1 Gug: mang: dae gam ug Mo"so we" AsAng: na jao: wa gyai nhag' dag yaug yo jao: ngaid nhaung i"?.2 Nga" solo nhag' myid wa Mo"so: yham vang" khyo amyid: so" na:. Nga" nhag' myid we' gaung khyao wa daui: na: ra" Mo"so re ngaui bau: ngaui lho" zag: yao: na:.3 Gug: mang: dae gam: ug Mo"so nga" jhaung zug: Mo"so we" Ni" xeim: phain nhae mae jhikhyao" wa na jo, qo the' myao: ra". Jhin"dao: ngho' nau" khau nae" said' said' jo, qo the' myao: ra".4 Ni" yham mae na: ra" mo, wa nga: lho" ko" ra". Yao: bam nao re caung: khin" caung: nghaui" na ko" ra".5 Nao mae qam: o: yu: ra" yaug wa nga: lho" ra". Ai ru" ra" yaug wa AsAng: khyo- dang re myid: qu" ba: ako".6 Yao: bam ba: ka: din" mae su" lai: ye" lo" au: ai: din" mae qid baug: baug: jo, qo boe" nhao ko" ra". Azhao: mug: qid re: nga: lho" ra" khyo" yug: gam: lo: ra".7 Yao: bam wa su" ye" lo" zo" qam: o: dam: byang" li" ko" mung: Ziun: bam mae" Mo"so: qhid' kheim: khyo joe" ye: ko" ra".8 Gug: mang: dae gam ug Mo"so we" nga" jhaung: xe: mho' dao: re tae" gyo: byid: la,. Yaku' Mo"so we" gyo" xam" yu byid: la,.9 Ngo nhaung" re gug: gam: ra" Mo"so we" qu" wa, AsAng mae xau gyain: khae: yu: ra" yaug re xam" to: byid: la,.10 Ni" vang" khug mae daba za: the' qhug' na: ru wa bana getau dataung tho' mae je: gai: ra".11 Mo"so wa ba we' go re: boe" ra". Mo"so wa phung bao we' jeju re byid' ra". Dang main" ra" khyo" cao" ra" mo, re gai: ru pe" ja: re: yao: ha: pye' nae" mangaid:.12 Gug: mang: dae gam ug: Mo"so we" nao mae khug ngha: ra" yaug wa nga: lho" veshao: wo".