1 AsAng Mo"so yang re: ce wa nao: yang Israel qere sho' kyo: ca" tarha" ngaid:2 ra". – Hebre amyu" jeim re vai: ngaid: re khyaug' zin za: jeim agai: toe' nae". Nhaid' zin joe" lao" yao" gaung tau: aphug' mayu3 lo: nhao: ke' ca" nae". – Aqhid mae" yao: za: ngaid: re wa yao: za: thug' ca" nae". Myi: lao shid' yaug ngaid: re wa shid' yaug:4 geim" thug' nhao: ke' ca" nae". – Airu: mangaid: jeim sang byid' ra" yao: myi: na mung: ai: myiqe: zo: khau myhung: re yao: myi: we' zo: re kam" wa jeim asang dam: sang: yu: pye' ca". Jeim ein nae" yaug za: agai: thug' nae".5 Airu: mangaid: lo: jeim wa nga" asang we' nga" myi: zo: re ngo jhid' ra". Manug: thug' lo" ga: sho' za: mho: ngaid: re wa , –6 Jeim sang wa AsAng Mo"so: qhid' kheim: khyo re: , yham kham: qhid' kheim: khyo re: jhui" ye: mung: no: khye' re deim" yang thung" phung" byid: ca" nae". Ai: jeim re:7 apyaid ato: jeim ngaid nae". – Yao: pho" yang yao: zo: myiqe: nau" re jeim khyo" aung" ngaid: re ai: myiqe: wa jeim yaug8 gai: ru: nhao: ke' zai mangaid: . – AsAng wa ai: myiqe: re yu mung: ma-o lo: lao" dam: she: yu nae" akhang" byid: ca" nae". Yao: re ju" phyo' pye' mung: mo, je byumyu" qe jhao" aung: nae" akhang"9 maqo". – Yao: yao" yao: zo: we' byid: zho" re kam" wa yao" dau mo" ru: caung gam10 ca". – Getau: myiqe: dam: paug' yu qere: sao qhid' mae" myiqe: re zo: shaug , ve, mai xug' khye' , lazam" lakhug magai: qu"11 khyo" nae". – Ai sam ja: re maqo" gam ngaid: re wa yao" tau: aphug' mamho' lo: nhao: ke' ca" nae".12 Byu re shid sho' se' ra" yaug wa shid se' se' ru dang dang khae: yu ca" nae". –13 Shid sho' se' nae" thaug ga: mamyid: to" ru yao" lo, mae AsAng Mo"so: yang byu: kao qhaug' to" ngaid: re wa phao: loe, nae" jao: Ngo nyhang" to: nae".14 Yham kyo: cao: re se' nae" ga: myid: zag: to: mung: aung sho' se' ra" yaug re kam" wa Nga" ngaui phain qao: mae li" khug qere: she: jhui" yu mung: se' pye' ca".15 Myhi" pho" re se' ra" yaug; wa se' ru dang dang qhug' nae".16 Byu re khug' ra" yaug wa aung" ru ngaid ngaid , yao" lo, mae nha: to" ru: ngaid ngaid , se' ru dang dang qhug' khae ca" nae".17 Myhi" pho" re nhang: kheim: ke' ra" yaug dang dang se' ru qhug' khae: yu nae".18 Byu yao: cao: jho" byo, mung: dayaug wa byin cao: re laug baui yang ngaid: re ngaid: , lo, zhab' yang ngaid: re ngaid be, qhug' ra" yaug mashid qere: yab jao: mae19 no: lang" jo, ngaid qere: , – dam: to" li" mung: zaung: bao" yang qo" su" qin" ru ngaid qere: , be, ra" yaug re qobo lhoe' ca". Ai ngaid qere: no: ra" yaug mau" gyo kyo" va" ru mung: ngaui byid: yang: yao: re gelho: no pho: yu ca" nae".20 AsAng yaug yang jeim yaug gai , myiqe: re thao: khyaung" yang be, mung: ai: jeim: shid: byaug ngaid: re jeim sang wa qi" ra"21 dae the' phau: nae". – Ai ngaid qere: jeim wa daba shid' ba no yang: mashid lo: gai: lo: re wa jeim sang wa ai: jeim re sang: ru mung: dae phau: nae" mangaid: .22 Byu yao: cao: jho" byo, yang zo: gaung la" ra" myiqe: re zao" thaung" mung: zo: gaung qeim" shoe' pye' ngaid: re , getau: dae made, ngaid: re ai: myiqe" yao: lao mho: khyo: dae khae: yu ca" nae". Tarha" ade, qe ta" phyid' byid' khyo: ngaui re: xe'23 ca" nae". – Getau: no boe" ngaid: re: wa kao: qhid' mae" kao re re: , myo, jid' qhid24 mae" myo, jid' re re: , – zaui qhid' mae" zaui re re: , lo; qhid' mae" lo, re re: , –25 khyid qhid' mae" khyid re re: , myi: nga" ra" tau: mae" myi: nga" ru re re: , jaid; ra" dae qhid' mae" jaid ru re re: , dae khu: tau: mae" dae khu: re re: yu ca".26 Jeim sang wa jeim yaug gai , jeim myiqe: myo, jid' qeim sho' be; re myo,27 jid' qeim: ru tau: lhoe' byid: ca". – Ai we' dakhyo: jeim yaug gai , myiqe: zaui re gyug: sho' be, re zaui gyug' ra" tau: lhoe' byid: ca" nae".28 Nung" yang byu myiqe: , yaug gai re thaung: yang: byu shid: ngaid: re nung: ai re laug baui: yang dang dang pye' se' ca" nae". Sho: re: magai: zo: . Nung: sang re29 kam" wa qobo lhoe' ca" nae". – Ai we' dakhyo: lai: lo" va" yo, nung: thaung" ra" akhyo nung: sang qo" ba qere: mataui: lo: nhao: lhae" to: yang: nung" yang yaug gai , myiqe: re zao" thaung" se' pye' ngaid: re ai nung: re laug baui: yang pye' se' ca" nae".30 Nung: sang re re: se' pye' ca" nae". – Airu: mangaid: lo: ngaui: yang khyug' wa, ein: ta" byid: re ta" phyid' khyo: yao: yao" kao31 khyi nae" tau: aphug' byid: ca" nae". – Su: yaug gai myiqe: zo: qe re thaung" ngaid: re ta" phyid' ru we' dakhyo: khae: yu ca"32 nae". – Jeim myhi" jeim pho" re thaung" ngaid: re kam" wa nung: sang: yang jeim sang re ngaui sam xe kye' khyug' ca"33 nae". – Byu dayaug yaug dung: khung: phung" to" ru ngaid ngaid , dung: khung: dau: yang: manghoe' lo: to" ru ngaid ngaid , su: myao: , nung: jham ai dung:34 khung: mae byid: gyo" ngaid: re , – dung: khung: sang wa myao: , nung: ai gyo" ra" dau" aphug' khyug' mung: mao re yu pye' ca" nae".35 Dayaug yaug: nung" yang su: nung: re shid sho' thaung" ngaid: re nung: sang shid' zo: wa kao daui: na: nung: re aung: mung: qo" ra" gau aphug' re jho" gae: yu ca" nae". Shid: ra" nung: re re: jho" kho' gae: yu36 ca". – Ai we' dakhyo: nung: dadau: dau: lai: lo" va" yo, thaung" ra" khyo nung: sang ba gau gau mataui: mazaung" lo: nhao: lhae" to" ngaid: re shid: lo" re shid: ra" nung: re yao: sang: pye' ca" nae". Ai: nung: dadau" atha" dadau: dang dang khyug' ca" nae".