1 Israel byumyu" qe Egutu mae" thug' lo thao lho" mo" sam khye' yang daba ein: ba2 re Sina' seyo mae joe" ako". – Rephidim mae" thug' lo yang: Sina' seyo joe" mung: ai: seyo mae" Sina' bam qao: mae lo byaung"3 na: bam: ako". – Ai: tau Moshe AsAng Mo"so jhao" do, lo" mung: AsAng Mo"so re: ai bam mae" khai: yu mung: ta" shid' ru wa Yaku' yham byu , Israel amyu" qe re nao ce4 ru: ein: ta" kyo: ca" nae". – Ngo Egutu byu qe mae zaui" qhu" va" jham , naonhaung" re zeim baung: daung vho' yang vo; jhui" lo mung: Ngo shaid' khyo naonhaung" re jhui" shid' lo va" akhyo jham naonhaung"5 qo" the' myao veko". – Airu: mung: naon- haung" ana" Nga" dao: dang dang tae" gyo: mung: Nga" khang" dao: cao" na ko" ru getau: byu qe tho' mae naonhaung" wa Nga" jo, nho" dai kham boe" genae". Myid gaung jo, mae" jo, wa Nga" zai yo ngaid:6 ra".– Naonhaung" wa Nga" tau: mae" khin jaung: mang: din" we' shao lho" ra" amyu" boe" li" genae". Dao: ce: kheim: re Israel byumyu" qe re nao ta" kyo: ca" nae" dao: kheim: ngaid: ra" ga: mho: ra".7 Moshe dam: lo mung: ai: byumyu" mae" kao qi: va" mo, re khai: qham yang: AsAng Mo"so pin: to" ra" dao: kheim: alhab'8 re dam: zhao: kyo" ra". – Byumyu" mo, thaui: qe re: AsAng Mo"so mho: ra" dao: kheim: alhab' re ngonhaung" zaui: so: nae" ga: daqam: daqhi ceim" ta" ako". Moshe re: yao: bam: dao: re AsAng Mo"so re dam:9 zhao: kyo" ra". – AsAng Mo"so khyo" re: qu" wa, nao we' Ngo dao: jhau: re byu qe the' gyo: mung: khonhae" ngaid qere: nao re lam jang" na veshao: jham thaui: mo" khyo" yang Ngo nao jhao" joe" li" na nae" ga: Moshe re mho: ra". Moshe re: AsAng Mo"so: dao: kheim: jham re byu qe jhao"10 dam: zhao: kyo" ra". – AsAng Mo"so wa ai: byu qe jhao" gyo" lo mung: ana" ba , ne, mo" ba: gu: mae yao: bam shao kyang" ci mung: yao: bam: bau: jham re cid' shao11 nhao wa, . – Sam ba ein: ba re yao: bam jin" jin" ngaid: na nhao wa. Khoru: ga" re sam ba ein: ba mae AsAng Mo"so ai: byumyu" alhab' bam: qhid' kheim: Sina'12 bam dao joe" gyo" lo nae". – Byu qe maqo" lai: lo nae" akyo" akham" ai: bam mae" lhang" gam: lao" khao" to: mung: ai: bam khyo re: mado, , bam re re: mazao" tin: sho' lha" na ge, ein: ta" wa, . Ai: bam re zao" tin" ra" yaug kam" wa dang dang shid13 qhug' shao: . – Ai: yaug re lo; yang dazao". Dang dang laug baui: yang pye' ca" nae". Airu: mangaid: lao" lhae: yang geim ca". Byu ngaid qere: , gug' nyhug' ngaid qere: , daui: na nae" mangaid: . Labo" myao" sho' myang: na lao" za: ai: bam khyo yao: bam agai: qui" te' li" nae" ga: Moshe re mho:14 ra". – Moshe wa bam mae" byu qe na: khyo gyo" lo mung: yao: bam re shao kyang" nhao: ra". Yao: bam wa yao: yaug15 yao" bau: re re: cid' shao: ako". – Moshe re: sam ba ein: ba re bin: kyab' sho' jin" jin" kaid' na ge, . Yao: myi: jham we' date' ge, ga: byu qe re ta" kyo" ra".16 Ana" sam ba ein: ra" ba ne, seim mae bam dao mae mug: dam: dam: , lhe' caid' vhag' ga" ru we' jham thaui: mo" ug: lo mung: qi" ra" thoe mo" we' labo" myang yang: byaung" zang" na ko" byu qe gyaug:17 nin" na: ako".– Moshe wa AsAng Mo"so we' jho" qhug' nae" tau: byu qe re jhui" byaung" li" yang: bam qao: tau li" ye, jin:18 bam ko" ra". – AsAng Mo"so wa myi: lheim" nghoe' ke' ru we' Sina' bam dao joe" gyo" li" ra" mathao dabam: geim" myi: khug' thug' lo: ra". Ai: myi: khug' wa myi:khyeim" mae" myi: khug' ru: dam" thug' lo mung: dabam: geim" lab; laui"19 nain" na: ra". – Labo" myang thoe re: je yang: je yang: myang: je" lo: au: Moshe yao: ke' lao" AsAng Mo"so wa thoe khyo"20 yang tau" ke' ra". – AsAng Mo"so wa Sina' bam phyo: joe" gyo" li" mung: Moshe re bam phyo: khyo khai: to' yu: ra". Moshe21 re: ai: bam khyo do, lo" ra". – AsAng Mo"so re: byu qe AsAng Mo"so re qu" nae" ga: qui" te' li" ko" re myo: sho' mo, shid: pye' nae" gaung yug ca" ra" ga: ta" peim" nae" tau:22 nao gyo" lo" shi: wa, . – AsAng Mo"so jhao" qui" te' li" ko" khin jaung qe re: yao: yaug yao" gaung shao kyang" yu vegeshao: airu: mangaid: lao" AsAng Mo"so: yang dae byid'23 li" nae" ga: Moshe re mho: ra". – Moshe re: byu qe Sina' bam khyo maqo" do, genae". Pe" mung: ga" re ai: bam lhang" gam: tam" kyo" to: mung: shao kyang" ci ge, ein: ta" to: va" ga: AsAng Mo"so re dam:24 zhao: kyo" ra". – AsAng Mo"so re: nao gyo" lo" wa, nao we' Arun: za: agai: do, nae". Khin jaung qe we' getau: mo, je byu qe AsAng Mo"so jhao" do, nae" tau: maqui" te' li" geshao: . Aru: mangaid: re dae byid' ru25 phau: li" genae" ga: mho: ra". – Moshe re: byu qe na: khyo gyo" lo" mung: yao: bam re lo" zhao: kyo" ra".