1 Mo"so we" ni" mang: din" re nao o ngaui: ra" sham" pyaung" tai: lo" ra" Yaku' amyu" re dam: jhui" yu va".2 Yao: bam: qobo lhoe' pye' mung: yao: bam: yug: no qobo re nghoe' pye' byid' ra".3 Shao" sho' nhag' jo, yo mung: nhag' yo" ru re khyo" nyham: pye' ra".4 Ngonhaung" re khyaid' yu: ra" Mo"so we" ngonhaung" re dalhang nhag' dam: myain" yu mung: ngonhaung" re manug: makhyaid' nhag' myid tae" yo: lo: nhao wa,.5 Ngonhaung" re khonhae" re: nhag' yo" na shi: nae" i"?. Ayo, akhin: khao: ngo" nhag' yo: magyo" lo: na nae" i"?.6 AsAng: byu qe wa AsAng re ngha mung: nghaui bau: genae" khyo: ngonhaung" re daui: na nhao shi: nae" mangaid: i"?.7 Mo"so we" ngonhaung" re nhag' myain" ru qhu" mung: khyaid' khyi: yu: ra" jeju ngonhaung" re phung" byid: la,.8 AsAng khoru: ta" li" nae" ru re ngo tae" gyo: nae". Gai gai: yao" byu yao: shao lho" mo, re yaug yo myain cae" dao: jhau: li" nae". Yao: bam wa mangaid makhung" khyo ma dam: cao" vao vegeshao:.9 Gai gai: yao: ngonhaung" mang: din" mae nga: ye; na veshao:. Yao" khyaid' khyi: yu khyo , yao: re gyaug phug' ra" mo, jhao" te'te' ngaid: ra".10 Jeju we' dao: so: wa qhug' qham veko" ra". Dang main" ru we' ngaui pyo: yaug yo: ru wa bobaug jho" baug veko" ra".11 Dao: so: wa myid gaung mae" thug' li" nae". Tarha" re: mug: gaung: dao mae" gam" qu" li" nae".12 Gaigai: yao: Mo"so wa ngonhaung" re na gai gaug qo" nhao mung: ngonhaung" mug: myid wa yao: mae" gaugzo byid' li" nae".13 Yao" qhid' kheim: mae dang main" ru ye" lo" mung: yao" khyid khu wa khyo dang boe" nae" ngaid: ra".