1 Ai: thao Israel qe Elim: mae" thug' su" lo" ako". Egutu mae" thug' lo" thao lho" shid' khye' khye' daxe: ngo" ba re Elim: we' Sina' bam agyo: Sin: ga" ra" gao seyo2 mae joe" ye" ako". – Ai: seyo mae Israel byu qe Moshe we' Arun: re nyung: na ko"3 ra". – Yao: bam wa ngonhaung" Egutu mang: mae sho: ug' yae mae zaung: jo, mung: gyi: gyi: baug baug zo" na yang: AsAng Mo"so: lo, lam" yang qhug' shid: re wa je: gai: ashi". Ana" kam" ce: mo, byu qe vae: moe, qid shab' phau: nhao mung: ce: seyo mae se' nae" ga: jhui" lo: ru angaid nhaung mhao" ga: ta" ako".4 Ailao" AsAng Mo"so wa qu" ge, . Ngo nao nhaung" tau: mug: gaung mae" cin main" qu: khyo" byid: nae". Byu qe ne, qug: ye: mung: dane; tau: mae" ga" laug kho ye: yu zo: ge, . Nga" tarha" re cao" ko" laug macao" laug ai: ra" khyo" yang Ngo yao:5 bam re lag yu: qu" nae". – Khyaug' ba ein: ba re kam" ne, qug: gaug: na: tho' mae" shid' nho" gaug: yu mung: gelho: kaid' ca"6 genae" ga: Moshe re mho: ra". – Moshe we' Arun: tao re AsAng Mo"so naon- haung" re Egutu mae" jhui" thug' lo va" ein: ra" akhyo ana" myi naonhaung" qo" ba7 genae". – Ne, kao re: AsAng Mo"so: phung bao naonhaung" qo" myao: li" genae". AsAng Mo"so re qobo vhin yang: nyung: na ko" thoe the' gyo" ava". Ngonhae re nyung: ko" ru wa ngo nhae tao wa pe" khyag' thaid' ra" tao ngaid: i"? ga: Israel mo, byu8 qe re ta" ra". – Xo' yang: Moshe mho: ra". AsAng Mo"so wa myi" re naonhaung" zo: nae" nung: sho: , ne, seim re zo: laug nho" cin main" re re: byid' lo: ra" au: ce: dao: dang: lo nae". Naonhaung" qobo vhin nyung ko" thoe re AsAng Mo"so the' gyo: va" , ngotao wa pe" ba: ngaid: nae" yha". Naonhaung" qobo vhin" nyung: ra" dao: wa ngotao re mazao" AsAng Mo"so re lo"9 zao" ra" ga: mho: ra". – Xo' yang: Moshe wa naonhaung" qobo vhin nyung ko" thoe AsAng the' gyo: mung: yao: jhao" qui" ye: ge, ein: Israel mo, byu qe re ta" zhao: kyo:10 wa, ga: Arun re mho: ke' ra". – Mho: ke' khyo: Arun: Israel byu qe re zhao: kyo" ra" au: yao: bam wa seyo khyo byu: qu" ke' re AsAng Mo"so: phung bao jham jham phyu11 mae" myhao" qhu" ru myao: ako". – AsAng Mo"so re: Israel byu qe nyung ko" thoe Ngo12 the' gyo: va". – Myi" thao naonhaung" sho: the' qhug' zo: genae". Ne, seim re re: cin main" gyi sho' the' zo: genae". Ngo naon- haung" apyaid ato: AsAng Mo"so ngaid: ra" khyo qo" ba: yu genae" ein: ta" wa, ga: Moshe re mho: ra".13 Ai: myi re ngho' yhau" jham yao: bam:14 avai: ayae byang" ug: lo: ra". – Ne, seim re avai: ayae alhab' mae nghin jham gyo" ra". Ai: nghin sham: lo" lao" gyu: khai" ru" ru lang" lang" za" ace' jham ai: myid' dadae:15 geim" mae byang" de, jo; ra". – Ai jham re Israel byumyu" qe myao gelao" pe" ngaid: ru maba geyang: dayaug we' dayaug jho" myid bang: ako". Moshe kam" wa ce wa naonhaung" zo: nae" tau: AsAng Mo"so nhag' khyag' yang: byid: ra" cin main"16 ngaid: . – Yaug khao: ngo" yao: yao" zaung mae byu khonho" na: ru nghe' qu" mung: khag' re: khag' laug: zo: nae" nho" dayaug da O:ma: sham" gaug: yu ge, ga: AsAng Mo"so mho: ra" akhyo ta" zhao: kyo" ra". –17 