1 Ngo wa jeju nhag' myain" ru , we' tarha" khyo" dao: phyid' ru re nghaui" caung: nae". Mo"so we" ni" qhid' kheim: mae nghaui" thoe nghaui" nae".2 Jab byang" ra" tarha" jin kham we' dakhyo: ngo cao" nae". AsAng wa ngo jhao" khonhae" khoyo, mae joe" li" nae" i"?. Ngo yao" yham mae shaogyang" ra" nhag' myid we' cao" pyang" na nae".3 Makhyang: mashab: ra" ja: re ngo maqu" lo: , shaid' nghung" ra" mae" re: ca' mung: ngo mae made; lo shao:.4 Nhag' lam: kaui: ra" mo, ngo mae" gao" lo" shao:. Makhyang: mashab mo, we' ngo mazam" khug nae".5 Yham kyo: cao: re magai: ra" lau paui: ra" yaug re ngo khe' pye' nae". Nhag' lam: qao mung: geim kaid' yaug re ngo zang: qhao" nae" mangaid:.6 Dang main" ra" mo, byu qe wa ngo we' te' za: na mung: yao: bam re ngo lhaug' zaung" nae". Dang main" tarha" cao" yaug za: nga" mau" zaui: nhao nae".7 Mhug' vhain" dao: jhau: ra" yaug wa nga" qhid' kheim: qo" ye, nae" mangaid:.8 Makhyang: mashab: mau" kaid' mo, alhab' re Mo"so: vomo" mae" khe' thug' pye' nae". Tarha" macao" ra" mo, rere: ne, seim khao: ngo" mae phyo' lhaui" pye' li" genae".