1 Israel mo, thaui: mo" qe AsAng Mo"so pin: to: va" we' dakhyo: Sin: ga" gao so yo mae" thug' mung: Yephidim mae lo" no" bam ko" ra". Ai: mae byu qe shaug' nae"2 qid majo, . – Ai mung: byu qe wa shaug' qid byid la, ga: Moshe re gye kaid' lo: ako". Moshe re: ngo re pe" mung: gye kaid' ako". AsAng Mo"so re pe" mung: lag qu" na3 ko" ga: mho: ra". – Mo, byu qe qid shab' gemung: Moshe re qobo vhin nyung: ako". Ngonhaung" we' ngonhaung" zo: jham re re: , ngonhaung" gug' nyhug' jham re re: moe, shab' phau: nhao mung: se' pye' nae" khyo: Egutu mae" pe" mung: jhui" lo: ga:4 ta" ako". – Ailao" Moshe wa AsAng Mo"so jhao" zag: yao: ke' mung: ce: byu qe re ngo khoru: kaid' nae". Ngo re laug baui: yang pye' se' nae" seim" veko" ga: zhao: kyo"5 ra". – AsAng Mo"so re: byu qe qhid' au: su" ye" lo" mung: Israel byu mae" kao qi: va" mo, re khai: jhui: wa . Qid dae mo" be; phyid' ra" ni" zaung: bao" ci yang: Horeb6 khyo ye: wa, . – Ai mae jo; ra" laug thin dao ni" qhid' kheim: mae Ngo ye; na nae". Nao wa ai: laug zang re be; ke' wa, byu qe shaug' nae" qid ai: laug zang mae" thug' lo: li" nae" ga: Moshe re mho: ra". Moshe re: Israel kao qi: va" mo; qhid' kheim: mae7 airu: kaid' qhu" ra". – Ai: tau mae Israel byu qe AsAng Mo"so ngonhaung" we' na: laug ga: AsAng Mo"so re lag yu: ru we' jho" yhai: ngag: na gemung: ai: jo, qo re Masa we' Meriba ga: mhang" ko" ra".8 Ai: au: Ameled' byu qe thug' li" mung: Yephidim: mae Israel byu qe re gye li"9 kaid' ako". – Moshe re: byu qe re khyin: jhui: mung: Amaled byu qe re gye khe' nae" tau: thug' ye: wa, . Ne, kao AsAng Mo"so: zaung: bao" ci mung: bam phyo: mae Ngo ye; na nae" ga: Yoshu' re pin: ke'10 ra". – Moshe pin: ke' we' dakhyo: Yoshu' zaui: mung: Amaled byu qe re gye khe' ra". Moshe , Arun: , Hura jham wa bam phyo:11 khyo do, ye" ako". – Moshe lo, tau: to' to" au: Israel byu qe aung mung: lo, khyo" ke' lao" Ameled' byu qe dam: aung: lo" ra". –12 Moshe: lo, saung" myaung" lo yang: yao: tao laug baui yu mung: Moshe re zhaung: to"ako". Arun: we' Hura tao wa dayaug dashaid' na mung: yao" lo, bo:bao" vo; tau: to: ko" ra". Ai mung: ba vao sho' yao" lo,13 khyao za: tau: qang: to" ra". – Yoshu' re: Amaled' zug: we' yao" byu qe re shae: yang khe' aung: pye' ra".14 AsAng Mo"so: yang ce re myid beim" na nae" tau: tung" to: mung: Yoshu' re tung" xam" to: wa, khoru: ga" re mug: gaung: o mae" Ameled mang mae" mang re Ngo yu:15 pye' nae" ga: Moshe re mho: ra". – Moshe re phain zhaug' mung: AsAng Mo"so wa Nga" khyi zang (Yehova nissi) aung myaug16 byid' ga: mhang" ra". – Pe" mung: ga" re Ameled' jham: lo, wa AsAng Mo"so zaung tao" khyo qang mung: AsAng Mo"so: yang pyaid dae du gye khe' na zai va" ga" ru ngaid: ra".