1 AsAng Mo"so: yang mho: ke' ra" dao: kheim: jham ein nae" ru wa ,2 Ngo wa naonhaung" jeim toe' qhug' khae: na: Egutu mang: mae" jhui" she: thaid' lo va" naonhaung" ra" AsAng Mo"so ngaid: .3 Ngo mae" je yang: getau so re dagoe, pa" ge, .4 Tho' mug: gaung: mang: , o: gye, myid gaung: mang: , myid gaung: o: zhao" qid mang: gu: mae na: jo; ra" ja" so alho we' dau: ra" lho yhe' re ni" tau: dakaid', dagoe;5 pa". – Pe" mung: ga" re ni" AsAng Mo"so Ngo apyaid ato: AsAng Mo"so wa qhaung: ra" AsAng Mo"so , Ngo re gyid' mo; akaung aboe: re pho" qe: qobo , zo: qe: ban: sam xag' , byid xag' joe" dae byid: ra" AsAng6 Mo"so ngaid: . – Ngo re jhid' mung: Nga" khang" dao: re cao" ra" amyu" aboe: re wa taung tug joe" sho' nhag' khyag' nhag' myain" ra" AsAng Mo"so ngaid: ra".7 Ni" AsAng Mo"so apyaid ato: AsAng Mo"so: mang kheim: re akeim aje damho dayao wa, . Pe" mung: ga" re mang kheim: re akeim aje mae mho: ra" mhug' yao: ra" yaug re qobo mangaid: ga: AsAng Mo"so: yang myid: yu: ru mangaid: .8 Dug no: ba re shao kyang" nae" tau: ai:9 so: ne, ba re myid: beim: wa, . – Khyaug' ba lam: lam: mau" zo" acao jab re qam: ke'10 zaui: so: wa, . – Nhaid' ba ein: ba wa ni" AsAng Mo"so: dug no: ba ngaid: . Ai: ba re nao we' ni" zo: qe , jeim myhi" jeim pho" , gug' nyhug' , ni" yham kham: akhug mae na: ra" bang" vo jham mau" magai: zaui: . –11 Pe" mung: ga" re AsAng Mo"so wa mug: gaung , myid gaung , qid dae mo" , khyi" khao: ngo" mae na: ra" alhab' re khyaug' ba: gu: mae phain" to: mung: nhaid' ba ein: ba re sae za: dug no" ra". Ai mung: AsAng Mo"so wa nhaid' ba ein: ba re min byid: mung: shao gyang" nhao: to" ra".12 Ni" AsAng Mo"so byid' to" mang: mae ni" kao qhang nae" tau: ni" myhi" pho" re phug' na wa, .13 Byu: kao da se'.14 Su: myi: dashaid'.15 Su: zai dakhug'.16 Nao we' tin: te' yaug: dashaid' mae madang main" sagso: dakham: .17 Nao we' tin: te' yaug: yham re myo, nyaid o: byid: ra" nhag' lam: dabo. Nao we' tin: te' yaug: yao: myi:, yao" jeim , yaug gai , myiqe: , nung: , myao: mae" du nao we' tin: ra" yaug: jo, nho" daja: re re: myo, nyaid: ra" nhag' lam: dabo ga: mho: ra".18 Byu qe lhe' caid' vhag ga: mug: dam: dam: thoe , labo" myang thoe , bam mae myi:khug' dang: mo" thug' lo: ru jham myao ko" au: gyaug gemung: qui" lo"19 yang: va: mae ye; na: ako". – Yao: bam wa Moshe re ngonhaung" re nao lam: amho wa, ngonhaung" tae" gyo: byid: nae". Ngonhaung" re AsAng Mo"so yao: wa mata" shao: . Ngonhaung" shid: byaug20 nae" ci" ra" ga: zhao: ako". – Moshe re: dagaung yug daci" ge, . Naonhaung" re lag yu: qu" nae" tau: re: , naonhaung" shaid' ru ma jo, lo: yao: re gyaug phug' genae" tau: re: , AsAng Mo"so gyo" li" ava" ga: byu qe re21 mho: kyo" ke' ra". – Byu qe re: va: mae ye; na: ako". Moshe kam" wa thau: no; mug: caid' jao: AsAng Mo"so na: khyo qui" te'22 ye" ra". – AsAng Mo"so re Israel amyu" qe re lo" zhao: kyo: nae" dao: kheim: jham re mho: kyo" ra". Ngo wa mug: gaung mae" naonhaung" re li" jhau: ru naonhaung" qo" the' myao veko".23 Ngo re pa" kug' ra" li mae yao: yao" tau: ngaui so , hhang so re dakaid' ge, .24 Nga" tau: mae" myid zhai: phain zhaug' ca" nae". Ai: phain dao mae nao ngha" nhae" ra" xeim: , zam" kug' xeim: ein: nae" ra" ni" yao , nung: jham re xeim: qhaug' ca" nae". Ngo na jao: we' Nga" mang lao" ra" jo, qo khao: ngo" mae Ngo nao jhao"25 joe" li" mung: nao re min byid: nae". – Nao wa laug phain re Nga" tau: zhaug' ngaid: re kyaung" mhai" yhaung" pye' va" laug: yang magai: zhaug' nae". Jo, to' jham bo: ra" ja" yang kaid' ra" phain wa ca' pho: ngaid:26 ra". – Ai phain dao mae ni" qho' ja: maze: thug' li" shao: zam thao khyo" magai: do, ga: mho: ra".