1
Apyaid ato: AsAng Mo"so mho: ru wa2
Israel qe , – Ngo jhao" jhaung qhu" zai cao jab yu: li" ca" nae" jham re ta" kyo: wa, . Byid: nug: ra" myid: yang Ngo jhao" qhaug' ra" mo, mae" qhaug' ra" alu: jham nao3
khae: yu wa, . – Khae: yu nae" ra" jham4
wa , – Hhang , Ngaui , gyid: , Pin: nyhug lung: , pin: mo, lung , pin: ne lung: , pin:5
yaung" caid' mug' , – Ane xug' to" yao6
qid , hhae qid , jam no, sag' – Gyaid ja: xau khyo" ci nae" tau: , nae pyo" ja: phaid' ngaui" nae" xau , myi: theim: nae" xau , –7
Ne sham laug (Shaphain:) , jaung yin" pho" kayhoe" qhang we' qao bao" mae nyhang" jao: ve, nae" laug aja: ja: re khae: yu wa, . –8
Ngo naohaung" mae vao: na: na nae" tau:9
shao gyang" ra" qe, kaid' ge, .– Ngo qhu" va" seim zaung lho we' ai: khug mae" zai acao ajab jham re kaid' ca" nae".10
Aqhang shid' daung" dathu apyi dada- ung" dathu , no, khyo dadaung" dathu bo: ra" bain" re jam no; sag' yang kaid' mung: , bain" akhug adao hhang gyang" yang11
sheim: ca" nae". – Bain" dao lhang" gam: re nyhang" daung" nae" hhang zai re re:12
kaid' yu ca" nae". – Hhang byid kheim" re re: kaid' yu mung: bain", byid jheim mae damyo, nho shid' kheim" kheim" te' ca"13
nae". – Jam no, sag' yang dao kang re re: kaid' mung: hhang: yang seim" yhaung"14
pye' ca". – Bin lao" bain", vo; nae" tau: mhothao cethao hhang kheim" yang jhui:15
lhaung" to: ca". – Ai: dao kang re re: bain", hhang kheim" khug mae" mashe: pye' lo:16
khyao za: vhao" to: ca" nae". – Ngo byid' ra" dao: thao: ce' re ai: bain" khug mae ke' to: ca".17
Aqhang shid' daung" dathu , apyi dadaung" dathu bo: ra" bain", nghoe'18
re re: hhang: yang kaid' ca". – Hhang Kherubim: shid' lam: re re: bain" pyid' dao mae aqhang thoeshaid' ceshaid' mae19
kaid' te' to: ca" . nae". – Cethao Kheru- bim: dalam: , thoethao khyo Kherubim: dalam: kaid' to: wa, . Ai: bain" dao mae" ai: athao shid' shaid' tau Kherubim: shid' lam:20
naonhaung" kaid' kai" to: ca" nae". – Ai: Kherubim: shid' lam: geim" myo, khung: jho" qang mung: bain" pyid' khyo myo, nho qang zo" , Kherubin daung lao" phye: ci mung: ai: bain" re nghoe' gam: to: ca"21
nae". – Bain" nghoe' re: bain" gaung mae nghoe' to: ca" nae". Ngo byid' ra" dao: thao: ce' re re: bain" khug mae ke' to: ca" nae". –22
Ai: jo, qo mae Ngo nao we' jho" qhug' mung: dao: thao: ce' to" ra" bain" nghoe' adao , Kherubim: shid' dau" gyo: khyo" nao re jhau yang: Israel byumyu" qe re zhao: kyo: nae"dao: jham ta" nae".23
Aqhang shid' daung" , apyi dadaung" , amyhao dadaung" dathu bo: ra" gai" re re: jam no; sag' yang kaid' mung: hhang:24
yang shaung yhaung" ca" nae". – Gai" dao lhang" gam: mae yhaung" to" hhang zai25
acao re re: , – apyi lo, danghoe' bo: ra" phyid' cui: re re: , phyid' cui: athao ayae lhang" yang: hhang: yang shaung yhaung"26
ca" nae". – Hhang kheim" byid lam: re re: kaid' mung: khyid byid lam: tau mae zo: gai" ajheim byid khyug mae ai: hhang kheim" re te' to: ca" nae".27
Zogai" vo; nae" tau: ai: gai" phyid' cui: ze: jo; athao mae hhang kheim" re te' to: mung: ai: mae dao kang vhao" zaui: to: nae"28
tau: ngaid: . – Zogai" dao nae" tau: jam no; sag' dao kang re kaid' mung: hhang: yang29
shaung yhaung" yu ca" nae". – Zogai" dao mae to: nae" bain , gaung: nau" , thaung: lhao: , vhe' sheim: nae" keim jham re re:30
hhang: yang kaid' ca". – Nga" qhid' kheim: ai: gai" dao mae khyao za: caung da" qhu" to: nae" cin main" re to" to: ca" nae".31
Myi: zhaung jao: tao" re re: hhang gyang" yang kaid' mung: myi: tao" zang ai re ano: akaung jham , khug' jham , lhang" ce' jham , qid maui: bin: lho jham re32
dalhang: dae bobaung" be; te' ca". – Myi: tao" zang dashaid' khyo akaung sam lam: lam: thug' nhao mung: akaung alo, khyaug'33
lam: bo ca" nae". – Myi: tao" zang mae" thug' ra" akaung sam lam: athao thao mae qid maui: bin: lhang" ce' we' daga" ba: tam: shi: we' yhoe' za: ngaid: ra" alho khug' sam34
lam: bo: bo ca" nae". – Myi: tao" zang mae re: qid maui: bin: lhang" ce' we' daga" ba: tam: shi: we' yhoe' za" alho khug' byid35
lam: bo ca" nae". – Myi: tao" zang mae" ko' ra" akaung khyaug' lam: bo: ru we' dakhyo: akaung thao aqao: mae lhang" ce'36
dalam: lam: bo ca" nae". – Ai lhang" ce' jham we' ko' ra" akaung jham re dalam: za: kaid' mung: myi: tao" zang gaung geim" re37
hhang gyang" yang kaid' ca" nae". – Myi: dam nhaid' lam: re re: kaid' yu ca" nae". Gai" re bao nhao nae" tau: ai myi: kaug'38
re theim: ca" nae". – Nye, zai" we' nyhae" zaui jao: khug' re re: hhang gyang" yang39
kaid' ca" nae". – Myi: tao" zang we' ai mae ca" ra" zai acao re hhang gyang" daxe khug'40
yang kaid' ca". – Bam dao mae nao re qhu" va" alho we' yhoe' za: qo" kaid' nae" tau: lha" yang: zaui: so: wa, .