1 Byu wa yao , nung: re khug' mung: se' pye' ru ngaid qere: , aung" pye' ru ngaid qere: , nung: dadau" atha" ngo" dau: re re: , yao dadau atha" byid dau: re dam: xe' ca"2 nae". – Khug' yaug su: yham re kyaung" thaid' na: ru su myao yang: shid sho' se'3 qere: xao au: yug: makhyug' ca". – Ngaid qere: ba thug' va" lao" wa xao au: khyug' ca" nae". Pe" mung: ga" re dam: xe' ca" ra" khyo bo: ra". Yao: mae getau pe" re: maqo" ngaid: re yao: khug' ra" zai: atha" yao"4 gaung aung: ca" nae". – Khug' yaug: lo, mae khug' yu: ra" nung: , yao adaui dam: qhug' ngaid: re shid' nho" dam: byid: ca" nae".5 Su: yo thaung: , sabyi' khyae mae yao: yao" gug' nyhug' ye zam: mung: the' zho" pye' ngaid: re yao: yao" yo thaung: , sabyi' khyae mae" lho" thao" ru re yu yang: dam: xe' ca" nae".6 Myi: ngha" ke' yang: myo, gae: yang ada" zo, nga" du: lo" yang: gaug gae , gaug bam yo mae jo; ra" jham zao" nga" ngaid: re myi: ngha" yaug dang dang khyug' ca" nae".7 Byu dayaug yaug yao" yham kyo: cao: mae hhang zai , mangaid: lao" jo, nho" daja: ja: ye: zam" to: nhao mung: ai: zai zam" to: yaug yham mae" khug' lo" byaug yang: ai khug' byu re qo" qhug' myao:8 ngaid: re shid' nho" xe' ca" nae". – Khug' byu re madam: qhug' ngaid: re yham sang wa yao: yao" yham kyo: cao" jo, nho" zai re zao" yu: lo" i" , mayu i" , ein: AsAng Mo"so: qhid' kheim: mae ye jho" pha: myid' qu"9 ru qhug' ca" nae". – Su: zai malam" makho mung: ra" nung: , myao: , yao , ve, mai xug' khye' byaug: ra" zai daja: ja: myao yang: ce wa nga" re" ngaid: ga: dayaug yaug mho: ngaid: re wa zai zam: yaug we' yao: tao shid' yaug: geim" AsAng Mo"so: qhid' kheim: mae ye jho" pha: kho' myid' ca: qu" mung: mau" mata" aung seim" ra" yaug wa shid' nho" xe' ca".10 Byu dayaug yaug yao" yham kyo: cao" yo mae myao: , nung: , yao , gug' nyhug' daja: ja: zam" nhao to: mung: ai gug' nyhug' shid: byaug ngaid qere: , the' no: to" ru ngaid qere: , sagso: mamyao su keim" lo"11 byaug qere: , – Zam" to: qhug' ra" yaug wa nga" yham kyo: cao" jo, nho" re ngo mayu ein: shid' yaug myid vang" za: AsAng Mo"so: qhid' kheim: jham tang" ngaid: re zai sang wa jham tang" khyo: khae: yu ca". Zai zam: khae: yu ang yaug re: maxe' ca". –12 Ai ngaid qere: su khug' lo" ru re wa zai zam: khae: yu yaug wa zai sang jhao" dam: byid:13 ca". – Zoqhid' bin" se' ngaid: re sag se boe" shao: mao re qhu" ca". Qo" qhu" ngaid: re14 maxe' ca" nae". – Byu dayaug yaug yham kyo: cao: mae daja: ja: ngho: yang: zai sang mabo lo: shid qere: , zai" nho qere: , dang15 dang xe' ca" nae". – Zai sang bo: ngaid: re kam" wa ngho" ra" yaug maxe' ca". Aphug' gau: yang ngho" ngaid: re zai sang wa gau jho re za: agai: mho' nae".16 Su ma ein" to: shi" zomyi: re yaug gai zo: mhai" yu mung: gaung shaid' ngaid: re dang dang phug' ke' mung: yao: re yao:17 myi: khyo" vhin" yu ca" nae". – Myiqe" yao: pho" mabyid: nug re wa phug' ke' nho" ngaui khyug' ca" nae".18 Jain: zaui" myiqe: re kao dadaui nhao: to: .19 Gug' nyhug' we' phavae mau" zaui" ra" yaug wa se' pye' ru dang dang khae: yu ca".20 AsAng Mo"so mae" lai yang: getau so: qhid' kheim: mae xeim: ye ngaui" ra" yaug wa shao" shao" phyo' shaung: pye'21 ca" nae". – Damang: da din" zo: qe za: ngaid: ru mung: bang" vo re anhaung" akhoe' magai: kaid' . Pe" mung: ga" re naonhaung" Egutu mang: mae bang" vo22 boe" qu" veko". – Myhi" pho" mana lo" zoshao qe we' cug' mo" qe re naonhaung"23 da-aung zo: danhaung" khoe' ge, . – Aung zo: nhaung" khoe' ru daja: zao" kaid' yang: yao: bam: Ngo jhao" mavai" zo: hug' yao: ke' re Ngo ai: thoe dang dang the' gyo:24 mung: , – Ngo nhag' gyai yo" lo: ru we' naonhaung" re shae: yang se' pye' nae". Naonhaung" myiqe: qe wa cug' mo" boe" mung: zo: qe re: myhi" pho" mana lo" cug' zo: boe" byaug genae".25 Nga" byu ngaid: ra" sho: jhin su: yham kyo: cao: mae" nao ngaui jhid' re , ngaui jhid' zo: yaug ru: yao: re dakaid'. Gau jho26 kai" laung: damho'. – Yham kyo: cao: yao" mai pho' nao mae li" paung: to" ngaid: re mug: macaid' shi: re dam: byid: ca" nae". –27 Pe" mung: ga" re getau ve, nae" majo, lo: ngaid: ra". Yao: pe" ve, yang: ba: yab nae". Ngo re hug' yao: re Ngo the' gyo: mung: Ngo re: yao: re nhag' khyag' ra".28 AsAng Mo"so re nao ma gai gaui nae". Ni" byumyu" nao re ug: gam yaug re magai:29 nhang: . – Sao qhid' mhang" ra" ashi: , sao qhid' jhab' ra" aqang: re makhug' qaung" to: lo: qhaug' ca". Sao qhid' khau: ra" yaug gai re re: Ngo jhao" qhaug' byid: ca". –30 Yao , nung: jham re re: ai we' dakhyo: kaid' ca". Nhaid' ba lam: lam: yao , nung: nau" re yao: myhi" we' daga" nha mung: she' ba31 ein: ba Ngo re qhaug' ca". – Naonhaung" Ngo mae shao gyang" ra" mo, boe" ca". Seyo mae zoqhid bin" se' ra" sho: magai: zo: , lakha: jham re pye' zho" pye' ca".