1 Myidkin: byu alhab' geim" AsAng re ngaui bau: ngaui lho" zag: yao: na ge,.2 Mo"so re ngaui bau: ngaui lho" caung da" na ge, zhao: yao za: nghaui" caung: zo" re" yao: jhao" vao ye: ge,.3 Mo"so wa AsAng ngaid: rure ba ge,. AsAng ngo nhaung" re khau myhung: ke' mung: ngonhaung" yao" byu qe ngaid: bam va". Yao" amyu" we' yao" gyo, zo: jao: mae" yao zhain ngonhaung" ngaid:.4 Yao" kham: mo" dung: khyo jeju so" ru we' vao ge, , yao" vang" khug khyo caung: khin" caung: nghaui" zo" re" vao ye: ge,. Yao" jeju re beim: so: mung: yao" mang khyao: re nga: yhe' na ge,.5 Khoru: ga" re, Mo"so wa gai: thao" yaug ngaid: ra". Yao" dao: so: wa daqae: we' daqae: mae gang" tang: na shao: wo".