1 Madang: ra" lau dao: nao magai: hau: nae". Makhyang" mo, we' daga" madang:2 ra" sagso: dabo: kaid'. – Magai: mau" zaui: nae" byu myo" ra" shaid' khyo dabocao". Mau" ta" re jo: ru phyo' nae" tau: byu myo:3 shaid' khyo dabode; qin". – Sho: jhin yaug re re: yao" mau" zo" re magai: qhaung nae".4 Nao gyevo myao: , mung: khyo nghung: nghung" ru the' myao: re dang5 dang lo" dai" byid: ca". – Nao re gyid' yaug myao: kya: qovin we' daga" lang" jo; ru the' myao: ngaid: re manug: bao" qere: dang dang bao" yu ca" nae".6 Nao mae sho: jhin yaug mau" thug' ngaid: re madang main" khyo" yao: re mau"7 magai: ta" byid: nae". – Madang mamain" mau" re jao" lha" ra" qobo mabo su , dang main: su re magai: se' nae". Pe" mung: ga" re Ngo wa madang main: mo, re qobo8 malhoe'. – Nao khug vag: magai: zo: nae". Khug' vag: wa ju yi bo mo, myo, re go nhao mung: dang main: mo; dao: re phaug' lhag'9 pye' ba: ako". – Gemang: din" bang" vo re magai: nhaung" khoe' nae". Naonhaung" Egutu mang: mae bang" vo boe" qu" veko" ru mung: bang" vo: nhag' lam: ali re ba veko".10 Khyaug' zin lam: lam: yo thaung: kaid'11 mung: qhovo: ashi: jham" yu ca". – Nhaid' zin lao" yo thaung: mazaui: lo: akeim to" to: ca" nae". Airu: lao" naonhaung" amyu" sho: jhin mo, qo" the' zo: nae". Dang: ra" jham wa gug' nyhug' qe qhug' zo: genae" ngaid: . Ai we' daru: za: sabyi' khyae , Zhainlun:12 khyae jham re to" to: ca" nae". – Khyaug' ba lam: lam: mau" zaui: ca". Nhaid' ba: ba re yaug yo za: dug no: ca". Airu: lao" za: ni" nung: , myao: jham sae za: qo" na: tae" jo, genae". Ni" daui mung zoshao qe , bang"13 vo qe re myaung: qo" tae" yu nae". – Ngo khang" to" dao: thang" re lha" na ge,. Getau so: mang khyao re damho' dayao ge, . Ni" nhaid' mae" ta" myhang" thoe su khag' re: mathe' gyo: veshao: .14 Dazin re sam lhang Nga" tau: poe kaid'15 ca". – Ngo pin: to: va" we' dakhyo: Abi khye' re Azuma poe kaid' mung: nhaid' ba lam: lam: bai" phaui: mabo: cin main" re zo: ca" nae". Pe" mung: ga" re ai: khye' mae nao Egutu mang: mae" thug' lo: ru ngaid: . Ai: poe kaid' lao" Nga" jhao" khag' re: lo,16 keim magai: li". – Yo kaid' mung: qhovo: jham" qhid yo, re jham" yu poe re re: , yo kaid' mung: qhovo: zhag' qaung: yo, zin thao" lo" yo, re zhag' qaung: poe re re: kaid'17 ca". – Naonhaung" mae" yaug gai alhab' bam: da zin re sam lhang AsAng Mo"so: qhid' kheim: myo, khung: ye qhu" ca" nae".18 Nga" xeim: dau" sa: re bai" phaui: bo: ra" cin main" we' magai: lhag' ngaui" nae". Nga" xeim: dau: xau thaung: re thao: ba19 ne, seim joe" sho' magai: tang" to: . – Ni" myid gaung mae sao qhid' zaui" ra" qhovo: qhoshi: gai: thao" gu: ni" AsAng Mo"so: yham khyo yu: vhao" ca" nae". Caid' nau" re yao: myhi" nug' qang: yang magai: yhaung".20 Qu" wa, khyo mae nao re lhaug' zaung" mung: Ngo nyhang" to: byid' jao: khyo jhui" lo" nae" tau: ni" qhid' kheim: mae mug:21 logyo: nhao: ke' va". – Ai logyo: re gelho: za: kaid' wa,. Yao" dao: kheim: re tae" gyo: ge, . Daha dangag ge, . Naonhaung" shaid' nghung" ra" qobo yao: malhoe' byid: . Nga"22 mang kheim: yao: mae bo: ra". – Gai gai: dang za: nao yao" dao: tae" gyo: mung: Nga" khang" dao: cao" ngaid: re , ni" gye jham re Ngo gye kaid' nae". Nao re tam" kyo" yaug23 re Ngo tam" kyo" nae". – Nga" logyo: wa ni" qhid' kheim: mae su: mung: nao re Amori byu , Hiti byu , Pherezi byu , Khanani byu , Giragashi byu , Hivi byu , Yebuti byu qe na: khyo jhui" vhao" ke' mung: yao: bam24 re qab: pye' nae". – Yao: bam: mo"so re dagoe; pa" ge, . Yao: bam cao" ra" lam khug li dacao". Yao: bam re jhaid' za: sham" pye' mung: lho yhe' so jham re re: khyag'25 mhain" pye' ca" nae". – Naonhaung" AsAng Mo"so apyaid ato: AsAng Mo"so re za: pa" kug' ca" nae". Ni" cin main" mae re , qid mae re: min vhin" byid: nae". No qam" jham re re: nao mae" yu: lhaui" pye' byid:26 nae". – Ni" mang: mae no shaid' shaid' ra" daui nam , bug daung: boe" ra" daui nam mana nae". Ni" kao Ngo lhoe' byid:27 nae". – Ngo re ba: gyaug nae" myid ni" qhid' kheim: Ngo nhao: ke' mung: nao joe" ye" ra" jao: khyi" khao: ngo" mae" byu qe re: Ngo phyo' lhaui" pye' nae". Ni" gyevo alhab' re naung phaug' lhang: pye' byid: nae". –28 Tau mo" jham ni" qhid' au: khyo Ngo nhao: ke' mung: yao: bam wa Hivi byu , Khanani byu , Hiti byu jham re ni" qhid' kheim: mae29 khe' pye' byid' li" genae". – Ai: byu jham re dazin mae za: Ngo khe' thug' pye' nae" mangaid:. Airu: kaid' lao" mang: din" cae: jhug tag boe" mung: zoqhid jham byang"30 ug: byaug nae". – Nao myo" laug: lo mung: damang" geim" byang" sho' qo" vao: na: lo" ra" ba joe" nae" yao: bam re ni" qhid' kheim:31 mae" zo" zo" re" khe' thug' pye' nae". – Ni" na jao: kyo: dam: re Edom qid mang: mae" Philisti qid mang: joe" sho', seyo mae" ru qid dae mo" joe" sho' Ngo to" to: byid nae". Ai mae na mo, re ni" lo, mae Ngo qhaug' byid: mung: nao khyo" khe' thug' ca"32 nae". – Yao: bam we' re: , yao: bam: mo"so33 we' re: , nao magai: zam" khug'. – Nao Ngo re qobo kaid' shaid' nae" tau: yao: bam zaui" qhu" lo: li" genae" ru mung: yao: bam ni" mang: mae magai: bo na nae". Nao yao: bam: mo"so re pa" kug' lao" tha" lang: jao: dang dang ngaid: byaug nae" ga: Moshe re mho: ra".