae re: apyi ngo" xe daung" bo ca"14 nae". – Kham: thoeshaid' ceshaid' mae kyae" nae" tau: aqhang ngo" xe daung" bo: ra" pin: lung: we' daga" zang sam xe15 re re: , – Khyid azhaung: sam lam: re: bo16 ca" nae". – Kham: dung: mae kyae" nae" anyug pin: lung: , amo, pin: lung: , ane pin: lung: , pin: yaung" yang kaid' mung: khu: bo: ra" pin: lung: shid' xe daung" we' daga" zang byid zang , khyid azhaung: byid17 lam: bo: ca" nae". – Vang" lhang" gam: mae" zang alhab' re ngaui daung" zang , –18 Ngaui kyao" yao: gyid: khyid azhaung: bo ca" nae". Vang" ai: ru aqhang daung" dayo , apyi ngo" xe daung" , amyhao ngo" xe daung" bo mung: pin: yaung" lung: we'19 gyid: khyid azhaung bo: ke' ca" nae". – Ai: seim zaung we' ai: mau" vin vo; nae" jham we' tin" ra" zai acao jab re re: , seim zaung daung" zang nau" , vang" we' tin" ra" zang jham re re: gyid' yang kaid' ca" nae".20 Mo, byu qe li" qham nae" seim zaung mae dao: thao: ce' to" ra" jao: re kyae" to" pin: lung: taung gaung shaid' mae myi: tao" mae khyao za: theim" te' to: nae" tau: zhainlun: shi: re thaung" yu: ra" zhainlun: xau agyang" re Israel byu qe yu: li" genae"21 tau: ta" wa, . – Arun we' yao: zo: qe myi" mae" ru thao: ne, kao joe" sho' AsAng Mo"so: qhid' kheim: mae ai mau" zo" jham re nyhang" kin: na vegeshao:. Israel zo: qe aqae: qae: mae cao" ca" nae" dao: thang" ngaid: ra".