1 Shao gyang" ra" jo, qo mae Mo"so re caung: khin" ge, Yao" phungbao ci: qhu" ra" mug: nyug lasung" dao mae re: caung: khin" ge,.2 Mug' pho" kheim: so' mathao mae Mo"so re caung: khin" caung: nghaui" ge,. Yao: qi" qhang: na: ru we'dakhyo: caung: khin" ge,.3 Labo" maid yang: Mo"so re caung: khin" ge,. She tang: we' pag' tang: re she: pag' mung: caung: khin" ge,4 Zang be, mao" thaung: go" nhain" yang:caung: khin" ge, She maid be, ja: aja: ja: we' dum ba: khu lhao: maid yang: caung: khin" ge,.5 Thoe qi" ra" jhe' cang" be, mung: caung: ge,. Qi" thao" ra" jhe' cang" re re: be, yang: caung: khin" ge,.6 Kao bo so' she: ra" mo, alhab' wa Mo"so re caung: khin" geshao:. Haleluya.