1 Tarha" macao" ra" mo, jhui" yaung: khyo mae macao" , makhyang: mashab: ra" mo; phaung mae mabo: bo ,2 Ba: jung" khyoe' ra" mo; phaung mae mabo: bo , AsAng: tarha" khug mae na mung: mung dao: re myi" na" nghe' xeim myid: nghae" ra" mo, wa nga: lho" ra".3 Khoru: ga" re ai: yaug wa qid yae mae qho" to: mung: yao" ayo, mae ashi: zaui: afo' majhoe' nyhug' lo: yaug: jo; ra" sag' gae we' dau: ra". Yao: kaid' ra" mau" zo" alhab' re: aung doe; li" nae".4 Ngaid qere: makhyang: mashab: ra" mo, kam" wa ai ru: mangaid: , la hug' yang: sin" lo" ra" vo, phaui: we' dau: ra".5 Makhyang" ra" mo; dao: phyid' ba mae magai: ye, lo: dang main" ra" mo; phaung mae maqo" bovao genae".6 Dang main: mo; khyo dang re AsAng ba: se" byid' ra". Makhyang: mo; khyo dang wa byo, qeim: lo" li" nae".