1 Pa" jhaung: yham qao: tae wa shao gyang" ra" bam dao mae te" to" ra".2 AsAng wa Yaku' jo, qo alhab' geim" tho' mae Ziun: bam re je: nhag' dag: ra".3 Mo"so: vomo" we" nao wa phung bao ham" hung: qi: nae" ga: ta" to" ra" dao: kheim: jo; ra".4 Ngo re ba: ra" mo; gu: mae Rahab' we' Babilon: bo ko" ra" ein: ngo mho: ra". Phil- sti , Turu , Khorusha: re qu" qu" ge, ce bam wa vomo" mae" khau: lo mo, ngaid ko" ra".5 Byu amyu" myu" re Ziun: mae khau mo, ngaid ko" ra". Myhao: thao" ra" Mo"so re: ai: vo re tau: to' yhe' to: va" ra" ga: Ziun: akhyo re byu qe ta" li" genae".6 Mo"so wa byumyu" cao jab re japhin: yu: ra" au: ce: amyu" wa ce: vomo" mae khau veko" ra" ga: Mo"so ca: qu" byid' li" nae".7 Nghaui" sang qe we' poe vao nae" seim" na ko" mo, alhab' wa nao mae jo, gau ngaid: ra" ga: nghaui" thoe nghaui" mo, we' go" nhain" mo, ta" li" genae".