1 AsAng Mo"so dam: xo' mho: ru wa Israel amyu" qe lhang: lo yang: Pihahirod2 vo nhae , – Migadola we' qid dae mo" agyo: Bala Zephon phung vo qhid' kheim: mae lo" zang" qham: na nae" khyo: pyang: ke' wa, . Ai: vo qhid' kheim: qid dae mo"3 yae mae byaung" zhang" na ge, . – Ailao" Pharaoh jhaung zug: wa Israel byumyu" qe mug: he' lhae" ra" jao: joe" veko". Seyo gau: re: jid' jo, va" ga: ta" li" nae".4 Ngo re: Pharaoh nhag' lam: qao nhao mung: yao: wa Israel amyu" qe re cao" khe' li" nae". Ngo AsAng Mo"so ngaid: ru re Egutu byu qe ba nae" tau: jhaung zug: yao: we' gye sulhe: qe mae Nga" phung bao bao: li" nae" ga: Moshe re mho: ra". –5 Ai: byumyu" phao: lo" byaug veko" khyo Egutu jhaung zug: re zhao: kyo" ako". Ai mung: Pharaoh we' sulhe: qe ai: byumyu" qe: adao nhag' lam: lai" lo mung: Israel qe re nyhao: nhaung" jeim toe' to" ru mae" pe" mung: yang: nhao: ke' laug yha" ga: jho" ta"6 ako". – Ailao" Pharaoh wa yao" gye khe' lhin" nyhang" mung: yao" byu qe re khai:7 zhang" ra". – Nyhang" khyin: to" ra" lhin" khyaug' yo , Egutu gye khe' sulhe: qe we' daga" gye zhain mo, thaui: qe re au: she8 nae" zug: jham re khai: jhui" ra". – AsAng Mo"so: yang Pharaoh jhaung zug: nhag' lam: re qao nhao mung: yao: wa Israel byumyu" qe re cao" khe' ra". Israel byumyu" qe wa ngaid so" ra" ve, sam" we' thug' lo"9 ako". – Ai re" ru: Pharaoh myao: , lhin" , myao: jhui: gye khe' sulhe: , zug: Egutu byu cao" khe' ko" re Pi-hahirod vo nhae , Bala Zephon phung vo: qhid' kheim: , qid dae mo" yae mae thang: na: au: Israel byu10 qe re lo" khe' myhi: ra". – Pharaoh gye thaui: cao" khe' myhi: lo mung: Israel qe lhang: qu" ke' re qu" ge Egutu byu qe yao: bam: thao cao" khe' li" veko". Ai mung: gyai gyaug ru we' AsAng Mo"so re zag11 hug' yao: na ko" ra". – Moshe re re: Egutu mae lab qo majo yang: ce: seyo mae shid: gain nae" tau: ngonhaung" re jhui" lo: i"? . Ngonhaung" re ce ru: jhui" jeim: nae" ein:12 pe" mung: Egutu mae" jhui" lo: ru. – Egutu byu qe mae ngonhaung" jeim kaid' na shi: nae" ein: Egutu mang: mae ngonhaung" nao re mho: ru wa ce ru" ru phau: nae" mung: ta" ru ngaid: mhao". Ce: seyo mae shid nae" tho' Egutu byu qe jhao" jeim kaid'13 na: ru wa je: gai: ra" ga: ta" ako". – Moshe wa dagaung yug ge, . Yo yo za: na ge, . AsAng Mo"so: yang ana" ba qhu" nae" ra" khyaid' yu khyo wa qu: ge, . Ana" naonhaung" the' myao ko" Egutu byu qe re thao phyao: ma14 myao lo: genae". – Naonhaung" thao de, mung: AsAng Mo"so gye bo: khe' li" nae". Naonhaung" yaug yo za: qhug' na genae"15 ga: byu qe re mho: ra". – AsAng Mo"so wa pe" mung: Ngo re zag: hug' na ko". Israel16 byu qe xo' ye" lo" vegeshao: . – Nao kam" wa zaung: bao" tau: to' ke' mung: qid dae mo" mae lo, qang: ke' yang: qid re be, kho' ke' wa, . Ailao" Israel byu qe ai: qid dae mo" mae myid kang dam: khyo" qhug' su" lo"17 genae". – Ngo Egutu byu qe nhag' lam: qao nhao mung: yao: bam re: bo cao" vao: su: genae". Pharaoh