1 AsAng Mo"so Moshe re khai mung: Israel byumyu" qe mae aqhid khau: zo: , –2 Byu ngaid ngaid , gug' nyhug' ngaid ngaid zo: qhid' alhab' wa Nga" tau: shao kyang" to: ge, . Nga" jo, nho" ngaid: ra" ga: mho: ra".3 Moshe re: naonhaung" jeim toe' qhug' ra" Egutu mang: mae thug' lo" ra" ce: ba na re myid: beim" na ge, . AsAng Mo"so wa yao" qam: mo" bo: ra" lo; yang naonhaung" re ai: mang: mae" she: thaid' yu: ava". Bai"4 phaui: bo: ra" cin main" magai: zo: . – Abi, lho" ce: khye' re yao: naonhaung" thug' lo5 veko". – Naonhaung" re byid: nae" tau: phug' kai: qe re AsAng Mo"so kheim: ke' dao: ta" to: va" mung: , Khanani byu , Hiti byu , Amori byu , Hivi byu , Yebuti byu jham na ko" jo, qo nug' we' byo yhid yug: ra" mang: khyo dai" ke' va" lao" jao" , ce: lho" khye' mae naonhaung" ce: pa" kug' li6 zaui: ca" genae". – Nhaid' ba lam: lam: bai" phaui: mabo: ra" cin main" re bin: zo: thao nhaid' ba byang" ra" ba re AsAng Mo"so: tau:7 poe kaid' ca" nae". – Bai" phaui: mabo: cin main" re zo" ra" nhaid' ba: geim" mae naon- haung" mae bai" phaui: magai: the' myao. Naonhaung" na: ra" khyi" khao: ngo" mae8 re: gai: the' myao nae" mangaid: . – Ngo- nhaung" Egutu mang: mae" thug" lo: ra" ayo, abang:, AsAng Mo"so ngonhaung" mae zaui" qhu" va" je ju mathao: yang ce khyo: zaui: so" na: ru ngaid: ein: ai: ba re zo:9 myid: qe re zhao: kyo: ca" nae". – AsAng Mo"so: tarha" ni" nhaid' mae bo: jo; shao: ce ru wa ni" myo, mae lamyhung" myao: na nae" akhyo ngaid: . Khoru: ga" re AsAng Mo"so wa yao" qam: mo" bo: yang nao re10 Egutu mang: mae" jhui" thug': lo va". – Ai mung: ce: li re yao" ayo, joe" lao" zin qug: kaid' ca" nae".11 Naonhaung" mae re: phug' kai: aqae: qae: mae re: , nhang" to: va" we' dakhyo: AsAng Mo"so naonhaung" re dai" byid:12 mung: ai: mang: re byid: lao" – Naon- haung" mae" aqhid khau: ra" zo:qhid' we' naonhaung" mae na: ra" gug' nyhug' zo:qhid' jham re AsAng Mo"so: tau: gethaung: sain jaung: to: ca". Alo: alhab'13 wa AsAng Mo"so: jo, nho" ngaid: . – Myao: zang sao qhid' khau: ra" myao: nau" re yao nau" yang tha" yu ca" nae". Manug: tha" yu lao" myao: nau" lang zang: nag: khyug' ca" nae". Byu qe: zo:qhid' alhab' re tha" yu14 ca". – Thao: ta re ce wa pe" ngaid: ga: ni" zo: nao re myid: lao" nao wa Egutu mang: jeim toe' jao: mae" qam: mo" bo: AsAng Mo"so lo, yang ngonhaung" re she: jhui"15 lo: ra". – Pharaoh nhag' lam: qao yang: ngonhaung" re laui za: ma nhao: ke' , ailao" Egutu mang: byu , gug' nyhug' zo:qhid' alhab' AsAng Mo"so jhao" xeim: qhaug' ca". Yao: yao" zo:qhid' yaug gai nau" re wa16 tha" yu ca" nae" ein: zhao: kyo: ca". – Ce: akhyo jham ni" tau: mae ve, lho ni" myo, mae lamyhung" myao: na ca" nae". Pe" mung: ga" re qam: mo" bo: AsAng Mo"so: lo, yang nyhao: nhaung" re Egutu mang: mae" she: jhui" yu va" ein: byu qe re zhao: kyo: ca" nae".17 Israel byu qe re Pharaoh jhaung zug' yang nhao: ke' thao Philisti mang: khyo" su" ra" gau: khyo din: qe re ai: gau khyo" AsAng Mo"so majhui" lo". Pe" mung: ga" re yao: bam gye the' myao gelao" nhag' lam: lai" lo" mung: Egutu mang: khyo phao nug:18 li" genae" re ba mung: ngaid:. – Amung: AsAng Mo"so wa yao: bam re qid ne lao seyo gau: khyo" lhang" yang: jhui" lo" ra". Israel byumyu" qe re shae lhae we' gye phung: thaui: mo" khyo" Egutu mae" thug'19 lo" ako". – Lai: lo" va" yo, ta re Yoseb wa dang dang AsAng Mo"so naonhaung" re li" qu" kam: zai ngaid: . Nga" sho: qug: re ce jo, qo mae" yu: lo" ca" genae" ga: Israel qe re nhang: yang: pin: to: co' va" mung: yao" sho: qug: re Moshe wa yao: we' daga" yu:20 lo" ra". – Yao: bam Sukug' mae" to" mung:21 seyo Etham: mae byaung" na: ako". – Yao: bam myi" na" gyaung: qo" su: shao: ga: AsAng Mo"so: yang na" re khyo qhid' she nae" jham phyu zang , myi" re bo" bao byid: nae" myi: zang khyo" yang yao: bam:22 qhid' au: lheim" yang: su" ra". – Na" re jham phyu zang myi" re myi: zang re yao: bam mae" maqab: yu ngaid: ra".