1 AsAng re nghaui" thoe asag' we' nghaui" caung: ge, mug' pho: mau" re kaid' ava". Yao" lo, yo lo, we' shao lho" ra" lo, lam: yao" tau: khyaid' khyi: yu: khyo re phung" byid: va".2 AsAng wa khyaid' yu: ra" jeju re de: de: ci: qhu" mung: dang main" ra" tarha" rere: getau: amyu" qere qhu" byid' ava".3 Yao" jeju we' dao: so: Israel yham khaung: tau: beim: so: va" ra". Mug: myid athao" khain mae re: ngonhaung" Mo"so khyaid' khyi: yu: akhyo re the' myao veko" ra".4 Mug: myid xaosu byu alhab' we" Mo"so re ngaui bau: zag: yao ge,. Thoe mo" ke' mung: caung: nghaui" ge,.5 Tang: she yang: Mo"so re nghaui" thoe we' caung: ge, zang be, mao" thaung: thoe kyo: ge,.6 Deim ba: we' labo" maid mung: jhaung zug: ngaid: ra" ngo nhaung" Mo"so: qhid' kheim: mae ngaui bau: zhao: yao taung" zag: yao ge,.7 Qid dae mo" we' ai mae jo; gu: na: gu: alhab' geim" mug: myid we' ai mae" na mae" na jo, mae" jo, myang: hau" yhai: na vegeshao:.8 Ai we' da khyo: qid zo: qid zang jham lo, pyo' pyo' mung: bam zo: bam zang jham re: ngaui bau: zhao: yao geshao:.9 Khoru: ein: re mug: myid: byu qere tarha" dao: phyid' nae" tau: joe" gyo" li" va". Myidkin byu qere dang main" ru we' byumyu" qere din" ra" khyo" tarha" dao: phyid' li" nae".