1 Li" geri: AsAng re zhao: yao taung" nghaui" thoe caung: gelang:. Ngonhaung" re khyaid' yu: ra" laung: mo" baui mae ngaui bau: ngaui lho" zag: hug' gelang:.2 Jeju so" ru we' yao" qhid' kheim: khyo ngonhaung" vao ye: gelang:. Nghaui" thoe caung: thoe we' yao: re ngaui bau: ngaui lho" zag: yao gelang:.3 Mo"so wa qi" qhang: thao" ra" Mo"so , mo"so , so mae" so tho' mae jhaung zug: ngaid: ra".4 Mug: myid no; thao" ra" jo, qo jham wa yao"lo, khug mae ngaid: ra". Bam nyaug jham rere: yao: sang: ra".5 Qid dae mo" rere: phain: mung: sang: ra". Bug gaung jham rere: yao" lo; yang nyhang" kaid' to" ra".6 Li" geri: goe; gam" mung: caung: pa" gelang:. Ngonhaung" re myhung: ke' ra" Mo"so mae paid' thaug' goe; pa" gelang:.7 AsAng wa ngonhaung" Mo"so ngaid: ra". Ngonhaung" re: AsAng mae gyo, zo: mo, yao" lo, khug mae" yao zhain jham ngaid:.8 Ana" ba yao: naonhaung" lomyhung" thoe gyo: yang: re: maqui: lo" ra" nhag' lam: daqao: na ge,.9 Naonhaung" phug' pho" qe zin lam: byid xe geim" aja: ja: khyo" ngo re lag yu: lo veko". Nga" lo, mau" re the' myao ko" ra" seyo mae ngo re tug' shai" mung: lag qu" ko" ra" ayo, re"ru: dakaid' ge,.10 Ai: amyu" re ngo ca' mung: yao: bam: nhag' myid shaid' nghung: ba: ra" amyu" ngaid ko" ra". Nga" akhyo rere: maba mase" ra" mo, ngaid ko" ra" ein: ngo mho va".11 Ai mung: nga" dug no: yaug yo: jao: khyo yao: bam maqo" vao genae" ein: ngo nhag' yo: yang: nhang: kheim: ke' va".