1 Ai mae" getau da gau: wa anyug pin lung: ano, , pin lung ane bin: lung: yang kaid' ra" Kherubim: lho de, ra" pin yaung" daxe lung yang seim zaung re kaid' ca"2 nae". – Pin: lung: dalam: aqhang shid' xe: she' daung" , apyi byid taung" bo mung: pin: lung: athao aqhang apyi dau ca"3 nae". – Pin: lung: ngo" lung: re xo' yang: dalam: khyo" khyab' qhain" pye' ca". –4 Pin: lung: jho" xo' ra" jao: mae akheim" jham re anyug ja: pin" yang kaid' ca" nae". Getau pin: lung: the: jho" xo' ra" mae re:5 ai we' dakhyo: kaid' ca" nae". – Pin: lung: mae akheim" ngo" xe re re: , getau pin: lung: jho" xo' to" jao: mae re: akheim" ngo" xe re , akheim" yao: cao: jho" zhaung: sho'6 kaid' ca" nae". – Hhang khyaung: ngo" xe re re: kaid' mung: pin: lung: jham re hhang khyaung" yang vhao" jao: ze, ke' yang: seim zaung dalam: za" khyo" kaid' ca" nae".7 Seim zaung mug: nghoe' nae" tau: getau: pin: lung: daxe: dalung: re caid'8 mug' yang kaid' ca". – Pin: lung: aqhang sam xe daung" , apyi byid daung" ngaid- mung: pin: lung: daxe: dalung: wa aqhang9 apyi jho" qi" ca" nae". – Pin: lung: ngo" lung: khyo" dalam: xo' khyaug' lung: khyo" khyab' xo' mung: khyaug' ein: ra" pin: lung: re seim zaung khaung thao mae10 nhe' zaui: to: ca" nae". – Jho" xo' to" pin: lung: the: ayae mae akham" ngo" xe re re:11 kaid' ca". – Gyig: khyaung: ngo" xe lam: re re: kaid' mung: akheim" jham mae vhao" to: ca" nae". Airu: xo' lao" za: ai:12 zaung wa dalam: za: boe" zai ngaid: . – Ai: adao: thao mae" pin: lung: ze: ra" agaung: kho' re wa seim zaung gin jhaung: shaid"13 khyo lao" khao" khyo" to: ca" nae". – Seim zaung athao thao mae za: jo; ra" pin: lung: aqhang shid' daung" re seim zaung dashaid' dathao dadaung" lao" khao" to: mung: ai: zaung re nghoe' mug' to: nae"14 tau: ngaid: ra". – Seim zaung mug nghoe' nae" tau: ane xug' to" ra" yao qid re re: , ai yao qid dao mae hhae aqid re re: kaid' ca" nae".15 Seim zaung kyae" zhaung: to: nae" jam no; sag' the: re re: kaid' ca" nae". –16 Sag' the: wa aqhang daxe daung" , apyi17 dadaung" dathu bo ca". – Ai: sag' the: alhab' mae khyid shid' lam: lam: jin za:18 kaid' te' to: ca" nae". – Seim zaung: qid bang: shaid' khyo kyae" nae" sag' the:19 shid' xe lam: re re: kaid' ca" nae". – Ai: sag' the: shid' xe mae" the: khao: ngo" o mae dalung: tau khyid shid' lam: ke' nae" tau: ngaui azhaung: byid xe lam: kaid' ca"20 nae". – Ai we' dakhyo: seim zaung: qid meim shaid' kyae" nae" sag' the: shid' xe21 jo, ca" nae". – Ai: sag' the: mae re: ngaui: azhaung: byid xe , dathe: mae shid' lam:22 de, ca" nae". – Seim zaung nhaung thao" mae kyae" nae" sag' the: khyaug' the: re23 re: , – ajheim ce shaid' thoe shaid' kyae" nae" sag' the: shid' lam: re re: kaid' ca"24 nae". – Tho' khyo o khyo akheim" re te' mung: te' te' za: ajheim shid' shaid'25 shaung: daung" ca" nae". – Sag' the: shid' the: , ngaui khyid zhaung: daxe: khyaug' lam: , dalung: mae shid' lam: lam: te' ca".26 Seim zaung tau kyae" nae" sag' the: mae thug' kyao" to: nae" jam no; sag' kyao" dashaid' ngo" yao: yao: kaid' ca" nae". –27 Seim zaung gin jhaung: shaid' kyae" nae" sag' the: mae thug' kyao" nae" kyao" yao:28 ngo" yao: re re: kaid' ca" nae". – Agaung: mae" kyao" yao: jham wa ajheim athao29 thao mae lo" kyab' pin" to: ca" nae". – Sag' the: jham re hhang: yang shaung yhaung" ca" . Kyao" yao: vhao" zaui: to: jao: hhang kheim" re re: kaid' mung: kyao" yao: jham re re: hhang: yang shaung: thab' pye'30 ca". – Bam dao mae nao re qhu" va" seim zaung we' yhoe' za" zaung kaid' ca" nae".31 Xo' yang: anyug pin: lung: , ano, pin: lung: , pin: yaung" yang kaid' , mung: Kherubim: alho te' to" pin: re khyab' ca"32 nae". – Hhang shain" to" ra" jam no; sag' zang byid zang: adao mae ai: pin: re khao" to: ca". Ai: zang jham wa hhang kyo' we' ngaui khyid azhaung: byid lam: bo: bo ca"33 nae". – Dao: thao: ce' ke' to" ra" bain" , re pin: lung: akyo to" ra" khug khyo vhao" nae" tau: ai: pin: lung: re hhang khyaung" yang lao" te' to: mung: shao gyang" qe, (Ha Ja) we' shao gyang" thao" qe, (Ha Ja Ha Jung) shid' lam" gyo: mae kyo: khyo" lao"34 khao" to: ca" nae". – Shao gyang" thao" qe, mae" dao: thao: ce' ke' to" ra" bain" adao mae bain" pyid' re nghoe' to: ca" nae". –35 Pin: lung: taung gaung mae zo: gai" re to" to: ca". Seim zaung: qid bang: thao shaid' mae myi: tao" zang re , qid meim: thao mae zogai" re jho" tau" qang yang: to: ca" nae" .36 Seim zaung kham: dung: kyae" nae" tau: anyug pin: lung: , ano, pin: lung: , ane pin: lung: , pin: yaung" yang kaid' mung:37 khu: bo: ra" pin: dalung: kaid' ca". – Ai: pin: lung: lao" khao: nae" tau: hhang: yang kaid' ra" kyo' we' hhang yang sheim" to" ra" jam no; zang ngo" zang re kaid' ca". Gyid; khyid azhaung: ngo" lam: re re: vhao" to: ca" nae".