1 Mo"so: qhid' kheim: mae nghaui" thoe asag' yang nghaui" mung: shao gyang" mo; phaung gaung: mae ham" hung: re caung: khin" ge,.2 Israel amyu" qe wa yao" amyu" re phain: ra" Mo"so mae ngha mung: ngaui bau: ge,. Ziun: zo: qe yao: yao" jhaung zug: mae ngha mung: zhao: yao geshao:.3 Yao: bam go" nhain" mung: yao" mang khyao: caung: khin" ge,. Zang be, mao" thaung: yang: nghaui" myain" nghaui" thoewe' caung: ge,4 Khoru: ein: re Mo"so wa yao" byu mo, zhain re o ngaui: ra". Nhag' lam: nyham: khyo" ra" mo, re khyaid' yu: ra" khyo" nga: qo" nhao: ra".5 Shao lho" ra" mo, wa phung qi: mung: ngaui bau: geshao:. Yao" yab jaung: dao mae re: zhao: yao taung" nghaui" caung: geshao:.6 Getau: byumyu" qere tarha" jo; ru we' dakhyo: byu qere dae byid: nae" tau: yao: bam: jhaung zug: re kyam: thaung: xao" mung: agyi khaung: mhao: qe shae co: jao: yang taui: nae" tau:7 Jham: mae tung" to" ru we' dakhyo: yao: bam tarha" pyam" geshao:.8 Shao lho" ra" mo, wa Mo"so: ham" hung: re nhaid' thoe: yang caung: khin" mung: shid' shaid' tho' ra" shae re yao:9 bam: lo, mae ci ko"ra". – Ai: ru wa shao lho" ra" mo, alhab' tau: mae phungbao ngaid ko" ra". Haleluya