1 Ai: ayo, Midian: jaung yin mo" , Moshe: yaug pho" Yetaro" wa AsAng Mo"so: yang Moshe we' Israel byumyu" qe re zaui" qhu" va" akhyo jham re re: , AsAng Mo"so: yang Israel byu qe re Egutu mang: mae" jhui" thug': lo: ra" khyo re re: the'2 gyo" ra". – Ailao" Moshe nha: to" ra" yham sang myhi" we' yao: zo: yaug gai nau" shid'3 yaug re jhui: mung: li" lo: ra". – Yaug gai zo: dayaug wa Gerashom ga: mang: ra". Ai: ru wa su: mang: mae ngo bang" vo boe" byaug va" ga" ru ngaid: .4 Dam: dayaug wa Eliaza mang: ra". Ai wa nga" pho" phug' qe: AsAng Mo"so wa ngo re bao" yu mung: Pharaoh jhaung zug: lo, mae" ngo re lhoe, yu va" ga" ru ngaid:5 ra". – Moshe yao: yaug pho" Yetaro" wa Moshe: yham sang myhi" we' zoshao tao re jhui: mung: ai: seyo mae AsAng Mo"so: bam yae mae no" na ko" Moshe jhao" joe"6 myhi: li" ra". – AsAng ni" yaug pho" Yetaro" we' ni" yham sang myhi" , ni" zo: shid' yaug nao jhao" ga: joe" li" veko" ga: Moshe7 re zhao: kyo" ako". – Ailao" Moshe re: yao" yaug pho" re tug; yu nae" ga: thug' lo" mung: gam" goe, yang: bo: baug baug: ra". Dayaug we' dayaug jho" myao mung: qao" na: khyo jho" ta" mung: zaung khug khyo8 vao lo" ra". – AsAng Mo"so yang Israel byu qe: qhid' mae Pharaoh we' Egutu byu qe mae zaui" qhu" va" mau" akhyo re re: , khyo le; mae yao: bam thaung" qhug' lo ko" jham re re: , AsAng Mo"so: yang khoru: khyaid' lhoe' lo" khyo re re: Moshe wa9 yao: yaug pho" jhao" ta" kyo" ra". – Yetaro" re: AsAng Mo"so: yang Israel mo, byu qe re Egutu byu qe: lo, mae" lhoe' yu mung: zaui" qhu" va" je ju jham: mathao: yang10 bo: ngaui: bau:" ra". – Egutu byu qe: lo, mae" re: Pharaoh jhaung zug' lo, mae" re: , naonhaung" re jhui" thug': yu mung: ce: byu qe lo, mae" khyaid' she yu: ra" AsAng11 Mo"so wa nga: lho" na shao: wo".– Getau mo"so myo: sho' tho' mae AsAng Mo"so je: qi: yaug ngaid: khyo re ana" ngo qo" ba va". Yao: bam ngaid so" nhag' lam: myhao beim: geyang: airu: phau: zo: ko" ru ngaid: ra" ga:12 ta" ra".– Moshe: yao: yaug pho" Yetaro" wa Mo"so: qhid' mae phaid' ngaui" xeim: yu: li" mung: Arun: we' daga" Israel kao qi: va" mo, wa Moshe: yao: yaug pho" we' daga" Mo"so: qhid' kheim: daga" ceim" zo: nae" tau: li" lo: ako".13 Thao: ba Moshe wa byu qe re tarha" myid' ca: qu" nae" ga: zaung: na: ra". Byu qe re: ne, seim mae" myi" thao joe" Moshe14 qhid' kheim: mae ye; bam: ako". – Moshe wa byu qe re airu: zaui" ra" mau" zo" yao: yaug pho" myao lao" ce: byu qe mae nao zaui" ra" mau" wa pe" ru" ru ngaid: i"? nao wa dayaug za: byu wa ni" qhid' kheim: mae ne, seim mae" myi" thao joe" sho'15 pe" mung: ye; na ko" ga: ta" ra". – Moshe re: ce: volo byu qe wa Mo"so jhao" myid; ba: yu nug geyang: ngo jhao" li" gemung:16 ngaid: ga: ta" ra". – Yao: bam mau" thug' lao" ngo jhao" li" mung: ngo wa yao: bam: mau" ta" sho' byid' ru we' Mo"so: khang" dao: tarha" re mho" byid: na: ga: yao: yaug17 pho" re ta" kyo" ra". – Nao zaui" ra" mau" mataung" dau ngaid: ra" ga: yao: yaug pho"18 ta" ra". – Nao re: nao we' daga" na: ra" ce: byumyu" qe re: dang za: qam: nang" byaug genae". Ce: mau" wa ni" tau: qo saung" la" ra". Nao yao: za: matho' aung ngaid: ra". –19 Nga" dao: re tae" gyo: wa, . Ngo ju yi byid: nae". Mo"so re: ni" thao de; li" nae". Nao wa Mo"so we' tin" ra" mau" re yao: bam: gaung tha" Mo"so jhao" ai: mau" jham re20 zhao: shid' wa,. – Yao: bam re khang" dao: tarha" nao mho" byid: ca". Yao: bam cao" ye: nae" khyo we' zaui: ca" mau" jham re21 khyo shid' yu ca" nae". – Ai mae"dagau: , Mo"so re gyaug phug' zo" nhag' bo yaug , vin tang" ru we' o byid myid mabo: yaug re mo, thaui: mae" khyin: thug' nha: to: wa, . Dataung , dayo , ngo" xe , daxe re ug su22 khyo" jaung: nha: to: ca". – Ai jham wa kho nhae" ngaid qere: mau" ta" byid' veshao: . Qi" ra" mau" thug' lao" za: nao jhao" lhai: vhao" ke' veshao: . Mau" angai: athao re wa yao: bam khyo" ta" sho' geshao: . Ailao" za: yao: bam bao" mung: nao mau" mavai"23 zo: yo zai ngaid: . – Ai re" khyo: Mo"so: akhang" khyo" kaid' ngaid: re nao qam: bo taung" qo" zaui: so: nae". Ce: byu thaui: qe re: yao: yaug yao" na mug: khyo yaug yo24 za: qo" lo" genae" ga: ta" ra". – Moshe re: yaug pho" ta" kyo" khyo: tae" gyo: mung:25 zaui: so" ra". – Khye' kung: ra" byu qe re Israel mo, thaui: mae" khyin: thug' yu mung: byu dataung , dayo , ngo" xe , daxe26 ug: nae" lau: de, khyin: tang: to" ra". – Ai bam wa khonhae" ngaid' qere: byu qe: mau" re ta" byid: ako". Qug' ra" mau" zo" re za: Moshe jhao" vhao" ke' ako". Mau" ngai jham alhab' re yao: bam khyo" ta" sho'27 pye' ako". – Ai: thao Moshe yao: yaug pho" re au" ke' mung: Yetaro" wa yao" na qao: khyo dam: lo" byaug: ra".