1 Ai: au: Moshe we' Israel byumyu" qe wa nghaui" caung: thoe we' AsAng Mo"so re ce ru: ga: caung: khin" ko" ra". AsAng Mo"so wa yao" phung bao bao: myhao" yang: aung doe, va" ru mung: AsAng re caung: khin" nae". Myao: we' myao: jui: gye zo: qe re qid dae mo" khyo zhain" khyo" pye'2 ava". – AsAng Mo"so wa nga" qam: o: ngo caung: nghaui" nae" jao: ngaid: ra". Ngo re khyaid' yu yaug we' nga" lam khug jao: ngaid: mung: ngo caung: khin" nae". Nga" phug' nga" kai: qe: AsAng Mo"so ngaid: ru mung: yao: re ngo nga: yhe' byid: nae". –3 AsAng Mo"so wa gye sin: thu mo" ngaid: ra". Yao" mang kheim: apyaid ato: AsAng4 Mo"so ga" ru ngaid: . – Pharaoh jhaung zug: myao: lhin" yao" gye thaui: mo" re qid dae mo" mae khyo" nyab' pye' va". Khyin: jaung: to" gye zo qe re qid ne lao mae nhab'5 pye' va".– Mho" no; thao" tham: kao" khyo khyo" nghoe' pye' ava". Laug baui ru: qid6 khug vao lo" veko". – AsAng Mo"so we" Ni" lo, yo lo, wa phung bao bo mung: qam" o: qi" ra" wo". AsAng Mo"so we" AsAng: lo, yo lo, wa gye jham re qo" khyug' mhain"7 pye' ra". – AsAng wa gye kaid' mo, re" phung bao kheim: so' yang qo" zag: aung: pye' ra". Nhag' yo: kheim: so' mo" nhao: ke' mung: yao: bam re boe, said re ru:8 ngha" jeim" pye' ra". – AsAng khug mae" la mo" au: yang qid jham wa moe bug ru: dang" lhain" lo mung yug: lai nae" ra" qid jham ma: to" ye, li" ra". Qid mo" lao athai: akao" mae" qid jham kang kang koe, koe,9 boe" byaug: ra". – Gye jham mho ko" ru wa ngo cao" khe' nae". Cao" khe' myhi shi: nae". Lhaid' yu: lo" ko" jo, nho" cao" mho' yu mung: yao: bam: adao ngo nhag' shid se' nae". Shae byao mae" shae she: yu mung: yao: bam re nga" lo; yang yao: khe' se'10 myhi" pye' nae" ga: ta" ako". – AsAng: yang la mo" hoe" tao" ke' yang: qid dae mo" wa yao: bam re lheim" zag: pye' va". Yao: bam re: qam: so' qi" ra" qid kao" thai: khyo xa11 we' dakhyo: nab: vao lo" veko". – AsAng we" mo"so myo: sho' gu: mae Nao qhi" ra" apyaid ato: Mo"so getau khag' na lo"?. Khin" gai: ra" gyaug mug' pho: jham phoe' poe" qhu" mung: shao gyang" ra" mae tang: ye; jo; ra" Mo"so Nao qhi" ra" AsAng Mo"so12 getau khai: mae na lo" i"?. – AsAng: lo, yo lo, mo" qang: ke' mung: yao: bam re myid13 gaung: yang myug: pye' veko". – Nao khyin: yu: to" byumyu" re nhag' khyag' myid: yang jhui" lo: ava". Shao gyang" ra" AsAng: na jao: khyo ni" kheim: so' phung14 bao we' khyo shid' lo: ava". – Su: byumyu" qe ai: akhyo the' gyo: mung: gyaug: mug' na veko". Palasti mang: byu qe myid ci"15 ae: byaug genaeva". – Edom zug: qe mug' hao" byaug mung: Mo"ba gye zo: qe gyaug nin" ru we' Khanain: mang: byu qe alhab' bam: nhag' lam: thao" byaug genaeva". –16 AsAng Mo"so we" Ni" byu qe lai: lo" ra" au: AsAng khyin: yu: to" byu qe su" lo" ra" au: ai: byumyu" qe wa ni" lo, lam" yang: saung" gyaug: din: byaug gemung: yao: bam laug baui ru: sae za: tae" byaug' genaeva". –17 AsAng Mo"so we" , kheim: ke' nhang" to: va" Ma khae: yu nae" bam ngaid: ra" AsAng na jao: , nao phain" so: to" ra" jo, qo khyo jhui" vhin" yu: li" nae". Ni" lo, lam" yang te" poe" to" ra" shao gyang" jao: mae jo, qo18 khyo" byid' li" nae". – Apyaid ato: AsAng Mo"so wa pyaid dae du thain" madaui agang" tang: na shao: wo" ga: caung: khin"19 ako". – Pe" mung: ga" re Pharaoh myao: jham , gye khe' lhin" jham , myao: jui gye zo: jham ai: qid dae khyo vao mung: AsAng Mo"so yang qid dae mo" : qid: yang lheim" nyhab' se' pye' va". Israel byumyu" qe kam" qid dae mo" agaung: myid kang dam: khyo" su" lai: lo" veko".20 Arun" yao: bai: lapa myhi" Miriam: wa jhe' cang" ci mung: myiqe: qe alhab' bam re: jhe' cang" be, yang: go" ru we' yao"21 thao cao" ako". – Miriam: wa yao: bam re au: she zo" , AsAng Mo"so re caung: khin" ge, wo". AsAng wa yao" phung bao myhao" qhu" yang: aung myaug: khyo khae: yu va" ru mung: nga: lho" shao: , myao: we' myao: jui: gye zo: jham re qid dae mo" khyo deim" geim: zaui: pye' ava" ga: nghaui" caung" ako" .22 Ai: thao Moshe Israel byu qe re qid dae ne lao mae" jhui" thug' lo mung: Shura seyo khyo jhui" su" lo" ra". Ai: seyo mae sam ba lam: lam: gyaung: su: veko" qere:23 qid maqhug' ko". – Ma:ra ga" jo, qo mae joe" lo" au: ai: mae" qid kho: yang: magai: shaug' ko". Ai mung: ai: jo, qo re Ma:ra ga:24 mho ko" ru ngaid: ra". – Byu qe Moshe re qobo vhin nyung zo" khoru: ba: shaug'25 nae" yha" ga: ta" ako". – Amung: Moshe wa AsAng Mo"so jhao" mho' yao: ra". AsAng Mo"so sag' dagae ceim" shid' mung: ai: sag' gae qid khyo khyug' zaui: ke' re ai: qid cug: li" ra". Ai: jo, qo mae yao: bam re lag yu mung: tarha" daja: to" ke' ru wa ,26 Naonhaung" wa naonhaung" AsAng Mo"so: dao: thoe re zo, zo, tae" gyo: mung: , yao" qhid' kheim: mae dang main" ra" ave, ci: ru we' yao" khang" dao: tarha" tae" gyo" cao" na mung: , yao: pin: to" dao: kheim: jham re cao" pyang" na: ngaid: re wa Egutu byu qe mae Ngo poe" ke' ra" aqam" no naonhaung" mae maphau: nae". Ngo naonhaung" aqam" no gai yo byid'27 ra" AsAng Mo"so ngaid: ga: mho: ra". – Ai mae" yao: bam qid thaung: daxe: shid' thaung: we' xaung" pa nhaid' xe gae yaug ra" Elim: mae joe" mung: ai: jo, qo qid yae mae lo" byaung" na: ako".