jhaung zug: we' yao" gye phung: , myao: lhin" , myao: jui: gye khe' sulhe: qe khyo" yang Nga" phung bao bao:18 qhu" nae". – Ai re" ru: Pharaoh we' yao" myao: lhin" jham , gye khe' sulhe: jham khyo" yang Nga" phung bao bao: myhao" qhu" lao" Ngo AsAng Mo"so ngaid: ra" khyo re Egutu byu qe qo" ba se" genae" ga:19 Moshe re mho: ra". – Ailao" Israel thaui: mo" qhid' au: mae su" ra" AsAng Mo"so: mug: logyo: wa yao: bam: thao khyo lhang: ye, ra". Jham phyu zang re: yao: bam: thao20 khyo lo" zaug: jo, ra". – Ai wa Egutu mo, thaui: we' Israel mo, byu qe: gyo: mae kyo: dam: boe" mung: Egutu qe: adao mae jham phyu wa mug: caid' jo, yang: Israel byu qe mae kam" wa bo" bao poe" byid' ra". Damyi khyeim damo, thaui: we' damo, thaui: ma21 qo" jho" te' ko" ngaid: ra". – Moshe wa ai: qid dae mo" adao mae yao" lo, qang: ke' ra". AsAng Mo"so re: damyi khyeim gyai thin: ra" ba thug' shaid' la mo" yang qid dae mo" re dang" lhain" pye' mung: myid kang dam: boe" lo nhao: ra". Qid re: go; byid: lin:22 lo" ra". – Israel byumyu" qe qid dae mo" agaung: , myid kang dam: khyo" su" lo" ako". Qid ai: ru re: yao: bam: lo, yo , lo, vai: shaid' khyo khinqae lung: ru: qae: kyo" to"23 ra". – Egutu byu jham , Pharaoh jui: myao: lhin" , myao: jui: gye khe' sulhe: jham re24 qid dae mo" khyo bo cao" vao: ako". – Ne, seim ayo, re AsAng Mo"so wa myi: jham phyu zang khyo" Egutu gye thaui: re qu"25 ke' mung: tam" kyo" ra". – Yao: bam: gye khe' lhin" su: qug: nae" khyo: lhin" ce' jham re nhaung" khoe' tam" kyo" byid' ra". Egutu byu qe re: Israel mo, thaui: mae" phao gelang: . AsAng Mo"so wa yao: bam: thao de, mung: Egutu byu qe re gye khe'26 na: ra" ga: jho" ta" ako". – AsAng Mo"so re: ai: qid dae mo" mae" qid jham Egutu byu , gye lhin" , myao: jui: gye zo: jham re lheim" nhai" pye' shao: qid adao mae ni" lo, qang: ke' wa, ga: Moshe re mho:27 ra". – Moshe re: mho: to: va" we' dakhyo: ne, seim myo, myao: lo: au: qid adao mae yao" lo, qang: ke' ru mung: ai: qid dae mo" wa ge-au: yug: na: ru: dam: yug: lai: ra". Egutu byu qe re: ai re myao yang tug' phao: ko" qere: AsAng Mo"so yang yao: bam re qid dae mo" agaung: mae lheim" nyab' se'28 pye' ra". – Ai: qid dam: jho" yug: bang: lo mung: qid dae mo" khug khyo cao" khe' vao lo" ko" Pharaoh gye khe' lhin" , myao: jui gye zo: , yao" mo, mo" byu qe re lheim" zag: lo mung: dayaug lao" maqo" loe, lo:29 ko" ra". – Israel byumyu" qe kam" wa qid dae mo" agaung: myid kang dam: khyo" su" lo" mung: qid wa yao: bam: lo, yo , lo, vai30 mae laug khinqae ru: boe" byid' ra". – Ai: ba re AsAng Mo"so: yang airu: Egutu byu qe: lo, mae" Israel byumyu" qe re khyaid' lhoe' yu: ra". Qid dae dang" kam" yae cao" yang: Egutu sushid mao re re: the' myao:31 ako". – Ai re" ru: Egutu byu qe mae AsAng Mo"so: yang zaui" qhu" ra" mau" mo" re Israel byumyu" qe myao yang: AsAng Mo"so re gyaug: na: ako". AsAng Mo"so we' yao" daui mung yaug Moshe re re: lam khug ko" ra".