Israel byu qe re: ai re" ru: byu myo: nang: khyo" cao" yang: sham" gaug: yu: ako". –18 Ai re O:ma: yang lag qu" ko" re myo: myo: qo" ra" yaug maje , nang: nang: qo" yaug maca" lo: yao: yaug yao: laug zo: nho" nho"19 gaug sham" yu: ako". – Moshe wa ne, kao joe" sho' khag' re: da tang" to: ge, ga: yao:20 bam re mho: ra". – Ngaid qere: damyo" Moshe: dao: matae" gyo: lo: thao: ne, kao joe" sho' tang" to: geyang ai: cinmain" laug daung: boe" byaug mung: sheim nae:21 byaug: ra". – Da myo" yao: yaug yao: laug: zo: nho" ne, qug: sham" yu: ako". Ba zho: li" lao" kam" wa aqang: yug: gain: lo" ra".22 Khyaug' ba ein: ba re wa cin main" shid' nho" ngaid: ra" dayaug shid' O:ma: gai: sham" yu: ra". Ai: akhyo jham re ade, jhui" kaid' mo, Moshe jhao" li" zhao: kyo"23 ako". – Yao: khyo" re: ne, mo" ba wa AsAng Mo"so qhid' mae" shao gyang" ra" dug no: ba ngaid: . Yaug yo gai" na nae" ba na ngaid: ra". Cin main" baung" nyho' ca" gu: baung" to: ge, . Kyug' to: ge, . Dang: ra" gu: wa ne, kao: tau: mae" to" to: ge, ga: AsAng Mo"so24 mho: ra" akhyo re zhao: kyo" ra". – Yao: bam re: Moshe ta" ru we' dakhyo: thao: ne, kao joe" sho' to" to" ako". Ai wa sheim re: manae. Laug daung: re: mabo: li" ngaid:25 ra". – Moshe re: , naonhaung" tang" to" ru ana" ba zo: ge, . Ana" ba wa AsAng Mo"so: dug no: ba ngaid: . Ana" ba ru" ne, re airu"26 ru seyo mae mathe' myao. – Khyaug' ba lam: lam: qo" sham" yu nae". Dug no: ba ngaid: ra" ne, re wa majo, mathe' myao27 ga: ta" ra". – Nhaid' ba ein: ba re damyo" ye: sham" yu nae" ga: ye" re maye: the'28 myao ko". – Airu: mung: AsAng Mo"so re: naonhaung" Nga" khang" dao: re khomy-29 hao" joe" sho' ngag: ha: na genae". – AsAng Mo"so wa so: ne, dug no: nae" tau: naon- haung" re khyug' to: byid: va". Ai mung: khyaug' ba ein: ra" ba re shid' ba: qhid' mae" cin main" re byid' ra" . Khag' re: khag' yao: yao" jo, qo mae na: na ge, . Nhaid' ba ein: ba khag' re: yao: yao" na jao: mae" da thug' su" qin" ge, ga: Moshe re mho:30 ra". – Ai mung: mo, byu wa nhaid' ba ein:31 ba re sae za: na: ako". – Israel byumyu" qe ai: zo: pho: re Mana' ga: mhang" ako". Ai: ru wa pajhi" jid' ru: ngaid mung: phyu za: mung: ru ngaid: . Byo yhid we' lhag' ra"32 cin main" yho' we' min dau: ra". – Moshe dam: mho: ru wa ngonhaung" re Egutu mang: mae" jhui" thug' lo: au: seyo mae ngonhaung" re zho" ra" cin main" naon- haung" zo: myid: qe daqae: mae" daqae: qo" the' myao vegeshao: da O:ma: re pyaid dae du tau: qaung" to: ge, ga: AsAng Mo"so mho: ra" dao: kheim: xo' zhao: kyo" ra". –33 Arun: re re: ug' dakhye' yu mung: Mana' da O:ma: byang" sho' ke' yang: naon- haung" aqae: qae: cao" na genae" tau: mae" AsAng Mo"so: qhid' kheim: mae qaung" to:34 wa, ga: mho: ra". – Moshe re AsAng Mo"so pin: to" ru we' dakhyo: Arun: zaung" lhaug' na nae" tau: sagso: qhid' kheim: mae Mana'35 cin main" qaung" to" ra". – Israel byumyu" qe byu na mang: joe" ra" ba joe" sho' zin na byid xe lam: lam: Mana' zo" ako". Khanain: mang: mug: kyo: majoe" joe" Mana' re zo"36 ako". – O:ma: ga" ru mae Epha keim daxe bo: ra".