1 Byumyu" qe pe" mung: tau: lhain" na ko" i"?. Pe" mung: akeim aseim myid: tau" yaung: na ko" i"?.2 Myidkin: jhaung zug: qe tau: lhain" lo mung: mang: zug: khaung: mhao: qe wa Mo"so we' Khristu re gye kaid' zo" re"3 Yao: bam taui" to" ru re loe, beim shao: pheim: ke' gelang: ga: byin phyo: phaung kaid' veko".4 Mug: gaung: dao mae zaung: na: ra" Mo"so wa jung" qi: pye' ra".5 Nhag' yo" ru we' yao: bam re ta" nae" nhag' yo" gyid' ra" kheim: thoe: yang yao: bam re qeim: mho" li" nae".6 Nga" jhaung zug: re shao gyang" ra" Ziun: bam dao mae ngo yao: xau gyain: byid: va" ga: mho: ra".7 Lamyhung" dao: kheim: re ngo ta" kyo: nae". Nao nga" zo: ngaid:. Ana" ba yao: re ngo khau myhung: ke' va".8 Ngo re mho' wa, byumyu" aja: ja: ni" jo, nho" Ma khyo" mug: myid gye, geim" re sang nae" akhang" rere: ngo byid: nae".9 Yao: bam re jo, to' zaung: bao" yang ug: gam mung: myid ug' re be; kho' sin" pye' re" ru: kho' sin" pye' nae" ga: ngo re mho:ra".10 Airu: mung: jhaung zug: qe we" juyi bo taung" na ge, , myid kin zug: qe we" mho" shid' dao: re khae: yu ge,.11 Gyaug phug' ru we' Mo"so: mau" re vin vo, mung: ngaui bau" na ge,.12 Ai: yao: Zo: re bobaug baug ge, mangaid: lao" nhag' yo" li" mung: nao nhaung" khyo dang byo; qeim: ru thaung" qhug' genae". Yao: nhag' phyaid ga: yo" li" nae". Zo: re lam khug: ra" mo, alhab' wa nga: lho" genae".