1 AsAng Mo"so: yang dam: mho: ru wa nao Arun , Nadab , Abihu we' Israel kao qi: va" mo, nhaid' xe yaug AsAng Mo"so jhao" do, lo" mung: yao: bam va: va: mae"2 pa" kug' na geshao:. – Nao yao: za: AsAng Mo"so mae qui" te' ye: ca" nae". Mo, je byu magai: qui" te' li". Byu qe nao we' daga" magai: do, li" nae" ga: Moshe re mho: ra". –3 Moshe re: byu qe na: ko" khyo ye: mung: AsAng Mo"so: dao: kheim: alhab' re re: , mho: ke' va" tarha" alhab' re re: ta" kyo: lao" byu qe wa AsAng Mo"so mho: khyo: ngonhaung" zaui: so: nae" ga: dathoe za:4 dam: phaug' tau" ako". – Moshe wa AsAng Mo"so: dao: kheim: jham bin: tung" to: thao ne, seim no' to" mung: bam khyid mae phain re re: , Israel byumyu" daxe: shid' nyaug khyo" cao" yang: laug baui daxe;5 shid' zang zhaug' ra". – Israel zolau: qe re yao: nhao: ke' ru we' dakhyo: yao: bam nung: jham she: li" mung: AsAng Mo"so: tau: phaid' ngaui" xeim: , zam" khug' xeim:6 qhaug' byid' ako". – Moshe re: sa: agaung: dano" re thaung: lhao: mae ke' mung: agaung: dano" re phain mae pyi" sin" ra". –7 Dao: thao: ce' khye' re yu mung: mo, byu qe: qhid' mae bin: nghe' kyo: lao" yao: bam wa AsAng Mo"so mho: to: va" we' dakhyo: ngonhaung" cao" naeva". Tae" gyo: naeva"8 ga: ta" ako". – Moshe re: sa: re yu mung: byu qe: adao mae pyi" sin: zo" ce: sa: wa ce: mau" zo" jham mae AsAng Mo"so khae: yu nhag' dag' va" ra" dao: thao: ce' sa: ngaid: ra" ga: ta" ra".9 Ai: au: Moshe , Arun: , Nadab' , Abihu we' Israel kao qi: va" mo, nhaid' xe do, lo"10 mung: , – Israel byumyu" qe: AsAng Mo"so re myao: ako". Yao" khyid o mae laug ne: yang shain" yhaung" to" ra" laug thin ru: , bao qhi: ra" mug: gaung: myo, nho ru: the'11 myao: ako". – Israel qe: zug: ade, qe re qobo mabyid: ngaid: ra". Yao: bam AsAng Mo"so re the' myao veko" qere: zo: shaug' yang: na: bam: ako".12 AsAng Mo"so re: Ngo na ra" bam dao lo do; na: wa, . Byu qe re mho" kyang: nae" tau: laug pye: dao mae Ngo tung" to" ra" dao: thang" jham re nao re Ngo qhaug'13 byid: nae" ga: Moshe re mho: ra". – Ailao" Moshe we' yao" bao" thaug' Yoshu' to" mung: AsAng Mo"so: bam dao khyo do,14 lo" ako". – Kao qi: va" mo, re re: naon- haung" jhao" ngo tao madam: gyo" lo lo wa ce: jo, qo mae lao" na ge, . Arun we' Hura tao naonhaung" we' daga" bo: na mung: khag' pe" ru" mau" thug' lo qere: yao: tao15 jhao" ye: ge, ga: mho co' ra". – Moshe bam dao do, lo" mung: jham thaui: wa dabam:16 geim" re nghoe' gam: yu: ra". – AsAng Mo"so: phung bao mo" wa Sina' bam dao mae ug: joe" li" mung: jham thaui: khyaug' ba lam: lam: nghoe' to" ra". Nhaid' ba ein: ba re jham thaui: akhug mae" thoe thug'17 lo mung: Moshe re li" yao: ra". – AsAng Mo"so: phung bao mo" wa bam dao mae nga" na: ra" myi: ru: bao: na: ru re Israel18 qe myao: ako". – Moshe jham thaui: khug khyo vao lo" mung: bam dao mae byid xe myi byid xe ba lo" na: ra".